نصیرآباد، نامعلوم افراد کیجانب سے جعفر ایکسپریس پر راکٹ حملے
اشاعت کی تاریخ: 29th, October 2025 GMT
ایس ایس پی نصیر آباد غلام سرور بھیو نے بتایا کہ نوتال کے قریب ریلوے ٹریک پر نامعلوم مسلح افراد نے ٹرین پر 4 راکٹ داغ دیئے۔ جوابی فائرنگ پر حملہ آور فرار ہو گئے۔ اسلام ٹائمز۔ بلوچستان کے دارالحکومت کوئٹہ سے خیبر پختونخوا کے دارالحکومت پشاور جانیوالی جعفر ایکسپریس پر نامعلوم افراد نے راکٹ سے حملہ کیا ہے۔ حملے میں کوئی جانی نقصان نہیں ہوا اور ٹرین کو بحفاظت جیکب آباد پہنچا دیا گیا۔ سینیئر سپرنٹنڈنٹ پولیس (ایس ایس پی) نصیر آباد غلام سرور بھیو نے مقامی صحافیوں کو بتایا کہ ضلع نصیرآباد میں نوتال کے قریب ریلوے ٹریک پر نامعلوم مسلح افراد نے ٹرین پر 4 راکٹ داغ دیئے۔ پولیس کے مطابق حملہ جعفر ایکسپریس پر کیا گیا، تاہم خوش قسمتی سے کوئی جانی نقصان نہیں ہوا۔ ایف سی اور پولیس اہلکاروں نے فوری طور پر ردعمل دیتے ہوئے حملہ آوروں پر جوابی فائرنگ کی، جس کے نتیجے میں حملہ آور موقع سے فرار ہوگئے۔ پولیس حکام کا کہنا ہے کہ واقعہ الطاف آباد کے مقام پر پیش آیا، جہاں چار راکٹ فائر کئے گئے۔ تاہم ٹرین کو محفوظ طریقے سے ڈیرہ مراد جمالی ریلوے اسٹیشن پہنچا دیا گیا، جبکہ جائے وقوعہ کا محاصرہ کرکے شواہد اکٹھے کئے جا رہے ہیں۔ ایس ایس پی نصیر آباد نے بتایا کہ جعفر ایکسپریس اور بولان میل کو ڈیرہ مراد جمالی سے کلیئرنس کے بعد جیکب آباد کے لئے روانہ کر دیا گیا ہے۔ واقعے کے بعد سکیورٹی فورسز نے ریلوے ٹریک کے اطراف سکیورٹی مزید سخت کر دی ہے۔
.ذریعہ: Islam Times
کلیدی لفظ: جعفر ایکسپریس
پڑھیں:
سڈنی کے بونڈی بیچ پر فائرنگ، 10 افراد ہلاک، 12 زخمی، ایک حملہ آور مارا گیا
data-id="863a0a8" data-element_type="widget" data-widget_type="theme-post-content.default">
سڈنی:آسٹریلیا کے شہر سڈنی کے ساحلی علاقے بونڈی بیچ پر فائرنگ کے ایک افسوسناک واقعے میں کم از کم 10 افراد ہلاک جبکہ 12 زخمی ہو گئے، یہ واقعہ اس وقت پیش آیا جب دو مسلح افراد نے ساحل پر موجود شہریوں پر اچانک فائرنگ شروع کر دی۔
غیر ملکی میڈیا رپورٹس کے مطابق فائرنگ کے نتیجے میں ہلاک ہونے والوں میں ایک حملہ آور بھی شامل ہے جبکہ دوسرے مشتبہ حملہ آور کو پولیس نے حراست میں لے لیا ہے، واقعے کے فوراً بعد پولیس اور ہنگامی امدادی ادارے موقع پر پہنچ گئے اور علاقے کو گھیرے میں لے لیا گیا۔
غیر ملکی میڈیا کا کہنا ہے کہ فائرنگ یہودیوں کے ایک مذہبی تہوار کی تقریب کے دوران ہوئی، جس کے باعث ساحل پر بڑی تعداد میں شہری موجود تھے، واقعے کے بعد پولیس نے مقامی آبادی کو بونڈی بیچ کے قریب جانے سے روک دیا اور سکیورٹی مزید سخت کر دی گئی۔
نیو ساؤتھ ویلز پولیس کے مطابق واقعے میں ملوث دو افراد میں سے ایک موقع پر ہلاک ہو گیا، جبکہ دوسرے کو گرفتار کر کے تفتیش شروع کر دی گئی ہے، آسٹریلین براڈکاسٹنگ کارپوریشن (اے بی سی) نے بھی تصدیق کی ہے کہ ہلاک ہونے والوں میں کم از کم ایک مسلح شخص شامل ہے۔
نیو ساؤتھ ویلز ایمبولینس سروس کے ترجمان کے مطابق فائرنگ کے بعد ایک درجن کے قریب زخمیوں کو فوری طور پر قریبی اسپتالوں میں منتقل کیا گیا، جہاں بعض کی حالت تشویشناک بتائی جا رہی ہے۔
آسٹریلوی وزیراعظم انتھونی البانی نے واقعے کو انتہائی صدمہ اور تکلیف دہ قرار دیتے ہوئے کہا کہ ہنگامی امدادی ٹیمیں جائے وقوعہ پر موجود ہیں اور زخمیوں کی جانیں بچانے کے لیے ہر ممکن کوشش کی جا رہی ہے، انہوں نے متاثرہ خاندانوں سے اظہارِ ہمدردی بھی کیا۔
پولیس کا کہنا ہے کہ واقعے کی وجوہات جاننے کے لیے تحقیقات جاری ہیں اور سکیورٹی خدشات کے پیشِ نظر علاقے میں اضافی نفری تعینات کر دی گئی ہے۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر