والد نے طیارہ حادثے سے چند ماہ قبل شہادت کی دعا کرنا شروع کردی تھی، جنید جمشید کے بیٹے کا انکشاف
اشاعت کی تاریخ: 26th, October 2025 GMT
مرحوم جنید جمشید کے بیٹے سیف اللہ جنید نے انکشاف کیا کہ والد نے طیارہ حادثے سے چند ماہ قبل شہادت کی دعا کرنا شروع کر دی تھی۔
جنید جمشید کے بیٹے سیف اللہ جنید نے حال ہی میں جیو پوڈکاسٹ میں شرکت کے دوران اپنے والد سے جڑی یادیں اور ان کے آخری ایام سے متعلق جذباتی گفتگو کی۔
سیف اللہ جنید نے بتایا کہ ان کے والد کا انتقال اس وقت ہوا جب ان کی عمر صرف 14 سال تھی، انہیں یاد ہے کہ والد کی شہادت سے تقریباً چھ سے آٹھ ماہ قبل انہوں نے والدہ سے کہنا شروع کردیا تھا کہ تم ناراض مت ہونا، لیکن وہ اللہ سے اپنے لیے شہادت کی دعا مانگ رہے ہیں۔
انہوں نے بتایا کہ والد کی شہادت دراصل ان کی اپنی دعا کا نتیجہ تھی، کیونکہ وہ مسلسل سات سے آٹھ ماہ سے اللہ سے شہادت کی التجا کررہے تھے اور ایسا محسوس ہوتا ہے کہ اللہ تعالیٰ نے ان کی دعا قبول فرمالی۔
سیف اللہ جنید نے کہا کہ والد کی وفات کی خبر اچانک ملی، کیونکہ وہ کسی بیماری میں مبتلا نہیں تھے، اس لیے ان کے ذہن میں والد کا ہنستا مسکراتا چہرہ ہی نقش ہے۔
انہوں نے بتایا کہ والد کی شہادت کے بعد جب لوگوں کی آمدورفت گھر میں شروع ہوئی تو وہ اور اہل خانہ اس وقت تک یقین نہیں کرپارہے تھے کہ آخر ہوا کیا ہے۔
بچپن کی ایک یاد کا ذکر کرتے ہوئے سیف اللہ جنید نے بتایا کہ ان کی والدہ اکثر بتاتی ہیں کہ جب وہ بہت چھوٹے تھے تو والد نے انہیں موسیقی کے دور کی اپنی ایک تصویر دکھا کر پوچھا کہ یہ کون ہے؟ وہ کافی دیر سوچنے کے بعد بولے انکل، والد یہ سن کر خوش ہوئے اور بیٹے کے نہ پہچاننے پر الحمدللہ کہا۔
یاد رہے کہ دسمبر 2016 میں چترال سے اسلام آباد آنے والی پی آئی اے کی پرواز حادثے کا شکار ہوئی تھی، جس میں جنید جمشید اپنی دوسری اہلیہ نیہا جمشید سمیت 48 افراد کے ساتھ جاں بحق ہوگئے تھے۔
ذریعہ
ذریعہ: Daily Mumtaz
کلیدی لفظ: سیف اللہ جنید نے نے بتایا کہ کہ والد کی شہادت کی کی دعا
پڑھیں:
کفایت شعاری اقدامات، حکومت نے مارکیٹوں اور ریسٹورنٹس کے اوقات کار میں توسیع کردی گئی
نائب وزیراعظم و وزیر خارجہ اسحاق ڈار کی زیر صدارت کفایت شعاری اقدامات پر اہم اجلاس ہوا جس میں مارکیٹوں اور ریسٹورنٹس کے اوقات کار میں توسیع کردی گئی۔
ایکسپریس نیوز کے مطابق نائب وزیراعظم و وزیر خارجہ سینیٹر محمد اسحاق ڈار کی زیر صدارت وزارتِ خارجہ میں کفایت شعاری اقدامات کی نگرانی اور عملدرآمد سے متعلق کمیٹی کا اجلاس منعقد ہوا۔
اجلاس میں ملک بھر میں توانائی کے مؤثر استعمال اور کاروباری سرگرمیوں کے اوقات کارجبکہ جاری کفایت شعاری اقدامات کا تفصیلی جائزہ لیا گیا۔
موسمِ گرما میں دن کے دورانیے میں اضافے اور بلند درجہ حرارت کے پیش نظر کمیٹی نے دکانوں، بازاروں، شاپنگ مالز اور جنرل ریٹیل کاروبار کے اوقات کار رات 9 بجے تک بڑھانے کی منظوری دے دی۔
مزید پڑھیںلاہور میں بھی اسمارٹ لاک ڈاؤن پھر سے نافذ، پرانے اوقات کار بحال
اجلاس کے فیصلوں کے مطابق ریسٹورنٹس، کیفے اور دیگر کھانے پینے کے مراکز رات 11 بجے تک کھلے رہ سکیں گے، تاہم ٹیک اوے اور ہوم ڈلیوری سروسز ان اوقات کی پابندی سے مستثنیٰ ہوں گی۔
شادی ہالز اور تقریبات کے مقامات کے اوقات کار رات 10 بجے تک برقرار رکھنے کا فیصلہ کیا گیا جبکہ فارمیسیز، ہسپتال، پٹرول پمپس، آئی ٹی اور ٹیلی کام سے متعلق خدمات سمیت ضروری سروسز کو ان پابندیوں سے استثنیٰ حاصل ہوگا۔
کمیٹی نے صوبائی حکومتوں کو ہدایت کی کہ وہ وفاقی حکام کے ساتھ مکمل تعاون کرتے ہوئے ان فیصلوں پر مؤثر عملدرآمد یقینی بنائیں۔
اجلاس میں وفاقی وزراء برائے پیٹرولیم، موسمیاتی تبدیلی، اطلاعات اور آئی ٹی و ٹیلی کام، وزیر اعظم کے معاونینِ خصوصی برائے خزانہ اور نائب وزیراعظم، وفاقی سیکریٹریز تجارت، کابینہ، پیٹرولیم اور آئی ٹی و ٹیلی کمیونی کیشنز کے علاوہ صوبائی حکومتوں کے سینئر حکام نے بھی شرکت کی۔کمیٹی نے ایجنڈے میں شامل دیگر امور اور کیسز کی بھی منظوری دی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