اسرائیل کو تسلیم کرنے سے متعلق بھارتی میڈیا کا فریب آشکار ہوچکا، عطا تارڑ
اشاعت کی تاریخ: 28th, October 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد: وزیرِ اطلاعات و نشریات عطا اللہ تارڑ نے غزہ میں پاک فوج کی تعیناتی اور اسرائیل کو تسلیم کرنے سے متعلق بھارتی میڈیا کے جھوٹے پروپیگنڈے کو بے نقاب کرتے ہوئے کہا ہے کہ پاکستان کے خلاف پھیلائی جانے والی یہ مہم من گھڑت، گمراہ کن اور بدنیتی پر مبنی ہے۔
میڈیا رپورٹس کے مطابق وزارتِ اطلاعات و نشریات پاکستان نے بھارتی میڈیا کے ہتھکنڈوں کا ایک بار پھر پردہ فاش کرتے ہوئے کہاکہ بھارتی جریدے فرسٹ پوسٹ نے اپنی حالیہ رپورٹ میں یہ جھوٹا دعویٰ کیا کہ مبینہ طور پر پاکستانی عسکری قیادت کا سی آئی اے اور موساد کے ساتھ کوئی معاہدہ ہوا ہے، جس کے تحت 20 ہزار پاکستانی فوجی غزہ میں تعینات کیے جائیں گے۔
وزیرِ اطلاعات عطا تارڑ نے واضح کیا کہ پاکستان نے نہ کبھی اسرائیل کو تسلیم کیا ہے اور نہ ہی غزہ میں کسی فوجی مشن یا تعیناتی پر کوئی بات چیت ہوئی ہے۔ انہوں نے کہا کہ پاک فوج کے شعبہ تعلقات عامہ (آئی ایس پی آر) اور دفترِ خارجہ نے بھی ایسے کسی منصوبے کی تصدیق یا تائید نہیں کی۔
عطا تارڑ نے کہا کہ بھارتی جریدے نے صحافتی اصولوں اور اخلاقیات کی کھلی خلاف ورزی کرتے ہوئے ایک پاکستانی اخبار کے جملے سیاق و سباق سے ہٹا کر پیش کیے۔ ان کے مطابق ’’انٹیلی جنس لیکس‘‘ کے نام پر پیش کیے گئے تمام دعوے من گھڑت اور بے بنیاد ہیں۔
وزیر اطلاعات کا کہنا تھا کہ بھارت کے بعض میڈیا ادارے مودی سرکار کی ایما پر پاکستان دشمن مہمات میں پیش پیش ہیں، جن کا مقصد عوام کو گمراہ کرنا اور عالمی سطح پر غلط تاثر دینا ہے، پاکستان کا مؤقف ہمیشہ سے فلسطینی عوام کے حقِ خود ارادیت کی حمایت پر مبنی رہا ہے۔ پاکستان نے ہر بین الاقوامی فورم پر اسرائیلی جارحیت کی مذمت اور فلسطین کے مظلوم عوام سے یکجہتی کا اظہار کیا ہے۔
وزیر اطلاعات نے مزید کہا کہ بھارتی میڈیا کی جھوٹی اور مضحکہ خیز رپورٹنگ مودی حکومت کے مکروہ عزائم کو ظاہر کرتی ہے، جس کا مقصد فلسطینی عوام کی حمایت کرنے والے ممالک کے خلاف نفرت انگیز بیانیہ بنانا ہے۔ انہوں نے عالمی میڈیا سے اپیل کی کہ وہ حقائق پر مبنی رپورٹنگ کرے اور بھارت کی غلط معلومات کی مہم کا حصہ نہ بنے۔
ذریعہ
ذریعہ: Jasarat News
کلیدی لفظ: بھارتی میڈیا
پڑھیں:
وزیراعظم کا سرمایہ کاری اور صنعتی ترقی کیلئے اصلاحات تیز کرنے کا حکم
سٹی 42: وزیراعظم شہباز شریف کی زیر صدارت سرمایہ کاری میں اضافے، صنعتی ترقی اور معیشت کی بہتری کے حوالے سے اہم جائزہ اجلاس منعقد ہوا، جس میں مختلف شعبوں میں اصلاحات اور پالیسی اقدامات پر غور کیا گیا۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
اجلاس سے خطاب کرتے ہوئے وزیراعظم شہباز شریف نے کہا کہ ملکی معیشت کی پائیدار ترقی کے لیے صنعت و حرفت کا فروغ اور بیرونی سرمایہ کاری میں اضافہ ناگزیر ہے۔ انہوں نے ہدایت کی کہ صنعتی پیداوار اور برآمدات بڑھانے کے لیے مؤثر اور دیرپا پالیسی اقدامات کو ترجیح دی جائے۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
وزیراعظم نے کہا کہ صنعت، تجارت اور معیشت کے مختلف شعبوں میں اصلاحات عوامی فلاح اور طویل المدتی معاشی استحکام پر مرکوز ہونی چاہئیں۔ انہوں نے متبادل توانائی کے ذرائع کے فروغ اور مستقبل کی توانائی ضروریات پوری کرنے کے لیے جامع حکمت عملی پر تیزی سے عملدرآمد کی ضرورت پر زور دیا۔
شہباز شریف کا کہنا تھا کہ توانائی کی بچت اور سستی ٹرانسپورٹ کے فروغ کے لیے مؤثر الیکٹرک وہیکلز پالیسی وقت کی اہم ضرورت ہے، جبکہ جدید ٹیکنالوجی کو مختلف شعبوں میں متعارف کرانے کے لیے وزارتوں اور ماہرین کے درمیان مؤثر مشاورت یقینی بنائی جائے۔
نجی کمپنیاں گندم کے مقابلے میں آٹا دوگنی قیمت پر فروخت کرنے لگیں، کارروائی کا مطالبہ
اجلاس میں نائب وزیراعظم و وزیر خارجہ اسحاق ڈار، وزیر خزانہ محمد اورنگزیب، وزیر اقتصادی امور احد چیمہ، وزیر اطلاعات عطاء اللہ تارڑ، وزیر موسمیاتی تبدیلی مصدق ملک، وزیر توانائی اویس لغاری، وزیر پٹرولیم علی پرویز ملک اور دیگر اعلیٰ حکام نے شرکت کی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