ٹی20 ٹرائی نیشن سیریز،پاکستان فاتح، سری لنکا کو 6 وکٹوں سے شکست
اشاعت کی تاریخ: 30th, November 2025 GMT
سری لنکا کا پاکستان کو جیت کیلئے 115رنز کا ہدف پاکستان نے 8 گیندوں پہلے حاصل کرلیا
صاحبزادہ فرحان اور صائم ایوب نے 7اعشاریہ 3اووز میں 46رنز کی شراکت داری قائم کی
ٹی ٹوئنٹی ٹرائی سیریز کے فائنل میں پاکستان نے سری لنکا کو 6وکٹوں سے ہراکر سیریز اپنے نام کرلی۔ راولپنڈی اسٹیڈیم میں کھیلے گئے فائنل میں سری لنکا نے پاکستان کو جیت کیلئے 115رنز کا ہدف دیا، جو پاکستان نے 8 گیندوں پہلے حاصل کرلیا۔ہدف کے تعاقب میں گرین شرٹس کا آغاز پراعتماد رہا اور صاحبزادہ فرحان اور صائم ایوٹ نے 7 اعشاریہ 3 اووز میں 46 رنز کی شراکت داری قائم کی۔اس موقع پر صاحبزادہ فرحان 23 رنز بناکر صائم ایوب کا ساتھ چھوڑ گئے ، ان کی اننگز میں ایک چھکا اور 2 چوکے شامل تھے ۔انہیں ایشا ملنگا نے آؤ ٹ کیا۔اگلے آؤٹ ہونے والے بیٹر صائم ایوب تھے ،انہوں 6 چوکوں کی مدد سے 36رنز بنائے ، وہ ہسارانگا کی گیند پر ایل بی ڈبلیو ہوئے ۔ کپتان سلمان آغا لمبی اننگز نہ کھیل سکے اور 14گیندوں پر اتنے ہی رنز بناکر پویلین لوٹ گئے ۔ ان کی وکٹ رتنائیکے کے حصے میں آئی۔ فخر زمان صرف 3 رنز بناسکے ، انہیں بھی رتنائیکے نے پولین واپس بھیجا۔اس سے قبل پاکستان نے سری لنکا کے خلاف ٹاس جیت کر فیلڈنگ کا فیصلہ کیا۔ پہلے بیٹنگ کرتے ہوئے 84 رنز پر سری لنکا کی صرف ایک وکٹ گری تھی، لیکن اسکور میں صرف 30 رنز کے اضافے پر اس کے 9 کھلاڑیوں نے پویلین کی راہ لی۔کامل مشرا 59 رنز کے ساتھ سری لنکا کے سب سے نمایاں بیٹر رہے ، ان کی اننگز میں 4 چھکے اور 2 چوکے شامل تھے ۔شاہین آفریدی اور محمد نواز نے تین، تین وکٹیں حاصل کیں، جبکہ ابرار احمد نے دو کھلاڑیوں کو آؤٹ کیا، سلمان مرزا اور صائم ایوب کے حصے میں ایک، ایک وکٹ آئی۔فائنل کیلئے پاکستانی ٹیم میں ایک تبدیلی کی گئی ہے ، فاسٹ بولر شاہین آفریدی پلیئنگ الیون میں واپس ہوئی ہے جبکہ وسیم جونیئر کو ڈراپ کردیا گیا۔سری لنکن ٹیم میں کوئی تبدیلی نہیں کی گئی، وہی ٹیم برقرار رکھی گئی ہے جس نے آخری میچ میں پاکستان کیخلاف کامیابی حاصل کی تھی۔ٹاس کے موقع پر پاکستان کرکٹ ٹیم کے کپتان سلمان علی آغا نے کہا کہ پچ عام پنڈی وکٹ جیسی نہیں، مگر پھر بھی 160 سے 170 رنز کا ٹوٹل قابلِ دفاع ہوگا۔ ان کے مطابق ٹیم کو صرف معیاری کرکٹ کھیلنے کی ضرورت ہے ۔ سری لنکن کپتان داسن شاناکا نے کہا کہ سرد موسم کوئی مسئلہ نہیں اور ٹیم ایسے حالات کی عادی ہے ۔ انہوں نے کہا کہ اگر بیٹنگ میں 160 سے زائد اسکور مل جائے تو وہ اسے بونس سمجھیں گے ، سری لنکا نے اپنی ٹیم میں کوئی تبدیلی نہیں کی۔
سری لنکا نے پہلے زمبابوے اور آخری میچ میں پاکستان کو شکست دیکر فائنل میں جگہ بنائی۔ گذشتہ روز کپتان سلمان علی آغا اور سری لنکن کپتان داسن شناکا نے مقامی ہوٹل میں ٹرافی کے ہمراہ تصاویر بنوائیں۔
ذریعہ: Juraat
کلیدی لفظ: پاکستان نے صائم ایوب سری لنکا
پڑھیں:
ٹرائی نیشن سیریز فائنل: پاکستان نے سری لنکا کے خلاف ٹاس جیت کر فیلڈنگ کا فیصلہ کر لیا
راولپنڈی کرکٹ اسٹیڈیم میں کھیلے جانے والے ٹرائی نیشن سیریز کے فائنل میں پاکستان نے سری لنکا کے خلاف ٹاس جیت کر پہلے فیلڈنگ کرنے کا فیصلہ کیا ہے۔ کپتان سلمان علی آغا نے کہا کہ ٹیم اچھی کرکٹ کھیل کر سری لنکا کو زیر کرنے کی بھرپور کوشش کرے گی، پاور پلے میں مضبوط باؤلنگ اور مؤثر بیٹنگ ضروری ہوگی اور امید ہے کہ پنڈی کی پچ پر ٹیم 170 سے 180 رنز تک اسکور کرے گی۔ انہوں نے واضح کیا کہ پوری کوشش ہوگی کہ کھلاڑی اپنی 100 فیصد صلاحیتیں بروئے کار لائیں۔
میچ کے لیے پاکستان کی پلیئنگ الیون میں ایک تبدیلی کی گئی ہے، جہاں فاسٹ باؤلر وسیم جونیئر کی جگہ شاہین شاہ آفریدی کو شامل کیا گیا ہے۔ پاکستان کی پلیئنگ الیون میں کپتان سلمان علی آغا کے ساتھ صائم ایوب، بابر اعظم، صاحب زادہ فرحان، عثمان خان، فخر زمان، محمد نواز، فہیم اشرف، شاہین شاہ آفریدی، سلمان مرزا اور ابرار احمد شامل ہیں۔ پاکستان ٹیم اپنی مضبوط باؤلنگ اور متوازن بیٹنگ کے ساتھ فائنل میں بہترین کارکردگی دکھانے کی کوشش کرے گی۔
عمران خان کی عدم پیروی پر مسترد کی گئی پٹیشن سماعت کے لیے مقرر کرنے کا حکم