آزاد کشمیر ان ہاؤس تبدیلی: معاملہ مزید پیچیدہ، تحریک عدم اعتماد آئی نہ وزیراعظم نے استعفیٰ دیا
اشاعت کی تاریخ: 29th, October 2025 GMT
مظفرآباد(نیوز ڈیسک)آزاد کشمیر میں ان ہاؤس تبدیلی کا معاملہ مزید پیچیدہ ہو گیا، وزیراعظم آزاد کشمیر نے استعفیٰ دیا نہ تحریک عدم اعتماد پیش ہو سکی۔
تحریک عدم اعتماد آئندہ 2 روز میں جمع کرائے جانے کا امکان ہے، ،مسلم لیگ ن کے رہنماؤں نے بھی عدم اعتماد تحریک پر دستخط کردیئے، پیپلزپارٹی کی جانب سے نئے وزیر اعظم کے نام کا اعلان بھی نہ ہو سکا، وزیر اعظم کیلئے پیپلزپارٹی کی طرف سے چودھری یاسین اور لطیف اکبر کے نام زیر غور کیا گیا۔
پیپلزپارٹی نے 36 ارکان کی حمایت حاصل ہونے کا دعویٰ کر دیا، 52 کے ایوان میں وزیراعظم بنانے یا ہٹانے کیلئے 27 ووٹ درکار ہیں، فریال تالپور کی کشمیر ہاؤس اسلام آباد آمد ہوئی، صدر آزاد کشمیر بیرسٹر سلطان محمود چودھری سے ملاقات کی، آزاد کشمیر میں حکومت سازی کے معاملات پر تفصیلی مشاورت کی گئی۔
واضح رہے کہ وزیراعظم آزاد کشمیر چودھری انوارالحق نے استعفی دینے سے انکار کر دیا تھا، جماعت اسلامی نے وزیراعظم کو اسمبلی توڑ کر نئے انتخابات کرانے کا مشورہ دے دیا۔
.ذریعہ: Daily Mumtaz
پڑھیں:
’باپ کا مال ہے کہ استعفیٰ دے دوں؟‘ میئر کراچی مرتضیٰ وہاب کا رویہ تنقید کی زد میں
سوشل میڈیا پر میئر کراچی بیرسٹر مرتضیٰ وہاب کی ایک ویڈیو وائرل ہو رہی ہے جس میں وہ جماعتِ اسلامی پر تنقید کرتے ہوئے متعدد سخت ریمارکس دیتے نظر آتے ہیں۔ ویڈیو میں مرتضیٰ وہاب کا کہنا ہے کہ باپ کا مال ہے، ان کے کہنے پر استعفیٰ دے دوں گا؟ میں پیپلز پارٹی والا ہوں، تم لوگ بھاگو گے۔ جو میئر نہیں بنا وہ لاہور چلا گیا ہے، ان کی کام کرنے کی نیت ہی نہیں۔ ہم یہاں موجود تھے، ہیں اور رہیں گے، یہ ہمارا شہر ہے۔
ویڈیو کے منظر عام پر آنے کے بعد سوشل میڈیا صارفین کی جانب سے مختلف ردِعمل سامنے آرہے ہیں۔ بعض صارفین نے میئر کراچی کے لہجے اور الفاظ کو غیر مناسب قرار دیتے ہوئے کہا کہ انہیں عوامی نمائندے کے طور پر تحمل کا مظاہرہ کرنا چاہیے۔
یہ بھی پڑھیں: شہباز اسپیڈ نے 2 سال میں کراچی کے لیے کچھ نہیں کیا، مرتضیٰ وہاب وزیراعظم پر برس پڑے
ایک صارف نے تنقیدی تبصرہ کرتے ہوئے لکھا کہ یہ زبردستی کے میئر ہیں جو واقعی دوسرے کے حق پر قبضہ کر کے میئر بنے ہیں، ان کی جماعت نے کراچی میں کوئی ایک منصوبہ مکمل نہ کرنے کی قسم کھا رکھی ہے اور جب عوام سوال کرتے ہیں تو غصے سے جواب دیتے ہیں۔
یہی رعونیت ذبردستی کے مئر، جو واقعی “دوسرے کے مال پر” قبضہ کر کے مئر بنے ہیں، اور انکی جماعت جس نے کراچی کو میں کوئی ایک پراجیکٹ مکمل نہ کرنے کی قسم کھا رکھی ہے، اور پھر عوام سوال پوچھے تو غرا کر جواب دیتے ہیں، دونوں کو لے ڈوبے گی – انشا اللہ pic.twitter.com/0VlxKdGBXf
— Amber Danish (@amberdanishh) December 9, 2025
سعید احمد غنی نے ویڈیو پر تبصرہ کرتے ہوئے کہا کہ مرتضیٰ وہاب نے منافق جماعت کو کھری کھری سنادیں۔
ان کے کہنے پر استعفیٰ دوں کیا ان کے باپ کا مال ہے ، مرتضیٰ وہاب نے منافق جماعت کو کھری کھری سنادیں ۔ pic.twitter.com/lNHQrhTiXN
— Saeed Ahmed Official (@BeingSAOfficial) December 9, 2025
ایک صارف نے لکھا کہ استعفی دینے کے سوال پر مرتضی وہاب نے صحافی کی طبعیت درست کردی مگر کسی صحافی کی آواز بھی نہیں نکلی لیکن پی ٹی آئی سے کوئی کسی صحافی کی شان میں معمولی گستاخی کردے تو پورا صحافتی مافیا پی ٹی آئی کو پڑ جاتا ہے۔
صحافی کے استعفی دینے کے سوال پر پاپ پارٹی اور پیپلز پارٹی کے مشترکہ مئیر مرتضی وہاب نے صحافی کی طبعیت درست کردی۔ صحافی کے باپ تک پہنچ گیا جوان
مگر کسی صحافی کی اووو بھی نہیں نکلی۔
پی ٹی آئی سے کوئی کسی صحافی کی شان میں معمولی گستاخی کردے تو پورا صحافتی مافیاء پی ٹی آئی کو پڑ… pic.twitter.com/0yJKW4Nglz
— Engineer Adeel Ahmed (@AdeelAhmedSays) December 10, 2025
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پیپلز پارٹی جماعت اسلامی مرتضیٰ وہاب مرتضیٰ وہاب استعفیٰ
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر