کسانوں کا استحصال نہیں ہونے دینگے، ہر قدم پر ساتھ ہیں: حافظ نعیم، روڈ کارواں گوجرہ پہنچ گیا
اشاعت کی تاریخ: 29th, October 2025 GMT
لاہور+ گوجرہ+ جڑانوالہ (خصوصی نامہ نگار+ نمائندگان) امیر جماعت اسلامی حافظ نعیم الرحمن نے روڈ کارواں سے گوجرہ میں خطاب کرتے ہوئے کہا کہ پورے پاکستان میں کوئی کسانوں کے لیے آواز نہیں ہے۔ پاکستان کی 60 فیصد آبادی جو دیہات میں بستی ہے۔ آپ لوگوں نے بہت اتحاد دیکھ لیے ، سب تجربے ناکام ہوگئے۔ اب ہمارا اتحاد پاکستان کے عوام سے ہے۔ جماعت اسلامی کی پوری لیڈرشپ آپ جیسی ہے۔ فارم 47 ہوں یا فارم 45 سب ایک ہیں۔ یہ ستر‘ اسی فیصد ہیں جو ارب پتی ہیں۔ ان کا عام آدمی سے کوئی تعلق نہیں ہے۔ جماعت اسلامی کے سارے لوگ مڈل کلاس لوگ ہیں۔ جماعت اسلامی عام لوگوں کی جماعت ہے۔ آپ ہمارا ساتھ دیں، ان کے خلاف مل کر جدوجہد کریں گے۔ بجلی کے مسئلے پر کیا ہوا۔ 2ہزار ارب ایسے لوگوں کو دے دیے جاتے ہیں جو بجلی پیدا ہی نہیں کرتے۔ ہر پارٹی میں چینی، آٹا، بجلی مافیا موجود ہے۔ مینار پاکستان سے بدل دو نظام تحریک کا آغاز کریں گے۔ کھادوں کی قیمت نصف کی جائے۔ چند لوگوں کو نوازنے کے لیے پورے شعبے تباہ کر دیئے گئے۔ آٹا بھی سستا کیا جائے اور گندم کا ریٹ 4500 رکھا جائے۔ یہ حکومت کی ذمہ داری ہے۔ سیاسی مگرمچھ بیٹھے، یہ عوام سے جھوٹ بولتے ہیں۔ کسان کو حق ملا اور نہ عوام کو حق ملا۔ یہ روڈ کارواں پہلا ہے، یہ آخری نہیں ہے۔ جماعت اسلامی لینڈ ریفارمز کرے گی۔ کسانوں کو زمینوں کا مالک بنائیں گے۔ جب تعلیم کاروبار بن جائے تو یہ کسانوں‘ مزدوروں کے بچے کبھی پڑھ نہیں سکتے۔ سب کو ایک جیسی تعلیم ملنی چاہیے۔ بنو قابل پروگرام گوجرہ میں شروع کریں گے۔ امیر جماعت اسلامی پنجاب محمد جاوید قصوری نے خطاب کرتے ہوئے کہا کہ فیصل آباد اور ننکانہ کے اندر شوگر ملیں گنے کی قیمت دے رہی ہیں۔ کسانوں کو تباہی کے دہانے پر پہنچانے والے حکمران ہیں۔ جماعت اسلامی حافظ نعیم الرحمن کی قیادت میں آپ کی جنگ لڑے گی۔ حافظ نعیم الرحمان کی قیادت میں کسانوں کو ریلیف ملنے تک جدوجہد جاری رکھیں گے۔ کسان حکومت سے بھیک نہیں مانگ رہے‘ انہیں حق دیا جائے۔ کسان آج بے حال ہے‘ بد حال ہے تو یہ اس لیے کہ وہ قیمتوں کا مقابلہ نہیں کر پا رہا۔ اس نظام کو بدلنا ہے تو حافظ نعیم الرحمن کا ساتھ دینا ہوگا۔ سردار ظفر حسین نے کہا کہ ہمیں موجودہ حکمرانوں سے خیر کی توقع نہیں۔ 25 کروڑ انسانو! صرف چند سو افراد نے تمہارا حق چھینا ہے۔ ڈاکٹر عطاء اللہ حمید امیر جماعت اسلامی گوجرہ نے کہا کہ جماعت حافظ نعیم الرحمن کی قیادت میں کسانوں کے حقوق کی جدوجہد کررہی ہے۔
.ذریعہ: Nawaiwaqt
کلیدی لفظ: حافظ نعیم الرحمن جماعت اسلامی کہا کہ
پڑھیں:
اس وقت ملک میں گلا سڑا نظام چل رہا ہے جو نوجوان کو مایوس کر رہا ہے،حافظ نعیم الرحمان
اس وقت ملک میں گلا سڑا نظام چل رہا ہے جو نوجوان کو مایوس کر رہا ہے،حافظ نعیم الرحمان WhatsAppFacebookTwitter 0 13 December, 2025 سب نیوز
