یہ ہوتے کون ہیں ہمیں دھمکیاں دینے والے ، علیمہ خانم
اشاعت کی تاریخ: 6th, December 2025 GMT
عاصم منیر سیاسی نہیں سرکاری ملازم اس پر بات کرنا سیاسی کیسے ہو گیا، کیا یہ سیاسی بیان ہے
ہم اگر ان یزیدوں سے ڈرنا شروع ہو گئے تو پاکستان کا مستقبل ختم ہو جائیگا، میڈیا سے گفتگو
علیمہ خانم کا کہنا ہے یہ ہوتے کون ہیں ہمیں دھمکیاں دینے والے ؟ یہ ہوتے کون ہیں ہماری ملاقات روکنے والے ؟ یہ اتنے گھٹیا اور گرے ہوئے لوگ ہیں یہ عمران خان کی نہیں 90 فیصد عوام کی آواز بند کرنا چاہتے ہیں۔ تفصیلات کے مطابق سابق وزیراعظم عمران خان کی بہن علیمہ خان نے جامعہ کے روز میڈیا سے گفتگو کرتے ہوئے کہا کہ عاصم منیر سیاسی نہیں ہے عاصم منیر سرکاری ملازم ہے اس پر بات کرنا سیاسی کیسے ہو گیا ؟ عمران خان نے کہا اگر میں جیل میں ہوں تو عاصم منیر کی وجہ سے ہوں کیا یہ سیاسی بیان ہے ؟ علیمہ خان نے کہا ہم اگر ان چھوٹے چھوٹے یزیدوں سے ڈرنا شروع ہو گئے تو پاکستان کا مستقبل ختم ہو جائے گا یہ زیادہ سے زیادہ کیا کر لیں گے نورین نیازی کے بالوں سے کھینچ لیا، پولیس والی نے کہا ان بہنوں کو گھسیٹ کر گاڑی میں پھینکو کیا ہم ڈر گئے؟ یہ اتنے گھٹیا اور گرے ہوئے لوگ ہیں یہ عمران خان کی نہیں 90 فیصد عوام کی آواز بند کرنا چاہتے ہیں انہوں نے عمران خان کو قید تنہائی میں رکھا ہوا ہے انٹرنیشنل قوانین کے مطابق قید تنہائی ٹارچر ہے عمران خان پر ٹارچر کیا جا رہا ہے۔علیمہ خان نے کہا یہ ہوتے کون ہیں ہمیں دھمکیاں دینے والے ؟ یہ ہوتے کون ہیں ہماری ملاقات روکنے والے ؟ یہ چور لوگ کس قانون کے تحت ملاقات روکیں گے یہ اگر روکیں گے تو چند دنوں کی بات رہ جائے گی ہم سڑکوں پر بیٹھ جائیں گے پھر کیا گولیاں مارو گے؟ جتنا یہ لوگ ٹی وی پر آکر بول رہے ہیں، اُتنا اپنا خوف ظاہر کر رہے ہیں۔ عمران خان کیلئے نئی شرائط لگا دی ہیں، انہیں آئسولیشن میں رکھ کر ٹارچر کرو، یہ بین الاقوامی قوانین کے مطابق ٹارچر ہے۔عمران خان 90 فیصد لوگوں کی آواز ہے، یہ اُس آواز کو بند کرنا چاہتے ہیں۔ میرا آئین مجھے اجازت دیتا ہے، یہ لوگ جب چاہیں ٹی وی پر بیٹھ کر نیا قانون ایجاد کرینگے؟ عمران خان نے کہا ہے کہ میں اس یزیدیت اور فرعونیت کے آگے نہیں جُھکوں گا، اب ہر پاکستانی کی بھی یہی ذمہ داری ہے۔ عمران خان نے ہم سب کیلئے مثال قائم کر دی ہے، ہمیں صرف اللّٰہ سے ڈرنا ہے۔
.
ذریعہ
ذریعہ: Juraat
کلیدی لفظ: یہ ہوتے کون ہیں عمران خان کی خان نے کہا علیمہ خان
پڑھیں:
فیفا ورلڈ کپ دیکھنے کیلیے کینیڈا جانیوالے 175 غیر ملکیوں نے سیاسی پناہ مانگ لی
فیفا ورلڈ کپ دیکھنے کے لیے وزٹ ویزہ پر کینیڈا پہنچنے والے درجنوں افراد نے اسائلم کی درخواستیں دائر کر دیں۔
کینیڈا میں ورلڈ کپ کے 13 میچ منعقد ہوئے جن کے لیے حکام نے مجموعی طور پر 26 ہزار سیاحتی ویزے جاری کیے تھے۔ ہزاروں درخواستوں میں سے 50 فیصد سے زائد مسترد کر دی گئی تھیں۔
کینیڈین حکام کے مطابق اب تک 175 افراد سیاسی پناہ کی درخواستیں جمع کرا چکے ہیں جن کا جائزہ امیگریشن اور مہاجرین سے متعلق قوانین کے تحت لیا جائے گا۔
حکام نے یہ واضح نہیں کیا کہ درخواست گزاروں میں کتنے کھلاڑی شامل ہیں، تاہم دستیاب اعداد و شمار کے مطابق گھانا کے 25 جبکہ مصر اور کولمبیا کے 15، 15 شہریوں نے اسائلم کی درخواستیں دی ہیں۔ حکام کا کہنا ہے کہ اس تعداد میں مزید اضافہ بھی ہو سکتا ہے۔
اس سے قبل کینیڈین حکومت خبردار کر چکی تھی کہ فیفا ورلڈ کپ کے لیے جاری کیے گئے سیاحتی ویزے کینیڈا میں مستقل قیام یا سیاسی پناہ حاصل کرنے کا ذریعہ نہیں ہیں اور ہر درخواست کا فیصلہ صرف ملکی قوانین کے مطابق کیا جائے گا۔
پاکستان نے ورلڈ کپ 2028 کیلیے براہ راست کوالیفائی کر لیا