کراچی میں رواں سال کے 11 ماہ کے دوران کھلے مین ہولز اور نالوں میں گر کر 23 شہری جاں بحق
اشاعت کی تاریخ: 1st, December 2025 GMT
کراچی میں رواں سال کے 11 ماہ کے دوران مین ہولز اور نالوں میں گر کر مجموعی طور پر 23 شہری زندگی کی بازی ہار گئے جن میں نوعمر بچے اور بچیاں بھی شامل ہیں۔
ایدھی فاؤنڈیشن کے مطابق رواں سال کے دوران 10 کھلے مین ہولز اور 13 نالوں میں گر کر جاں بحق ہوئے۔
جاری اعداد و شمار کے مطابق رواں سال 2025 کے جنوری میں شاہ فیصل کالونی میں 6 سالہ عباد ، 2 فروری کو کشمیر کالونی 3 نمبر میں 5 سالہ طیب اور 22 فروری کو سرجانی خدا کی بستی میں 3 سالہ اسد اللہ مین ہول میں گر کر جاں بحق ہوا۔
اس کے علاوہ 18 مارچ کو نارتھ کراچی میں 55 سالہ نامعلوم، 2 اپریل کو بلدیہ مواچھ گوٹھ میں 3 سالہ عبدالرحمٰن، 7 اپریل کو بنارس میں 45 سالہ نامعلوم، 16 اپریل کو ماڑی پور شیر محمد ولیج 15 سالہ رجب، 18 اپریل کو لیاقت آباد میں 10 سالہ سویرا، 20 مارچ کو سرجانی ٹاؤن میں 30 سالہ الطاف، 31 مارچ کو اورنگی ٹاؤن 5 نمبر 37 سالہ ظفر جاں بحق ہوا۔
اعداد و شمار کے مطابق 17 اگست کو ماڑی پور روڈ پر 38 سالہ الطاف، 19 اگست کو گرومندر کے قریب 48 سالہ عباس ، 8 ستمبر کو لانڈھی مرتضیٰ چورنگی کے قریب 40 سالہ اقبال مسیح، 12 ستمبر کو دھوبی گھاٹ لیاری میں 30 سالہ نامعلوم اور اسی روز ناردرن بائی پاس کے قریب 7 سالہ اسما جاں بحق ہوئی۔
اس کے علاوہ 21 ستمبر کو گارڈن گھاس منڈی کے قریب 3 افراد 22 سالہ ویشال، 19 سالہ شاہد اور 42 سالہ سورج ، 4 اکتوبر کو سپر ہائی وے کوئٹہ ٹاؤن کے قریب 2 افراد نامعلوم افراد، 23 اکتوبر کو نصرت بھٹو کالونی 3 سالہ عائشہ، 15 نومبر کو کورنگی ڈھائی نمبر کے قریب 30 سالہ نامعلوم جبکہ 30 نومبر کو گلشن اقبال نیپا چورنگی کے قریب 3 سالہ ابراہیم مین ہول میں گر کر زندگی کی بازی ہار گیا۔
.ذریعہ: Express News
کلیدی لفظ: سالہ نامعلوم رواں سال اپریل کو کے قریب سالہ ن
پڑھیں:
کمسن بچہ کھلے مین ہول میں گرنے کے بعد لاپتہ، ’ایف آئی آر میئر کراچی پر کاٹی جائے‘
شہرِ قائد میں گٹروں کے ڈھکن اکثر غائب ہوتے ہیں، تقریباً ہر سڑک پر کھلے مین ہول نظر آتے ہیں۔ یہی کھلے گٹر آئے روز جان لیوا حادثات کا باعث بنتے ہیں۔ مختلف علاقوں میں ڈھکن نہ ہونے کی وجہ سے موٹرسائیکل سوار متعدد بار حادثات کا شکار ہو چکے ہیں۔ کراچی کے کسی نہ کسی محلے میں بچوں کے گٹر میں گرنے کا واقعہ مسلسل رپورٹ ہوتا رہتا ہے، اور اب تک کئی قیمتی جانیں ان کھلے گٹروں کی نذر ہو چکی ہیں۔
گزشتہ روز کراچی میں گلشنِ اقبال نیپا چورنگی کے قریب بھی ایسا ہی ایک افسوسناک واقعہ پیش آیا جس میں 3 سالہ بچہ بغیر ڈھکن کے مین ہول میں گر کر لاپتا ہوگیا جس کا تاحال سراغ نہیں مل سکا۔
یہ بھی پڑھیں: ’میرے بچے کو ڈھونڈنے میں مدد کریں‘، کراچی میں گٹر میں گرنے والے بچے کی ماں کی اداروں سے اپیل
افسوسناک حادثے نے علاقے میں غم و غصے کی لہر دوڑا دی۔ مشتعل شہریوں نے نیپا چورنگی کے اطراف سڑکیں بلاک کر دیں اور حکومتی کارکردگی پر سوالیہ نشان اٹھایا۔ ایک صارف نے تنقید کرتے ہوئے کہا کہ بچہ کراچی میں ایک مین ہول میں گر گیا۔ پرانے پاکستان میں خوش آمدید۔
Her child fell into a manhole in Karachi. Welcome to Purana Pakistan, I guess. No? @murtazawahab1 pic.twitter.com/C61EjjMUdm
— Ihtisham Ul Haq (@iihtishamm) November 30, 2025
ہیومن رائٹس کونسل پاکستان نے ایک بیان میں کہا کہ بے سہارا ماں کی تڑپ، چیخیں اور بے بسی پورے نظامِ حکمرانی کی ناکامی کا ثبوت ہے۔ شہر کے وسط میں کھلے مین ہولز کا ہونا سنگین غفلت ہے۔ انہوں نے سوال اٹھایا کہ اس انسانی جان کے خطرے کا ذمہ دار کون ہے؟
ان کا مزید کہنا تھا کہ ہم حکومتِ سندھ اور کراچی انتظامیہ سے مطالبہ کرتے ہیں کہ بچے کی فوری، موثر اور بھرپور ریسکیو کارروائی کی جائے۔غفلت کے ذمے دار اہلکاروں کے خلاف فوری تحقیقات و کارروائی ہو۔ کراچی بھر میں کھلے مین ہولز کی ہنگامی کورنگ اور انسپیکشن کی جائے اور متاثرہ خاندان کی ہر ممکن مدد کی جائے۔
ہیومن رائٹس کونسل پاکستان ہنگامی بیان
کراچی، نیپا چورنگی پر ایک افسوسناک واقعہ پیش آیا جہاں ایک خاتون کا بچہ کھلے مین ہول میں گر گیا۔ بے سہارا ماں کی تڑپ، چیخیں اور بے بسی پورے نظامِ حکمرانی کی ناکامی کا ثبوت ہے۔ شہر کے وسط میں کھلے مین ہولز کا ہونا سنگین غفلت ہے۔
ہیومن رائٹس… pic.twitter.com/rFRc8lhJAb
— Human Rights Council of Pakistan (@HRCPakistan) November 30, 2025
جنید رضا زیدی نے کہا کہ یہ ایف آئی آر میئر کراچی پر کاٹی جائے، جب شہر چلا نہیں سکتے تو میئر بنتے کیوں ہو۔
یہ ایف آئی آر میئر کراچی پر کاٹی جائے
جب شہر چلا نہیں سکتے تو میئر بنتے کیوں ہو ، جان چھوڑ دو
نیپا پل کے قریب شاپنگ مال کے سامنے 10 سال کا بچہ کھلے مین ہول میں گرگیا٬ حادثے کے وقت مین ہول پر ڈھکن موجود نہیں تھا٬ بچے کو تلاش کرنے کیلئے امدادی کارروائیاں جاری ہیں
لعنت لوکل باڈیز… pic.twitter.com/MzmaiSRCKh
— Junaid Raza Zaidi (@junaidraza01) November 30, 2025
