مریم نواز کے بیٹے جنید صفدر کی دوبارہ شادی کی خبریں زیر گردش، دلہن کون ہیں؟
اشاعت کی تاریخ: 9th, December 2025 GMT
مریم نواز کے بیٹے جنید صفدر کی دوبارہ شادی کی خبریں زیر گردش، دلہن کون ہیں؟ WhatsAppFacebookTwitter 0 9 December, 2025 سب نیوز
لاہور (آئی پی ایس) سوشل میڈیا پر خبریں گردش کر رہی ہیں کہ وزیراعلیٰ پنجاب مریم نواز کے صاحبزادے جنید صفدر دوبارہ رشتہِ ازدواج میں منسلک ہونے جا رہے ہیں۔
اب تک کی تفصیلات کے مطابق دلہن کا تعلق لاہور کی ایک بااثر سیاسی فیملی سے ہے اور وہ مسلم لیگ (ن) کے سینئر رہنما شیخ روحیل اصغر کے بیٹے علی اصغر کی صاحبزادی ہیں۔
یہ بھی دعویٰ کیا جا رہا ہے کہ دونوں خاندانوں کے مابین ابتدائی مشاورت مکمل ہو چکی ہے جبکہ نکاح اور رخصتی کی تاریخ دسمبر کے آخری ہفتے یا جنوری کے پہلے ہفتے کے لیے زیرِ غور ہے۔
دونوں خاندانوں نے اس بات پر اتفاق کیا ہے کہ شادی کی تمام تقریبات محدود اور خاندانی نوعیت کی ہوں گی، جن میں صرف قریبی رشتہ داروں کو مدعو کیا جائے گا۔
انٹرنیٹ پر زیر گردش معلومات میں یہ دعویٰ بھی کیا گیا ہے کہ حال ہی میں دونوں خاندانوں کے افراد کی ملاقات لاہور میں ہوئی جسے اس رشتے کی حتمی منظوری کی طرف اہم قدم کے طور پر دیکھا جا رہا ہے۔
تاہم دونوں خاندانوں نے تاحال اس بات کی تصدیق نہیں کی اور شادی کا باضابطہ اعلان آئندہ چند روز میں متوقع ہے۔
یاد رہے کہ جنید صفدر نے 2021 میں ایک شاندار تقریب میں عائشہ سیف سے شادی کی تھی، تاہم یہ رشتہ 2023 میں اختتام پذیر ہوا۔ اس وقت جنید صفدر نے علیحدگی کو ‘ذاتی معاملہ’ قرار دیتے ہوئے میڈیا سے ان کی نجی زندگی کا احترام کرنے کی اپیل کی تھی۔
سیاسی خاندانوں کے اس مجوزہ نئے رشتے کو مسلم لیگ (ن) کے اندر ایک اہم اتحاد کے طور پر دیکھا جا رہا ہے، جو آئندہ سیاسی منظرنامے پر بھی اثر انداز ہو سکتا ہے۔
شیخ روحیل اصغر کا مختصر تعارف
شیخ روحیل اصغر لاہور کے معروف سیاسی رہنما اور مسلم لیگ (ن) کا سینئر چہرہ تصور کیے جاتے ہیں۔ ان کا تعلق دَرُوغہ والا، لاہور کے بااثر کشمیری شیخ خاندان سے ہے، جہاں ان کے والد شیخ اصغر اور بھائی شیخ شکیل اصغر بھی سیاست سے وابستہ رہے۔
وہ پہلی مرتبہ 1985 کے عام انتخابات میں قومی اسمبلی کے رکن منتخب ہوئے، جبکہ 1990 میں اسلامی جمہوری اتحاد (IJI) کے ٹکٹ پر پنجاب اسمبلی کے رکن بھی رہے۔ بعد ازاں 2008، 2013 اور 2018 کے انتخابات میں مسلم لیگ (ن) کے پلیٹ فارم سے قومی اسمبلی کی نشستوں پر کامیاب ہوئے اور طویل عرصے تک لاہور کی سیاست میں مضبوط حیثیت برقرار رکھی۔
