زیارت میں لیویز فورس کی بروقت کارروائی، دہشتگردی کا بڑا منصوبہ ناکام
اشاعت کی تاریخ: 24th, November 2025 GMT
data-id="863a0a8" data-element_type="widget" data-widget_type="theme-post-content.default">
کوئٹہ: زیارت میں لیویز فورس نے ایک اہم انٹیلی جنس اطلاع پر فوری کارروائی کرتے ہوئے دہشت گردی کا بڑا منصوبہ ناکام بنا دیا۔
نجی ٹی وی کی رپورٹ کے مطابق کارروائی ضلع زیارت کے قریب اس مقام پر کی گئی جہاں مشتبہ افراد بڑی کارروائی کی تیاری میں مصروف تھے۔ حساس اداروں کی جانب سے مصدقہ اطلاعات ملنے کے بعد لیویز کی ٹیموں نے مقامی انتظامیہ کے تعاون سے علاقے کا محاصرہ کیا اور انتہائی مہارت کے ساتھ آپریشن انجام دیتے ہوئے 5 مشتبہ دہشت گردوں کو زندہ گرفتار کرلیا۔
حکام کے مطابق ان افراد کا تعلق افغانستان کے صوبے قندہار سے ہے اور یہ ایک منظم نیٹ ورک کا حصہ بتائے جارہے ہیں جو بلوچستان کے مختلف علاقوں میں کارروائیوں کی منصوبہ بندی کر رہا تھا۔
گرفتار افراد کو سپیرا رغہ لیویز چیک پوسٹ کے قریب سے حراست میں لیا گیا، جہاں یہ ایک سوزوکی وین اور موٹر سائیکل کے ذریعے نقل و حرکت کر رہے تھے۔ ابتدائی تفتیش کے دوران معلوم ہوا کہ یہ گروہ صوبے میں اہم تنصیبات، سیکورٹی فورسز اور عوامی مقامات کو نشانہ بنانے کی تیاری کر رہا تھا۔
لیویز فورس نے آپریشن کے بعد علاقے کی مکمل سرچنگ کی اور اس دوران بھاری مقدار میں اسلحہ، بارودی مواد اور جدید مواصلاتی آلات برآمد کیے گئے، جن کی مقدار اور نوعیت دیکھ کر اندازہ لگانا مشکل نہیں کہ منصوبہ انتہائی خطرناک نوعیت کا تھا۔
برآمد ہونے والی اشیا میں 11 ہینڈ گرینیڈز، 3 سب مشین گنز، ایم فور رائفلز کے پارٹس، 400 سے زائد ایس ایم جی راؤنڈز، 230 ایم فور راؤنڈز، گرینیڈ لانچر، آر پی جی راکٹس، وائرلیس سیٹس، موبائل فونز، بارودی مواد، ایمونیشن بیگز اور پاور سیلز شامل ہیں۔ اس کے علاوہ کالعدم تنظیم ٹی ٹی پی کا لٹریچر بھی ملا ہے۔
رپورٹ کے مطابق ضلعی انتظامیہ کے ایک سینئر افسر نے کارروائی کی تفصیلات بتاتے ہوئے کہا کہ یہ مکمل طور پر انٹیلی جنس بیسڈ آپریشن تھا جسے لیویز فورس کی فیلڈ ٹیموں نے غیر معمولی پیشہ ورانہ مہارت کے ساتھ پایۂ تکمیل تک پہنچایا۔
انہوں نے بتایا کہ فورسز کی بروقت کارروائی نے ایک بڑے سانحے کو روک دیا، جس سے علاقے میں امن کے قیام کی کوششوں کو مزید تقویت ملی ہے۔ تفتیش کاروں کا کہنا ہے کہ گرفتار ملزمان سے اہم معلومات حاصل ہو رہی ہیں، جن کی بنیاد پر مزید کارروائیوں کا امکان موجود ہے۔
.
ذریعہ
ذریعہ: Jasarat News
کلیدی لفظ: لیویز فورس
پڑھیں:
بھارتی بارڈر سیکیورٹی فورس کے ہیڈکوارٹر میں اہلکار کی اندھا دھند فائرنگ، 2 اہلکار ہلاک، تیسرے کی حالت نازک
بھارت کی ریاست مغربی بنگال میں بارڈر سیکیورٹی فورس (بی ایس ایف) کے سیکٹر ہیڈکوارٹر میں ایک اہلکار کی فائرنگ سے 2 اہلکار ہلاک جبکہ ایک شدید زخمی ہو گیا۔ واقعے کے بعد ملزم کو گرفتار کر لیا گیا ہے، جبکہ فائرنگ کی وجوہات جاننے کے لیے تحقیقات کا آغاز کر دیا گیا ہے۔
کشمیر میڈیا سروس کے مطابق یہ واقعہ ضلع مالدہ کے 17 مائل سیکٹر ہیڈکوارٹر میں پیش آیا، جہاں بی ایس ایف کی 119ویں اور 71ویں بٹالین کے ہیڈکوارٹر قائم ہیں۔
ابتدائی اطلاعات کے مطابق 119ویں بٹالین سے تعلق رکھنے والے اہلکار شیوم مشرا نے آرام کرنے والے 71ویں بٹالین کے اہلکاروں پر اچانک اپنی سرکاری رائفل سے فائرنگ کر دی، جس سے کیمپ میں خوف و ہراس پھیل گیا۔
فائرنگ کے نتیجے میں 71ویں بٹالین کے 51 سالہ اجے کمار سنگھ، جو بھارتی ریاست بہار کے رہائشی تھے، اور 37 سالہ امباداس سریش درگو، جن کا تعلق مہاراشٹر سے تھا، موقع پر ہی ہلاک ہو گئے، جبکہ ان کے ساتھی وکاس ورما شدید زخمی ہو گئے۔ زخمی اہلکار کو فوری طور پر قریبی اسپتال منتقل کر دیا گیا، جہاں ان کی حالت تشویشناک بتائی جا رہی ہے۔
واقعے کے فوراً بعد بی ایس ایف کے اہلکاروں نے ملزم شیوم مشرا، جو ریاست چھتیس گڑھ کا رہائشی ہے، کو حراست میں لے لیا۔
حکام کے مطابق ابتدائی طور پر فائرنگ کی وجہ معلوم نہیں ہو سکی، تاہم مختلف پہلوؤں سے تحقیقات جاری ہیں۔ بی ایس ایف نے واقعے کی اندرونی انکوائری شروع کر دی ہے، جبکہ یہ بھی معلوم کیا جا رہا ہے کہ آیا واقعہ کسی ذاتی تنازع، ذہنی دباؤ یا دیگر عوامل کا نتیجہ تھا۔
بھارتی سیکیورٹی فورسز میں گزشتہ چند برسوں کے دوران ذہنی دباؤ، طویل ڈیوٹی اوقات، اندرونی تنازعات اور ساتھی اہلکاروں پر فائرنگ جیسے واقعات متعدد بار رپورٹ ہو چکے ہیں۔
دفاعی ماہرین کے مطابق ایسے واقعات فورسز میں نفسیاتی دباؤ اور فلاحی نظام سے متعلق خدشات کو ایک بار پھر اجاگر کرتے ہیں، جس کے باعث اہلکاروں کی ذہنی صحت اور پیشہ ورانہ معاونت کے نظام پر سوالات اٹھ رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارت سے جنگ اور افغانستان میں کارروائی خارج ازامکان نہیں، وزیردفاع