عرب دنیا کا پہلا فلکیاتی رسالہ شائع کرنے والا مدینہ کا 25 سالہ نوجوان ریام الاحمدی
اشاعت کی تاریخ: 26th, October 2025 GMT
مدینہ سے تعلق رکھنے والی 25 سالہ سعودی سائنس کمیونیکیٹر ریام الاحمدی عرب دنیا میں فلکیات کو عام فہم بنانے کے مشن پر ہیں۔ انہوں نے ’ایسٹروفائل‘ (Astrophile) کے نام سے عربی زبان کا پہلا فلکیاتی میگزین متعارف کرایا ہے، جس کا مقصد خلا اور سائنس کو درست، دلچسپ اور روزمرہ گفتگو کا حصہ بنانا ہے۔
ریام الاحمدی نے میڈیا سے گفتگو میں کہا کہ یہ سب میری ذاتی دلچسپی سے شروع ہوا، لیکن وقت کے ساتھ ایک تحریک میں بدل گیا جس کا مقصد عربوں کے سائنسی ورثے کو زندہ کرنا اور نئی نسل کو وہ زبان اور اوزار دینا ہے جن سے وہ اسے دوبارہ دریافت کر سکیں۔
یہ بھی پڑھیے: سائنسدانوں کا 60 سالوں سے زمین کے ساتھ محوِ سفر نیا دریافت کرنے کا دعویٰ، ناسا کی تصدیق
انہوں نے کہا کہ عرب دنیا میں جامع عربی فلکیاتی پلیٹ فارم کی کمی ایک بڑا خلا تھی، جس کی وجہ سے غلط فہمیاں اور غیر مستند معلومات پھیلیں۔ ہم نے یہ خلا پُر کرنے کا فیصلہ کیا۔ ایسٹروفائل صرف بین الاقوامی سائنسی خبریں ترجمہ نہیں کرتا بلکہ انہیں عرب ثقافت اور قاری کے مزاج کے مطابق نئے انداز میں پیش کرتا ہے۔ اس میں کہانی سنانے، جدید ڈیزائن، اور تعلیمی مواد کو ایک ساتھ ملا کر سائنس کو قابلِ فہم اور پُرکشش بنایا گیا ہے۔
ریام کہتی ہیں کپ میرا مقصد ہے کہ قارئین کائنات کی خوبصورتی محسوس کریں، نہ کہ اس کے اعداد و شمار کا بوجھ۔ ان کے بقول، فلکیات اور دیگر پیچیدہ سائنسی مضامین کو عام لوگوں کے دل و دماغ سے جوڑنا ضروری ہے تاکہ سائنس محض لیبارٹریوں تک محدود نہ رہے بلکہ معاشرتی مکالمے کا حصہ بنے۔
الاحمدی کے نزدیک ایسٹروفائل ایک اشاعت نہیں بلکہ احیاء ہے۔ عربوں نے ہی کبھی ستارے نقش کیے تھے، سائنس کو منظم کیا تھا۔ اب ہماری ذمہ داری ہے کہ اس ورثے کو آج کے زمانے کے لیے دوبارہ زندہ کریں۔ یہ میگزین عربی اور انگریزی دونوں زبانوں میں شائع ہوتا ہے، تاکہ سائنسی گفتگو عالمی اور مقامی سطح پر یکساں طور پر آگے بڑھے۔
یہ بھی پڑھیے: پاک ایران سرحد پر سویا ہوا آتش فشاں جاگنے لگا، سائنس دانوں کی وارننگ
ریام تسلیم کرتی ہیں کہ سب سے بڑا چیلنج زبان کا ہے۔ بعض سائنسی اصطلاحات عربی میں موجود ہی نہیں، جیسے راکٹ یا انجینئرنگ سے متعلق الفاظ۔ یہ مشکل بھی ہے اور موقع بھی، کیونکہ ہم نئی اصطلاحات تخلیق کر سکتے ہیں۔
ایسٹروفائل کی پہچان اب اس کے منفرد اسلوب میں ہے جو سائنسی حقائق کے ساتھ شاعرانہ زبان اور سعودی شناخت کا حسین امتزاج پر مشتمل ہے۔ چند ہی برسوں میں یہ میگزین طلبہ، اساتذہ اور عرب میڈیا کے لیے معتبر حوالہ بن چکا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ٹیکنالوجی سائنس سعودی عرب فلکیات مدینہ.ذریعہ: WE News