متحدہ قومی موومنٹ (ایم کیو ایم) لندن کے سینئر رہنما مصطفیٰ عزیز آبادی نے کہا کہ اس بچے کے قاتل پیپلزپارٹی کی حکومت اور میئرکراچی مرضیٰ وہاب ہیں جو کراچی میں ایک گٹر کا ڈھکن نہ لگواسکیں۔ انہوں نے مزید کہا کہ انہیں شہر کی ترقی کے دعوے کرتے ہوئے شرم آنی چاہیے۔
کراچی میں نیپا چورنگی کے علاقے میں ایک تین سالہ بچہ کھلے مین ہول میں گر کر جاں بحق ، یہ المناک حادثہ اور اس پر بچے کی ماں کی آہ و زاری نے دل چیر دیا ۔
کئی گھنٹوں کی کوشش کے باوجود بچہ گٹر سے نہ نکالا جاسکا ۔
اس بچے کے قاتل پیپلزپارٹی کی حکومت اور میئرکراچی مرضیٰ وہاب ہیں جو… pic.twitter.com/vWe5BqEWJn
— Mustafa Azizabadi (@azizabadi) December 1, 2025
ایک صارف نے واقعہ پر ردعمل دیتے ہوئے کہا کہ یہ حادثہ نہیں بلکہ حکومتی نااہلی کا واضح ثبوت ہے۔
چند منٹ کی خریداری کو آئی ماں خالی گود لوٹ گئی—سندھ حکومت، واٹر بورڈ اور میئر کراچی کی غفلت نے اس کا جہان چھین لیا۔ نیپا میں 4 سالہ بچہ کھلے گٹر میں گر گیا۔ BRT کے اربوں کھانے والوں نے ڈھکن تک نہ لگوائے۔ یہ حادثہ نہیں، حکومتی نااہلی کا واضح ثبوت ہے۔ pic.twitter.com/qIPhImKVvQ
— Sყҽԃ Mσɳιʂ Jαʋҽԃ (@JavedMonis) November 30, 2025
علی عمران عباسی لکھتے ہیں کہ ہمارا المیہ یہ ہےکہ گلیوں کے گٹرپر ڈھکن تک نہیں،کسی کا بچہ صرف لاپرواہی کی بھینٹ چڑھ گیا۔کیا کسی کو فرق پڑے گا؟
اس ماں کی آہ شایدآسمانوں کو چیردےگی مگر افسوس!اقتدار کےایوانوں تک کبھی نہیں پہنچے گی۔
کراچی:گلشنِ اقبال نیپاکے قریب ایک ماں اپنے4سالہ بچےکےساتھ شاپنگ کرنےنکلی بس لمحوں کی بات تھی کہ اسکالختِ جگر کھلے گٹرمیں جاگِرا
ہمارا المیہ یہ ہےکہ گلیوں کے گٹرپر ڈھکن تک نہیں،کسی کا بچہ صرف… pic.twitter.com/n0dowHO31t
— Ali Imran Abbasi (@aliimranabbasi) December 1, 2025
لاپتا بچے کی والدہ نے میڈیا پر گفتگو کرتے ہوئے کہا کہ میں اداروں سے درخواست کرتی ہوں کہ بچے کو تلاش کرنے میں ہماری مدد کریں، ہمارا کسی سیاسی جماعت سے تعلق نہیں نہ ہی کسی کے خلاف کچھ کہہ رہے ہیں۔ میرا بچہ کس حال میں ہے یہ ہمیں بھی نہیں معلوم۔ گورنر اور میئر میرے بچے کو تلاش کروائیں، اپنا عملہ، ٹیم اور مشینری بھیجیں۔
انہوں نے دعویٰ کیا کہ بچے کی تلاش ہم نے اپنی مدد آپ کے تحت کی، مشینوں میں 15 ہزار روپے کا ڈیزل تک ہم نے خود ڈالا، انتظامیہ نے اس جگہ بجلی تک بند کردی۔
بچے کے والد نے بھی کہا کہ مشین ہم خود لے کر آئے انتظامیہ نے کوئی مدد نہیں کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بچے کی تلاش کراچی مین ہول گٹر کے ڈھکن لاپتا بچہ
دھرمیندر نے اپنے آخری ویڈیو پیغام میں کیا کہا تھا؟ ویڈیو سوشل میڈیا پر وائرل