وسطی بحیرہ روم میں مہاجرین کی ہلاکتیں 1,000 سے تجاوز کر گئیں، آئی او ایم کا انتباہ
اشاعت کی تاریخ: 12th, November 2025 GMT
data-id="863a0a8" data-element_type="widget" data-widget_type="theme-post-content.default">
روم: اقوام متحدہ کی بین الاقوامی تنظیم برائے مہاجرین آئی او ایم نے بتایا کہ اس سال وسطی بحیرہ روم عبور کرنے کی کوشش میں ہلاک ہونے والے مہاجرین کی تعداد پہلے ہی 1,000 سے تجاوز کر چکی ہے اور ہر نئی سانحے کے ساتھ اموات کی تعداد بڑھ رہی ہے۔
بین الاقوامی میڈیا رپورٹس کےمطابق حالیہ واقعے میں 8 نومبر کو لیبیا کے ساحل کے نزدیک ایک پلاسٹک کشتی الٹ جانے کے بعد 40 سے زائد افراد کی ہلاکت کا خدشہ ہے، کشتی زوارا سے روانہ ہوئی تھی اور چھ گھنٹے بعد بلند لہروں کی وجہ سے انجن فیل ہو گیا۔ 49 افراد سوار تھے، جن میں 47 مرد اور 2 خواتین شامل تھیں، لیکن صرف سات مرد زندہ بچ سکے، جن میں چار سوڈانی، دو نائیجیریائی اور ایک کیمروونی شامل ہے، باقی 42 افراد لاپتہ ہیں اور ہلاک ہونے کا امکان ہے، جن میں 29 سوڈانی، 8 صومالی، 3 کیمروونی اور 2 نائیجیریائی شامل ہیں۔
IOM نے بتایا کہ زندہ بچنے والوں کو فوری طبی امداد، خوراک اور پانی فراہم کیا گیا۔ ادارے نے کہا کہ “یہ المناک واقعہ، جو سرمان اور لیمپیڈوسا کے دیگر ہلاکت خیز سانحات کے کچھ ہفتوں بعد پیش آیا، وسطی بحیرہ روم راستے پر مہاجرین اور پناہ گزینوں کو لاحق خطرات کو اجاگر کرتا ہے۔
IOM نے علاقائی تعاون مضبوط کرنے، محفوظ اور قانونی مہاجرت کے راستے بڑھانے، اور مزید مؤثر تلاش اور بچاؤ کے اقدامات کی ضرورت پر زور دیا تاکہ مزید جانی نقصان روکا جا سکے۔
ذریعہ: Jasarat News
پڑھیں:
کراچی، سمندر پر نہاتے ہوئے میڈیکل یونیورسٹی کے 5 طلبہ ڈوب گئے، 3 لاشیں نکال لی گئیں
2 افراد کو فوری امدادی کارروائی کے دوران زندہ بچا لیا گیا، تاہم دونوں کی حالت تشویشناک بتائی جاتی ہے۔ اسلام ٹائمز۔ شہر قائد میں منوڑہ کے مقام پر سمندر میں نہاتے ہوئے 5 افراد ڈوب گئے۔ تفصیلات کے مطابق واقعے کی اطلاع ملتے ہی ریسکیو اہلکاروں نے ان کی تلاش شروع کر دی، جن میں سے 3 افراد کی لاشیں نکال لی گئیں۔ پولیس نے بتایا کہ ڈوبنے والے ڈاؤ میڈیکل یونیورسٹی کے اسٹوڈنٹس ہیں، اسٹوڈنٹس کا گروپ سمندر پر پکنک کی غرض سے آیا تھا۔ پولیس نے بتایا کہ افسوسناک واقعے میں 3 افراد ڈوب کر جاں بحق ہوئے، تینوں افراد کی لاشیں نکال لی گئیں، دو افراد کو تشویشناک حالت میں نکالا گیا۔
جاں بحق ہونے والوں کی شناخت شارب، اشہد عباس اور احمد کے نام سے ہوئی۔ پولیس کے مطابق واقعے میں جاں بحق ہونے والوں کی عمریں 25 سے 28 سال کے درمیان ہیں، 2 افراد کو فوری امدادی کارروائی کے دوران زندہ بچا لیا گیا، تاہم دونوں کی حالت تشویشناک بتائی جاتی ہے، مجید اور رضوان کو ابتدائی طبی امداد فراہم کرنے کے بعد سول اسپتال منتقل کر دیا گیا۔
پاکستان سمیت دنیا بھر میں یوم شہدائے جموں وکشمیر منایا گیا