اے این پی کے ارباب زین عمر ن لیگ میں شامل ہوگئے
اشاعت کی تاریخ: 27th, October 2025 GMT
اے این پی رہنما ارباب زین عمر۔فوٹو: فائل
عوامی نیشنل پارٹی (اے این پی) کے رہنما ارباب زین عمر وفاقی حکمران جماعت مسلم لیگ (ن) میں شامل ہوگئے ہیں۔
پشاور میں ہونے والی شمولیتی تقریب میں وفاقی وزیر امیر مقام، ایم این اے ثمر بلور اور ایم پی اے ثوبیہ شاہد شریک ہوئیں۔
تقریب سے خطاب میں امیر مقام نے کہا کہ ن لیگ اور نواز شریف کے قافلے میں شامل ہونے والوں کو مبارک باد پیش کرتا ہوں، ارباب زین عمر، اُن کے ساتھیوں اور کارکنان کا شکریہ ادا کرتا ہوں۔
انہوں نے کہا کہ بدقسمتی سے صوبے کے عوام کو 13 سال میں پیچھے دھکیل دیا گیا، وزیراعلی نے کہا کہ میں تاریخ بنانا چاہتا ہوں، ان کو کہتا ہوں کہ پختونوں کی تاریخ پہلے سے بنی ہوئی ہے۔
وفاقی وزیر امیر مقام نے مزید کہا کہ پختونوں کو نئی تاریخ دینے کی ضرورت نہیں، آپ لوگوں نےصوبے کے عوام کی ساکھ کو متاثر کیا ہے۔ پختونوں کی تاریخ ہزاروں سال پرانی ہے، آپ کو بنانے کی ضرورت نہیں، افسوس کی بات ہے کہ خیبر پختونخوا کابینہ کو قیدی کی منظوری سے مشروط کیا گیا ہے۔
امیر مقام نے یہ بھی کہا کہ وزیراعلیٰ کو صوبے میں دہشت گردی کی آگ کو بجھانے کے لیے پلان دینا چاہیے۔
.
ذریعہ
ذریعہ: Jang News
کلیدی لفظ: کہا کہ
پڑھیں:
نیب مقدمات کی سماعت کا اختیار وفاقی آئینی عدالت کو منتقل، سپریم کورٹ نے محفوظ فیصلہ سنا دیا
سپریم کورٹ نے نیب قانون میں کی گئی ترامیم کے بعد عدالتی دائرہ اختیار سے متعلق اہم مقدمے کا محفوظ شدہ فیصلہ سنا دیتے ہوئے قرار دیا ہے کہ قومی احتساب بیورو (نیب) سے متعلق تمام مقدمات اب وفاقی آئینی عدالت میں سنے جائیں گے۔
جسٹس محمد علی مظہر نے مختصر فیصلہ سناتے ہوئے کہا کہ نیب قانون میں ترامیم کے بعد سپریم کورٹ کو نیب مقدمات کی سماعت کا اختیار حاصل نہیں رہا، اس لیے نیب سے متعلق تمام زیر التوا اور آئندہ مقدمات وفاقی آئینی عدالت کو منتقل کیے جائیں گے۔
یہ بھی پڑھیں:ایرانی ڈیزل اسمگلنگ کیس: وفاقی آئینی عدالت نے اہم سوالات اٹھا دیے
سپریم کورٹ نے اپنے فیصلے میں نیب اور وفاقی حکومت کا مؤقف درست قرار دیتے ہوئے کہا کہ آئین کے آرٹیکل 175، نیب آرڈیننس کے سیکشن 32 اور 32 اے کے تحت نیب مقدمات کی سماعت کے لیے وفاقی آئینی عدالت ہی مجاز فورم ہے۔
سپریم کورٹ نے اس معاملے پر فریقین کے تفصیلی دلائل سننے کے بعد 16 جولائی کو فیصلہ محفوظ کیا تھا، جو جمعہ کو سنایا گیا۔
اس فیصلے کے بعد نیب سے متعلق تمام مقدمات کی سماعت اب وفاقی آئینی عدالت میں ہوگی، جبکہ سپریم کورٹ ان مقدمات کی سماعت نہیں کرے گی۔ یہ فیصلہ نیب مقدمات کے عدالتی دائرہ اختیار سے متعلق ایک اہم آئینی نظیر قرار دیا جا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
تحریکِ تحفظِ آئینِ پاکستان کا پارلیمنٹ ہائوس سے دھرنا ختم