data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) وزیراعلیٰ سندھ مراد علی شاہ نے کراچی کی تعمیر نو کے لیے 25 ارب روپے کی منظوری دیتے ہوئے کہا ہے کہ سڑکوں کا نظام بدحالی کا شکارہے ،عوام پریشانی میں مبتلا ہیں، شہر میں ترقیاتی کام جنگی بنیادوں پر کام مکمل کیا جائے جبکہ کراچی کے جدید ٹرانسپورٹیشن منصوبے گرین لائن بی آر ٹی توسیعی منصوبے پر کام دوبارہ شروع ہوگیا ہے،نمائش تا جامع کلاتھ1.
8کلومیٹر ٹریک ایک برس میں مکمل ہوگا، منصوبے کی تکمیل کے بعد شہری سرجانی ٹاون سے جامع کلاتھ تک گرین لائن بس سروس سے آرام دہ سفر کرسکیں،میئر کراچی مرتضی وہاب نے اعلان کیا ہے کہ گرین لائن کامن کوریڈور 31 اکتوبر 2026 تک کھول دیا جائے گا۔ تفصیلات کے مطابق وزیراعلیٰ سندھ مراد علی شاہ نے شہر کی 315 اندرونی سڑکوں اور گلیوں کے ساتھ ساتھ 60 بڑی سڑکوں کی تعمیرنو کے لیے 25 ارب روپے کی منظوری دے دی ہے۔ انہوں نے کہا کہ شہریوں کو خستہ حال انفرااسٹرکچر اور ٹریفک جام سے نجات دلانے میں فنڈز رکاوٹ نہیں ہوں گے، لیکن تعمیرنو کا کام فوری طور پر شروع ہونا ضروری ہے۔ پیر کو وزیراعلیٰ ہاؤس میں منعقد اجلاس جس میں وزیر بلدیات ناصر شاہ، میئر کراچی مرتضیٰ وہاب، چیف سیکرٹری اور دیگر اہم افسران نے شرکت کی۔ وزیراعلیٰ نے حالیہ شدید مون سون بارشوں کے بعد ہونے والے بڑے پیمانے پر نقصان کی نشاندہی کرتے ہوئے کہا کہ کراچی کی سڑکیں شدید خراب ہوچکی ہیں،سڑکوں کا نظام بدحالی کا شکار ہے، مرکزی شاہراہوں میں گڑھے پڑے ہیں جوشدید خطرات کا باعث بن رہے ہیں،جاری میگا پروجیکٹس بھی ٹریفک مسائل میں اضافہ کر رہے ہیں۔ میں چاہتا ہوں کہ شہر میں ترقیاتی کاموں کو تیز کیا جائے تاکہ عوام کو مزید مشکلات کا سامنا نہ کرنا پڑے۔ انہوں نے میئر سے کہا کہ فنڈز کوئی مسئلہ نہیں، میں چاہتا ہوں کہ کام جنگی بنیادوں پر مکمل ہو۔ میئر مرتضیٰ وہاب نے بتایا کہ شہر کی 315 اندرونی گلیاں انتہائی خراب حالت میں ہیں، وزیراعلیٰ نے ہدایت کی کہ تمام اندرونی گلیوں کے منصوبوں کی منظوری دی جائے اور کام تیزی سے مکمل کیا جائے۔ انہوں نے متعلقہ حکام کو ہدایت کی کہ تعمیر کی جانے والی گلیوں کے ساتھ باقاعدہ نکاسیِ آب کا نظام بھی بنایا جائے، اور اسی طرح 60 اہم شاہراہوں پر بھی نکاسی کے انتظامات یقینی بنائے جائیں۔علاوہ ازیں کراچی کے جدید ٹرانسپورٹیشن منصوبے گرین لائن بی آر ٹی توسیعی منصوبے پر کام دوبارہ شروع ہوگیا ہے۔اس توسیعی منصوبہ کا ٹریک 1.8 کلومیٹر ہے۔یہ منصوبہ نمائش سے جامع کلاٹھ مارکیٹ تک ہوگا۔یہ منصوبہ ایک برس میں مکمل ہوگا،منصوبے کی تکمیل کے بعد شہری سرجانی ٹاؤن سے جامع کلاتھ تک گرین لائن بس سروس سے آرام دہ سفر کرسکیں گے۔ میئر کراچی بیرسٹر مرتضی وہاب نے اعلان کیا ہے کہ گرین لائن کامن کوریڈور 31 اکتوبر 2026 تک کھول دیا جائے گا۔ کراچی میں پریس کانفرنس کرتے ہوئے انہوں نے کہا کہ گرین لائن کی تعمیر کے باعث لوگوں کو مشکلات کا سامنا رہا، لیکن کام مکمل ہونے کے بعد سہولت مہیا ہوں گی۔ انہوں نے کہا کہ منصوبہ شروع کرتے وقت کے ایم سی کو اعتماد میں نہیں لیا گیا تھا، تاہم اب تمام مسائل کو حل کرنے کے لیے مشترکہ طور پر کام کیا جا رہا ہے۔ میئر کراچی نے مزید کہا کہ حکومت نے ریڈ لائن منصوبے کے مسائل بھی حل کر دیے ہیں، ا?ئندہ چند روز میں اس پر باضابطہ کام شروع ہو جائے گا۔ اس موقع پر ایم کیو ایم کے رہنما امین الحق نے کہا کہ میئر کراچی نے سڑکوں کی خرابی اور ڈرینیج کے مسائل کی نشان دہی کی تھی، جس پر انہوں نے پی آئی ڈی سی ایل سے بات کی مرتضیٰ وہاب کے تحفظات درست تھے۔
اسٹاف رپورٹر
سیف اللہ
ذریعہ: Jasarat News
کلیدی لفظ:
میئر کراچی
کی منظوری
گرین لائن
نے کہا کہ
کی تعمیر
انہوں نے
پر کام
کے بعد
پڑھیں:
کنٹریکٹ ملازمین کی تنخواہیں بڑھانے اور ماڈرن صفائی نظام کے منصوبوں کی منظوری
data-id="863a0a8" data-element_type="widget" data-widget_type="theme-post-content.default">
کراچی:سندھ کے وزیر بلدیات ناصر حسین شاہ کی زیر صدارت پانچویں اسٹیئرنگ کمیٹی کا اجلاس منعقد ہوا، جس میں سندھ سولڈ ویسٹ مینجمنٹ بورڈ کے اہم فیصلے کیے گئے اور ان کی منظوری دی گئی۔
میڈیا رپورٹس کےمطابق اجلاس میں میئر کراچی بیرسٹر مرتضیٰ وہاب، میئر سکھر بیرسٹر ارسلان اسلام شیخ، میئر حیدرآباد کاشف شورو، میئر میرپورخاص عبدالرؤف، سیکرٹری لوکل گورنمنٹ وسیم شمشاد علی، ایم ڈی سندھ سولڈ ویسٹ مینجمنٹ بورڈ طارق علی نظامانی، ایڈیشنل سیکرٹری بجٹ اینڈ ایکس پینڈیچر اور دیگر افسران موجود تھے جبکہ کچھ میئرز ویڈیو لنک کے ذریعے اجلاس میں شریک ہوئے۔
اجلاس میں چوتھی اسٹیئرنگ کمیٹی کے منٹس کی منظوری دی گئی اور ریوائزڈ بجٹ کی پیش رفت سے شرکاء کو آگاہ کیا گیا، وزیر بلدیات نے ماڈرن جی ٹی ایس کے لیے تکنیکی اور ماہر عملے کے عہدوں کی تشکیل کے لیے سب کمیٹی بنانے کی ہدایت کی تاکہ پروپوزل اگلی میٹنگ میں زیر بحث آئے۔
اجلاس میں صفائی ستھرائی کے کام کے لیے پائیدار نظام کی فراہمی پر بھی غور کیا گیا، جس میں رہائشی اور کمرشل علاقوں میں فیس کے نظام، کچرے کی ری سائیکلنگ، ماڈرن جی ٹی ایس اور انجینئرڈ لینڈ فل سائٹ کے منصوبے شامل ہیں تاکہ ماحول کو آلودگی سے بچایا جائے اور کاربن کریڈٹ حاصل کیا جا سکے۔
وزیر بلدیات نے ہدایت کی کہ میئر کراچی کی تجاویز کے بعد منصوبہ مزید جامع بنایا جائے اور اگلی میٹنگ میں پیش کیا جائے۔
اس کے علاوہ سندھ سولڈ ویسٹ مینجمنٹ بورڈ کے دفاتر کو دوسری جگہ منتقل کرنے اور کنٹریکٹ ملازمین کی تنخواہیں بڑھانے کی منظوری بھی دی گئی۔ وزیر بلدیات نے واضح کیا کہ تمام نجی کمپنیوں اور اداروں کو اپنے ملازمین کو سندھ حکومت کے تحت مقرر کردہ کم سے کم اجرت کی ادائیگی یقینی بنانی ہوگی۔
ویب ڈیسک
وہاج فاروقی
پوری قوم دہشتگردی کیخلاف جنگ میں اپنی افواج کیساتھ کھڑی ہے: وزیراعظم