شیخ روحیل اصغر نے شہباز شریف کے دور حکومت میں وزیراعظم کے مشیر کی حیثیت سے وفاقی وزیر کے برابر عہدہ بھی سنبھالا۔ ان کے صاحبزادے خرم روحیل اصغر مسلم لیگ (ن) یوتھ ونگ لاہور کے صدر رہ چکے ہیں، جبکہ ان کی بیٹی عائشہ روحیل برطانوی سیاست میں سرگرم ہیں اور ویلویَن ہیٹفیلڈ میں لبرل ڈیموکریٹس کی کونسلر رہ چکی ہیں۔
چار دہائیوں پر محیط سیاسی کیریئر میں وہ مختلف انتخابی حلقوں سے بارہا کامیابی حاصل کرتے رہے ہیں اور لاہور کی پارلیمانی سیاست میں اپنا نمایاں مقام قائم رکھتے ہیں
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبریورپی یونین کا پاکستان کے ساتھ سکلز ڈویلپمنٹ تعاون جاری رکھنے کا اعلان یورپی یونین کا پاکستان کے ساتھ سکلز ڈویلپمنٹ تعاون جاری رکھنے کا اعلان برطانیہ میں جنسی زیادتی کے کیس میں 2 افغان شہریوں کو سزا سنادی گئی جسٹس طارق کی ڈگری تنازع کیس؛ ایچ ای سی رپورٹ و جامعہ کراچی کے جواب میں اہم انکشافات الیکشن کمیشن فوری طور پر بلدیاتی انتخابات کا شیڈول جاری کرے، اسلام آباد آزاد گروپ کا مطالبہ آئی ایم ایف کے ایگزیکٹو بورڈ اجلاس کا اعلامیہ جاری پاکستان جلد قرضوں سے مکمل نجات حاصل کرکے معاشی طور پر خود کفیل ہوگا، وزیراعظمCopyright © 2025, All Rights Reserved
رابطہ کریں ہماری ٹیم.
ذریعہ
ذریعہ: Daily Sub News
کلیدی لفظ: شادی کی
پڑھیں:
استحکام پاکستان پارٹی آزاد کشمیر اور آل جموں و کشمیر مسلم کانفرنس کے درمیان انتخابی اتحاد طے
سٹی 42 : آزاد جموں و کشمیر کے عام انتخابات میں استحکام پاکستان پارٹی آزاد کشمیر اور آل جموں و کشمیر مسلم کانفرنس کے درمیان انتخابی اتحاد پر اتفاق ہو گیا۔
استحکام پاکستان پارٹی آزاد کشمیر کے صدر و سابق وزیراعظم سردار تنویر الیاس خان اور آل جموں و کشمیر مسلم کانفرنس کے صدر و سابق وزیراعظم سردار عتیق احمد خان کے درمیان طویل ملاقات کے بعد مختلف انتخابی حلقوں میں سیٹ ایڈجسٹمنٹ کے اصولی فارمولے کی منظوری دے دی گئی۔ دونوں جماعتوں نے انتخابات کے بعد بھی باہمی سیاسی تعاون، مشاورت اور مشترکہ حکمت عملی کے تحت آگے بڑھنے پر اتفاق کیا ہے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
کن انتخابی حلقوں میں کس جماعت کے امیدوار کی حمایت کی جائے گی، اس کا حتمی فیصلہ دونوں جماعتوں کی مشترکہ رابطہ کمیٹی جلد اعلان کرے گی۔
دونوں قائدین نے مسلح افواج پاکستان اور قومی سلامتی کے اداروں کو ملک میں امن کے قیام، مسئلہ کشمیر اجاگر کرنے کیلئے کی جانے والی کوششوں کی تعریف کی، مسئلہ کشمیر سمیت اہم امور پر جاندار موقف دنیا کے سامنے ٹھوس طریقے سے سامنے لانے پر خراج تحسین پیش کیا.
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی