شہر قائد میں ڈکیتی کی مزاحمت پر شہری ہلاک، سالانہ ہلاکتیں 79 تک پہنچ گئیں
اشاعت کی تاریخ: 13th, November 2025 GMT
data-id="863a0a8" data-element_type="widget" data-widget_type="theme-post-content.default">
کراچی کے علاقے شاہ علی گوٹھ کے قریب محمد سٹی میں ایک المناک واقعہ پیش آیا، جس میں مسلح ڈکیتوں نے گھر میں ڈکیتی کی کوشش کے دوران ایک شہری کو موت کے گھاٹ اتار دیا، 50 سالہ شاہد ولد عبدالکریم، نجی میڈیسن کمپنی میں ملازمت کرتے تھے اور تین بیٹیوں کے واحد کفیل تھے۔
نجی ٹی وی کی رپورٹ کے مطابق تین مسلح ملزمان شاہد کے گھر داخل ہوئے تو انہوں نے ڈکیتوں کی مزاحمت کی، جس پر ملزمان نے فائرنگ کر دی۔ واقعے کے بعد پولیس نے جائے وقوع سے شواہد اکٹھے کر کے تفتیش شروع کر دی ہے اور سی سی ٹی وی فوٹیج حاصل کرنے کی کوشش کر رہی ہے تاکہ ملوث ملزمان کی گرفتاری ممکن ہو سکے، مقتول کی لاش جناح اسپتال منتقل کی گئی، جہاں رشتہ داروں نے شاہد کو انتہائی شریف النفس اور بے دشمن شخص قرار دیا۔
رشتہ دار محمد عمیر کے مطابق جمعرات کو شاہد اتفاقیہ چھٹی پر گھر پر موجود تھے اور جب تین مسلح ڈکیت گھر میں داخل ہوئے تو بچیوں کی موجودگی کے پیش نظر انہوں نے ملزمان کو گھر سے باہر نکلنے کی ہدایت کی۔ اس پر ڈکیتوں نے فائرنگ کر دی اور فرار ہو گئے۔
مقتول کے اہل خانہ نے اعلیٰ پولیس حکام سے مطالبہ کیا ہے کہ واقعے میں ملوث افراد کا سراغ لگا کر انہیں قانون کے مطابق سخت سزا دی جائے، تاکہ انصاف کے تقاضے پورے ہو سکیں۔
واضح رہے کہ رواں سال کراچی میں ڈکیتی کی وارداتوں کے دوران مزاحمت پر شہریوں کو ہلاک کرنے کے واقعات میں اضافہ ہوا ہے اور اب تک 79 شہری اس نوعیت کے جرائم کا شکار ہو چکے ہیں، جس نے شہر میں عوام کی حفاظت کے حوالے سے تشویش پیدا کر دی ہے۔
ذریعہ
ذریعہ: Jasarat News
پڑھیں:
گلشن اقبال میں تیز رفتار ڈمپر الٹ گیا، شہری معجزانہ طور پر محفوظ، مشتعل افراد کا کلینر پر تشدد
کراچی:شہر قائد کے علاقے گلشن اقبال میں رب میڈیکل کے قریب منگل کی شب ایک تیز رفتار ڈمپر بے قابو ہو کر سڑک پر الٹ گیا تاہم خوش قسمتی سے قریب سے گزرنے والے شہری اور دیگر گاڑیاں بڑے حادثے سے محفوظ رہیں۔
عینی شاہدین کے مطابق ڈمپر اچانک توازن کھو بیٹھا اور سڑک پر الٹ گیا، جس سے علاقے میں خوف و ہراس پھیل گیا۔
حادثے کے فوراً بعد ڈمپر کا ڈرائیور اور ایک اور شخص موقع سے فرار ہوگئے۔ واقعے کے بعد مشتعل شہریوں نے ڈمپر کے کلینر کو پکڑ لیا اور تشدد کا نشانہ بنایا۔
صورتحال اس وقت مزید کشیدہ ہوگئی جب بعض افراد نے ڈمپر کو آگ لگانے کی کوشش کی تاہم اطلاع ملتے ہی پولیس موقع پر پہنچ گئی اور بروقت مداخلت کرتے ہوئے گاڑی کو جلائے جانے سے بچا لیا۔
پولیس کے مطابق ابتدائی تحقیقات میں معلوم ہوا ہے کہ حادثہ سڑک پر موجود گہرے گڑھوں اور جاری کھدائی کے باعث پیش آیا جس کے نتیجے میں ڈمپر کا توازن بگڑ گیا اور وہ الٹ گیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