پڑھیں:
پرامن‘ خوشحال دنیا کی تعمیر میں کردار ادا کرنے کیلئے پرعزم ہیں: اسحاق ڈار
اسلام آباد‘ مری (خبرنگار خصوصی+ طفیل عباسی) نائب وزیراعظم و وزیر خارجہ سینیٹر محمد اسحاق ڈار نے کہا ہے کہ پاکستان 26 ۔ 2025 کی مدت کیلئے اقوام متحدہ کی سلامتی کونسل کے غیرمستقل رکن کے طور پر ایک زیادہ پرامن، انصاف پسند اور خوشحال دنیا کی تعمیر میں اپنا کردار ادا کرنے کیلئے پرعزم ہے۔ دفترخارجہ کے مطابق گزشتہ روز اقوام متحدہ کے دن کے موقع پر اپنے پیغام میں نائب وزیراعظم نے کہا پاکستان اس بات کا اعادہ کرتا ہے کہ وہ اقوام متحدہ کے رکن ممالک اور اقوام متحدہ کے نظام کے ساتھ ملکر کام کرنے کیلئے تیار ہے۔ اسحاق ڈار نے اقوام متحدہ کے سیکرٹری جنرل کے خصوصی ایلچی برائے روڈ سیفٹی جین ٹوڈ سے ملاقات کی۔ عالمی سطح پر روڈ سیفٹی کے فروغ اور پاکستان میں محفوظ سڑکوں کیلئے تعاون پر تبادلہ خیال کیا گیا۔ علاوہ ازیںنائب وزیراعظم اسحاق ڈار سے گزشتہ رات دیر گئے امارات کے نائب وزیراعظم اور وزیر خارجہ شیخ عبداللہ بن زید النہیان نے ٹیلیفون پر گفتگو کی۔ دفتر خارجہ کے مطابق دونوں رہنمائوں نے باہمی دلچسپی کے دوطرفہ اور کثیرالجہتی امور کیساتھ ساتھ حالیہ علاقائی اور عالمی پیش رفت پر تبادلہ خیال کیا اور قریبی رابطے میں رہنے پر اتفاق کیا۔ علاوہ ازیںپولینڈ کے نائب وزیرِاعظم رادوسلاف سکورسکی نے مری کا دورہ کیا جہاں انہوں نے مری کشمیر پوائنٹ کے ہائیکنگ ٹریک پر پیدل سفر کیا۔ نائب وزیراعظم اسحاق ڈار بھی ان کے ہمراہ تھے۔ پولینڈ کے نائب وزیراعظم وفد کے ہمراہ مری مال روڈ پر پہنچے۔ وہ دو سو سال قدیم ہولی ٹرینٹی چرچ بھی گئے اور مری کے شاندار موسم دلکش نظاروں اور دلفریب وادی سے بھی خوب محظوظ ہوئے۔ نائب وزیراعظم اسحاق ڈار نے انہیں گورنمنٹ ہائوس مری میں ظہرانہ دیا، سکیورٹی کے فول پروف انتظامات کئے گئے تھے۔ علاوہ ازیں نائب وزیراعظم نے خلیج تعاون کونسل کے ممالک سے ترسیلات زر کے بہائوکا جائزہ لینے کیلئے اجلاس کی صدارت کی۔ انہوں نے ڈیجیٹل ٹیکنالوجیز استعمال کے ذریعے ترسیلات زر کا بہائو بڑھانے، بہتر بنانے اور سہولت فراہمی کے ساتھ ساتھ منتقلی کے وقت اور لین دین اخراجات کم کرنے کی ضرورت پر زور دیا۔ اجلاس میں معاون خصوصی ایم طارق باجوہ، گورنر اور ڈپٹی گورنر سٹیٹ بنک آف پاکستان اور دیگر متعلقہ حکام نے شرکت کی۔ وزیرخارجہ اسحاق ڈار نے پاک چین تعلقات کو مزید مضبوط بنانے سے متعلق اجلاس صدارت کی۔اجلاس میں سیاسی، اقتصادی، تجارتی اور عوام سے عوام کے درمیان تعاون بڑھانے پر بات چیت کی گئی۔
انصار اللہ نے اقوام متحدہ کے 20 ملازمین کو حراست میں لے لیا