کراچی میں 11 ماہ کے دوران مین ہولز اور نالوں میں گر کر 23 افراد جاں بحق
اشاعت کی تاریخ: 1st, December 2025 GMT
data-id="863a0a8" data-element_type="widget" data-widget_type="theme-post-content.default">
کراچی : شہرِ قائد میں ناقص شہری انتظامیہ اور انفراسٹرکچر کی بھاری قیمت شہریوں کو اپنی جانوں سے چکانی پڑ رہی ہے، سال 2025 کے ابتدائی 11 ماہ کے دوران مختلف علاقوں میں کھلے مین ہولز اور نالوں میں گر کر مجموعی طور پر 23 افراد زندگی سے ہاتھ دھو بیٹھے، جن میں معصوم بچے، نوجوان اور بزرگ شہری شامل ہیں۔
ایدھی فاؤنڈیشن کی جاری کردہ رپورٹ کے مطابق رواں برس 10 واقعات مین ہولز میں گرنے کے تھے جبکہ 13 افراد مختلف نالوں میں ڈوب کر جاں بحق ہوئے، ان افسوسناک واقعات نے ایک بار پھر شہری انتظامیہ کی کارکردگی پر سنگین سوالات اٹھا دیے ہیں۔
اعداد و شمار کے مطابق جنوری 2025 میں شاہ فیصل کالونی کا 6 سالہ عباد کھلے مین ہول کا شکار بنا، 2 فروری کو کشمیر کالونی نمبر 3 میں 5 سالہ طیب جبکہ 22 فروری کو سرجانی خدا کی بستی میں 3 سالہ اسداللہ جان کی بازی ہار گیا، 18 مارچ کو نارتھ کراچی میں 55 سالہ نامعلوم شخص نالے میں ڈوب کر جاں بحق ہوا۔
رپورٹ کے مطابق 2 اپریل کو بلدیہ مواچھ گوٹھ میں 3 سالہ عبدالرحمٰن، 7 اپریل کو بنارس میں 45 سالہ نامعلوم، 16 اپریل کو ماڑی پور شیر محمد ولیج میں 15 سالہ رجب اور 18 اپریل کو لیاقت آباد میں 10 سالہ سویرا کھلے مین ہول یا نالے میں گر کر انتقال کر گئے، اسی دوران شہر کے دیگر علاقوں میں بھی اموات رپورٹ ہوئیں، جن میں 30 سالہ الطاف، 37 سالہ ظفر اور 30 سالہ دیگر شہری شامل ہیں۔
اگست سے نومبر تک بھی یہ سلسلہ تھما نہیں۔ 17 اگست کو ماڑی پور روڈ پر 38 سالہ الطاف، 19 اگست کو گورو مندر کے قریب 48 سالہ عباس، جبکہ 8 ستمبر کو لانڈھی مرتضیٰ چورنگی پر 40 سالہ اقبال مسیح جان سے گئے۔ 12 ستمبر کو دھوبی گھاٹ لیاری میں 30 سالہ نامعلوم شخص اور اسی روز ناردرن بائی پاس کے قریب 7 سالہ اسما بھی اس المناک صورتحال کا شکار بنی۔
21 ستمبر کو گارڈن گھاس منڈی کے قریب ایک ہی دن میں ویشال، شاہد اور سورج جان کی بازی ہار بیٹھے۔ 4 اکتوبر کو سپرہائی وے کے نزدیک مزید دو افراد، 23 اکتوبر کو نصرت بھٹو کالونی میں 3 سالہ عائشہ، 15 نومبر کو کورنگی میں 30 سالہ نامعلوم شخص اور آخر میں 30 نومبر کو گلشن اقبال نیپا چورنگی کے قریب 3 سالہ ابراہیم کھلے مین ہول میں گر کر جاں بحق ہوگیا۔
شہریوں کا کہنا ہے کہ کھلے مین ہولز پر ڈھکن لگانے، نالوں کی باقاعدہ صفائی اور حفاظتی اقدامات نہ ہونے کے باعث قیمتی انسانی جانیں ضائع ہورہی ہیں، شہریوں نے حکومت سندھ اور بلدیاتی اداروں سے مطالبہ کیا ہے کہ فوری اقدامات کیے جائیں تاکہ مزید جانوں کا ضیاع روکا جاسکے۔
ذریعہ: Jasarat News
کلیدی لفظ: سالہ نامعلوم کھلے مین اپریل کو مین ہولز کے قریب
پڑھیں:
راولپنڈی: نامعلوم افراد کی پولیس اہلکار پر فائرنگ، اے ایس آئی جاں بحق
—فائل فوٹوراولپنڈی کے آئی جے پی روڈ پر نامعلوم افراد نے پولیس اہلکار پر فائرنگ کی جس جس میں اے ایس آئی جاں بحق ہو گیا۔
پولیس کے مطابق پولیس اہلکار کی لاش کو ہولی فیملی اسپتال منتقل کر دیا گیا ہے۔
تھانہ پیرودھائی پولیس کی جانب سے وفاقی پولیس کو آگاہ کر دیا گیا۔
پولیس کا کہنا ہے کہ پولیس اہلکار پر فائرنگ کے واقعے کی تحقیقات جاری ہیں۔
وزیراعظم محمد شہباز شریف سے نو منتخب اراکین قومی اسمبلی کی ملاقات