وزیرآباد(آئی پی ایس )امیر جماعت اسلامی حافظ نعیم الرحمان نے کہا ہے کہ ملک میں گلا سڑا نظام نوجوانوں کو مایوس کررہا ہے۔پنجاب کے شہر وزیرآباد میں الخدمت فاونڈیشن کے زیراہتمام بلاسود قرضہ جات کی تقریب سے خطاب کرتے ہوئے حافظ نعیم الرحمان کا کہنا تھا کہ پاکستان میں44فیصدلوگ غربت کی لکیرسے نیچے زندگی گزاررہے ہیں۔انہوں نے کہا کہ بینظیرانکم سپورٹ پروگرام کی طرح کئی سکیمیں ہیں لیکن غربت ختم نہیں ہورہی، نوجوانوں کوآئی ٹی کے کورسزکرادیے جائیں تو وہ بہت سے کام کر سکتے ہیں۔امیر جماعت اسلامی نے تقریب میں 112 افراد میں 1 کروڑ 12 لاکھ روپے کے بلاسود قرضوں کے چیک تقسیم کیے۔
حافظ نعیم الرحمان کا کہنا تھا کہ ہرشعبے میں طبقاتی نظام بنتا جا رہا ہے، بے نظیر انکم جیسے پروگرام جیسے پروگرام صرف سیاست کے لئے استعمال ہو رہے ہیں، ہمارے پڑوسی ملک کے مقابلے میں ہمارے ملک میں یوریا کھاد کی قیمتیں کئی گناہ زیادہ ہے،حکومت نوجوانوں کے روز گار کے لئے کوئی مواقع پیدا نہیں کر رہی۔ انہوں نے کہا کہ ہمارے ملک کا نوجوان پڑھ لکھنے کے باوجود بے روز گار ہے، اس وقت ملک میں گلا سڑا نظام چل رہا ہے جو نوجوان کو مایوس کر رہا ہے، فارم 47 کے سسٹم میں چند لوگ طاقتور ہوتے جارہے ہیں۔امیرجماعت اسلامی کا کہنا تھا کہ وزیر آباد کے لوگو اِس طاقت کے نظام کے خلاف ڈٹ جا، بنو قابل پروگرام کے تحت ہم نوجوانوں کو آئی ٹی کی تعلیم دینے کا بندوبست کر رہے ہیں، ایک لاکھ سے زائد نوجوان بنو قابل پروگرام سے مستفید ہوچکے ہیں۔حافظ نعیم الرحمان نے کہا کہ اِس ملک کے حکمران بڑے بڑے قرض لیتے ہیں اور معاف کروالیتے ہیں، ہمارے پروگرام کے تحت جو لوگ قرضے لیتے ہیں وہ 99 فیصد ہمیں واپس کر دیتے ہیں، ہمیں کرپٹ مافیا کے خلاف متحد ہو کر کوشش کرنا پڑے گی۔
امیر جماعت اسلامی کا کہنا تھا کہ ہم نوجوان کو چھوٹے کورسسز کروائیں گے تاکہ وہ اپنا روزگار کمائیں،ہم خواتین کے لئے دستکاری کے پروگرام لا رہے ہیں تاکہ خواتین گھر بیٹھے پیسے کما سکے، ہم خواتین کو مارکیٹنگ ٹولز سکھائیں گے تاکہ وہ اپنے مصنوعات فروخت کرسکے۔حافظ نعیم الرحمان نے کہا کہ ہم اپنے نوجوانوں کے لئے ٹیلنٹ ہنٹ پروگرام لارہے تا کہ وہ سپورٹس میں بھی آگے بڑھ سکے، یہ پاکستان طاقتوروں کا پاکستان نہیں بلکہ یہ پاکستان ہمارا پاکستان ہے، بلدیاتی نظام کے حوالے سے جو پنجاب میں زیادتی کی گئی ہے ہم اس کے خلاف آواز اٹھا رہے ہیں۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبروزیراعلیٰ پنجاب مریم نواز کا ٹرانسپورٹ کے شعبے کو صنعت کا درجہ دینے کا فیصلہ وزیراعلیٰ پنجاب مریم نواز کا ٹرانسپورٹ کے شعبے کو صنعت کا درجہ دینے کا فیصلہ پینتیس ویں نیشنل گیمز کا رنگا رنگ اختتام، فیلڈ مارشل عاصم منیرنے انعامات تقسیم کیے وزیراعظم شہباز شریف سے برطانوی وزیربرائے بین الاقوامی ترقی و افریقہ کی ملاقات ڈگری تنازع کیس میں بڑی پیش رفت، جسٹس طارق جہانگیری کا خود ہائیکورٹ کیسامنے پیش ہونے کا امکان جنگ کے سائے دروازے تک پہنچ گئے، امریکا پر انحصار ختم کرنا ہوگا، برطانوی وزیر دفاع وفاقی پولیس کے اہلکاروں کا گینگ بنا کراغوا برائے تاوان کی واردات کرنے کا انکشافCopyright © 2025, All Rights Reserved
رابطہ کریں ہماری ٹیم
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر