شیخوپورہ: اسکول بس ٹرک کی ٹکر سے نالے میں گر گئی، 21 معصوم زخمی
اشاعت کی تاریخ: 28th, October 2025 GMT
data-id="863a0a8" data-element_type="widget" data-widget_type="theme-post-content.default">
شیخوپورہ: پنجاب کے ضلع شیخوپورہ میں افسوسناک حادثہ پیش آیا جہاں اسکول بس ٹرک کی ٹکر کے بعد نالے میں جا گری۔ حادثہ شیخوپورہ کے بائی پاس پر پیش آیا جس کے بعد علاقے میں ریسکیو ٹیموں کی دوڑیں لگ گئیں۔
ریسکیو ذرائع کے مطابق حادثہ اس وقت پیش آیا جب تیز رفتار ٹرک نے اسکول کی بس کو زور دار ٹکر ماری جس کے نتیجے میں بس سڑک سے اُلٹ کر نالے میں جا گری۔ حادثے کے فوراً بعد مقامی افراد نے موقع پر پہنچ کر بچوں کو بس سے نکالنے میں مدد کی۔
ریسکیو حکام کا کہنا ہے کہ حادثے میں 21 بچے زخمی ہوئے جن میں سے 6 کو موقع پر ہی ابتدائی طبی امداد فراہم کی گئی جبکہ 15 زخمی بچوں کو قریبی اسپتال منتقل کر دیا گیا ہے۔
اسپتال ذرائع کے مطابق زخمی بچوں میں سے چند کی حالت تشویش ناک بتائی جا رہی ہے، تاہم بیشتر بچے خطرے سے باہر ہیں۔ پولیس نے واقعے کی تحقیقات شروع کر دی ہیں اور ٹرک ڈرائیور کی تلاش جاری ہے۔
حادثے کے بعد علاقے میں سوگ کی فضا قائم ہے جبکہ والدین کی بڑی تعداد اسپتال پہنچ گئی جہاں بچوں کا علاج جاری ہے۔
.
ذریعہ
ذریعہ: Jasarat News
پڑھیں:
بارشوں سے پنجاب میں اب تک 21 شہری جاں بحق اور 154 زخمی ہوئے، پی ڈی ایم اے
تصویر سوشل میڈیا۔پراونشل ڈیزاسٹر منیجمنٹ اتھارٹی (پی ڈی ایم اے) پنجاب نے مون سون بارشوں کے باعث نقصانات سے متعلق رپورٹ جاری کر دی۔
لاہور ترجمان پی ڈی ایم اے کے مطابق مون سون بارشوں کے باعث پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے۔
بارش رکنے کے بعد ایم ڈی واسا نے تمام انڈر پاس کلیئر کر دینے کا دعویٰ کیا، بارش کے باعث نناوے فیڈرز بھی متاثر ہوئے، بحالی کا کام جاری ہے، ڈیفنس میں بارش کے پانی میں ایک منچلا کشتی لے آیا۔
ترجمان پی ڈی ایم اے کے مطابق بارشوں میں کرنٹ لگنے سے 3 اور آسمانی بجلی گرنے سے 2 افرادجاں بحق ہوئے۔ بارش کے پانی میں ڈوبنے سے ایک شخص جاں بحق ہوا، بارشوں کے باعث 38 مکانات جزوی طور پر متاثر ہوئے۔
ڈی جی پی ڈی ایم اے نے کہا کہ جاں بحق افراد کے خاندانوں کو 10 سے 50 لاکھ روپے تک امداد فراہم کی جا رہی ہے۔
انھوں نے کہا کہ شہریوں سے گزارش ہے موسم برسات میں احتیاطی تدابیر اختیار کریں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار