آئی ایم ایف کا پاکستان کے لیے 1.2 ارب ڈالر قرض کی منظوری کے لیے اجلاس 8 دسمبر کو متوقع
اشاعت کی تاریخ: 6th, December 2025 GMT
بین الاقوامی مالیاتی فنڈ (آئی ایم ایف) کے ایگزیکٹو بورڈ کا اجلاس 8 دسمبر (پیر) کو ہوگا، جس میں پاکستان کیلئے 1.2 ارب ڈالر کی قرض قسط کی منظوری دیے جانے کا امکان ہے۔
آئی ایم ایف اور پاکستان کے درمیان اکتوبر میں اسٹاف سطح کا معاہدہ طے پایا تھا، جو 24 ستمبر سے 8 اکتوبر تک کراچی، اسلام آباد اور واشنگٹن میں مذاکرات کے بعد ممکن ہوا۔ اس معاہدے پر فنڈز کے اجرا سے قبل ایگزیکٹو بورڈ کی منظوری ضروری ہے۔
یہ بھی پڑھیے: آئی ایم ایف نے پاکستان کی اقتصادی پالیسی میں مسائل و خلا کی نشاندہی کی ہے، وزیر خزانہ محمد اورنگزیب
اگر منظوری ہو جاتی ہے تو پاکستان کے لیے 1.
اگر ایگزیکٹو بورڈ 8 دسمبر کو منظوری دے دیتا ہے تو پاکستان کو فنڈز کی وصولی اگلے ہی روز شروع ہو سکتی ہے۔
آئی ایم ایف نے جمعے کے روز مختصر اعلان میں اجلاس کی تاریخ کی تصدیق کی، جبکہ فنڈ کی ویب سائٹ پر جاری سرکاری کیلنڈر میں بھی پاکستان کے پروگرام کا جائزہ شامل ہے۔
یہ بھی پڑھیے: کرپشن سے متعلق آئی ایم ایف کی رپورٹ لمحہ فکریہ ہے، شاہد خاقان عباسی
مذاکرات کے دوران پاکستان کی مالی کارکردگی، مالیاتی پالیسی، ساختی اصلاحات اور موسمیاتی اقدامات کے حوالے سے پیش رفت پر غور کیا گیا۔ آئی ایم ایف نے اپنی ابتدائی رپورٹ میں کہا تھا کہ پاکستان نے مالی نظم و ضبط، مہنگائی میں کمی اور زرمبادلہ کے ذخائر مضبوط بنانے میں نمایاں پیش رفت کی ہے۔ اسٹیٹ بینک کی سخت مالیاتی پالیسی کو بھی سراہا گیا، جس نے مہنگائی کی توقعات کو قابو میں رکھنے میں اہم کردار ادا کیا۔
فنڈ نے سرکاری اداروں کی اصلاحات، توانائی کے شعبے کی بہتری، مسابقت میں اضافہ اور سرکاری خدمات کی فراہمی جیسے شعبوں میں بھی پاکستان کی پیش رفت کو مثبت قرار دیا۔
آر ایس ایف کے تحت ماحولیاتی اہداف، قدرتی آفات سے نمٹنے کی تیاری، پانی کے وسائل کے بہتر انتظام اور موسمیاتی معلومات کے نظام کو مضبوط بنانے جیسے اقدامات کو بھی سراہا گیا۔ حالیہ تباہ کن سیلابوں کے بعد یہ اصلاحات مزید اہمیت اختیار کر گئی ہیں۔
یہ بھی پڑھیے: ’ایلیٹ کیپچر‘ پاکستانی معیشت کو کھربوں روپوں کا نقصان پہنچا رہا ہے، آئی ایم ایف
فنڈ نے توانائی کے شعبے میں مستقل اصلاحات، مسابقت میں اضافے، پیداواری صلاحیت بہتر بنانے اور سرکاری اداروں کی کارکردگی میں شفافیت کی ضرورت پر بھی زور دیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ذریعہ: WE News
کلیدی لفظ: آئی ایم ایف پاکستان کے پاکستان کی ارب ڈالر کے لیے
پڑھیں:
خیبرپختونخوا کابینہ نے 9 مئی کے مقدمات ختم کرنے کی منظوری دے دی
خیبرپختونخوا کابینہ نے 9 مئی 2023 کو بانی پی ٹی آئی عمران خان کی گرفتاری کے بعد ملک گیر احتجاج کے دوران پیش آنے والے واقعات میں ملوث ملزمان کے مقدمات ختم کرنے کی منظوری دے دی۔
معاون خصوصی برائے اطلاعات شفیع جان نے کابینہ اجلاس کے بعد گفتگو کرتے ہوئے کہاکہ کابینہ نے 9 اور 10 مئی کو سیاسی انتقام کے تحت درج بغیر ثبوت کے مقدمات ختم کرنے کا فیصلہ کیا ہے۔
انہوں نے کہاکہ وزیراعلیٰ محمد سہیل آفریدی کی زیر صدارت صوبائی کابینہ کے اجلاس میں اہم فیصلے کیے گیے۔ صوبے میں گندم کے ذخائر، بین الصوبائی نقل و حمل اور آئندہ حکمت عملی پر کابینہ کو بریفنگ دی گئی۔
معاون خصوصی کے مطابق اضافی گندم کی خریداری کے لیے پہلے سے قائم کمیٹی کو ضرورت پڑنے پر اقدامات کا اختیار دے دیا گیا، کابینہ نے کڈنی اور بون میرو ٹرانسپلانٹ کے 2 مریضوں کے لیے مالی امداد کی منظوری دی۔
شفیع جان نے بتایا کہ جاری منصوبوں کی جلد تکمیل کے لیے ضلعی ترقیاتی منصوبوں کے فنڈز کی فراہمی کی منظوری دی گئی۔ صوبائی کابینہ نے سی ٹی ڈی کے لیے 150 ملین روپے خصوصی گرانٹ کی منظوری دی۔
معاون خصوصی کے مطابق کابینہ نے ایکشن ان ایڈ آف سول پاورز قانون کے خاتمے سے متعلق کمیٹی کی سفارشات پر عمل درآمد کی منظوری دے دی۔
انہوں نے بتایا کہ اجلاس میں ریڈیو پاکستان پشاور واقعہ کی انکوائری صوبائی اسمبلی کی اسپیشل کمیٹی کے سپرد کرنے کی منظوری دی گئی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
9 مئی مقدمات wenews خیبرپختونخوا کابینہ سہیل آفریدی منظوری دیدی وزیراعلیٰ خیبرپختونخوا وی نیوز
پاکستان ہمیشہ فلسطینی عوام کے حقِ خودارادیت کی جدوجہد میں انکے ساتھ کھڑا ہے، گورنر سندھ