جی بی کے آئندہ انتخابات میں پیپلز پارٹی کی جیت یقینی ہے، کلثوم مہدی
اشاعت کی تاریخ: 29th, November 2025 GMT
پی پی خواتین ونگ گلگت بلتستان کی صدر نے ایک بیان میں کہا کہ بلاول بھٹو زرداری کی رہنمائی میں گلگت بلتستان کے ہر گلی کوچے میں موجود کارکنان پرعزم ہیں اور عوام کا جوش و خروش یہ واضح پیغام دے رہا ہے کہ آئندہ انتخابات میں عوامی طاقت کا سیلاب تمام رکاوٹیں بہا لے جائے گا۔ اسلام ٹائمز۔ صدر پیپلز پارٹی شعبہ خواتین ونگ گلگت بلتستان کلثوم مہدی نے پاکستان پیپلز پارٹی کے 58 ویں یوم تاسیس کے موقع پر ایک بیان میں کہا ہے کہ ہم اپنے بانی قائد شہید ذوالفقار علی بھٹو اور شہید جمہوریت محترمہ بینظیر بھٹو کے عظیم مشن، یعنی روٹی، کپڑا اور مکان اور عوام کی حکمرانی کو پایہ تکمیل تک پہنچائیں گے۔یہ دن ہمیں پارٹی کے تاریخی سفر جمہوریت کی بحالی کے لیے دی گئی لازوال قربانیوں اور عوام کے حقوق کے لیے ہماری جدوجہد کی یاد دلاتا ہے۔ پیپلزپارٹی وہ واحد جماعت ہے جس نے ہمیشہ پسماندہ طبقات اور خواتین کو سیاسی دھارے میں شامل کیا اور انہیں ملک و قوم کی خدمت کا موقع فراہم کیا۔ اس موقع پر اپنے علاقے کی غیور عوام کو یقین دلاتی ہوں کہ پیپلزپارٹی ہی گلگت بلتستان کو مکمل آئینی حقوق دلانے اور یہاں کے وسائل پر مقامی لوگوں کا حق تسلیم کرانے کی ضامن ہے۔ ہم نے ماضی میں بھی عوامی فلاح و بہبود کے لیے کام کیا اور آئندہ بھی ہماری ترجیح یہ علاقہ اور اس کے عوام ہوں گے۔
انہوں نے کہا کہ بلاول بھٹو زرداری کی رہنمائی میں گلگت بلتستان کے ہر گلی کوچے میں موجود کارکنان پرعزم ہیں اور عوام کا جوش و خروش یہ واضح پیغام دے رہا ہے کہ آئندہ انتخابات میں عوامی طاقت کا سیلاب تمام رکاوٹیں بہا لے جائے گا۔ ہم مکمل یقین اور پختہ عزم کے ساتھ کہہ سکتے ہیں کہ جی بی کے آئندہ انتخابات میں پیپلزپارٹی کی جیت یقینی ہے، عوام مہنگائی، بے روزگاری اور نامکمل آئینی حیثیت سے تنگ آ چکے ہیں۔ وہ تبدیلی کے لیے تیار ہیں اور انہیں صرف پیپلزپارٹی کے منشور اور اس کی عوامی قیادت پر بھروسہ ہے۔ ہم اپنے منشور پر عمل پیرا ہوتے ہوئے شفاف اور منصفانہ انتخابات کے ذریعے اقتدار میں آئیں گے اور گلگت بلتستان کو ایک ترقی یافتہ خوشحال اور مکمل آئینی حقوق والا خطہ بنائیں گے۔ میں تمام کارکنان خصوصاً شعبہ خواتین کی ساتھیوں کو ہدایت کرتی ہوں کہ وہ یوم تاسیس کے عزم کے ساتھ انتخابی مہم کو تیز کریں اور ہر گھر تک پیپلزپارٹی کا پیغام پہنچائیں۔
ذریعہ: Islam Times
کلیدی لفظ: آئندہ انتخابات میں گلگت بلتستان اور عوام کے لیے
پڑھیں:
عوامی فلاح کیلئے کام کرنے والے ادارے حکومت کے حقیقی شراکت دار ہیں، نگران وزیر اعلیٰ
نگران وزیر اعلی ٰگلگت بلتستان یار محمد نے وفد سے گفتگو کرتے ہوئے کہا کہ فلاحی اداروں کے ساتھ مل کر معاشرے کی بہتری کے لیے عملی اقدامات کیے جائیں گے۔ اسلام ٹائمز۔ وزیر اعلیٰ گلگت بلتستان جسٹس ریٹائرڈ یار محمد سے فلاح انسانیت ویلفیئر سوسائٹی گلگت بلتستان، استور کی مرکزی شوریٰ کے وفد نے ملاقات کی۔ وفد میں سوسائٹی کے چیئرمین حبیب اللہ، ڈائریکٹر حفیظ، ایڈمن ہیڈ ریاض احمد، منیجر سعید الرحمن اور دیگر عہدیداران شامل تھے۔ وفد نے وزیر اعلیٰ کو عہدہ سنبھالنے پر مبارک باد دی اور نیک خواہشات کا اظہار کیا۔ ملاقات کے دوران فلاح انسانیت ویلفیئر سوسائٹی کی جانب سے گلگت بلتستان میں جاری فلاحی سرگرمیوں، امدادی کاموں، اور مستقبل کے منصوبوں پر تفصیلی بریفنگ دی گئی۔ اس موقع پر سوسائٹی کے اراکین نے وزیر اعلی کو ان کے سابقہ دور میں سوسائٹی کی فلاحی کوششوں میں دی گئی معاونت اور تعاون پر دلی شکریہ ادا کیا اور امید ظاہر کی کہ موجودہ دور حکومت میں بھی وزیر اعلیٰ اسی جذبے اور توجہ کے ساتھ فلاحی اداروں کے ساتھ تعاون جاری رکھیں گے۔ وزیر اعلی جسٹس (ر) یار محمد نے وفد کی آمد پر شکریہ ادا کیا اور فلاح انسانیت ویلفیئر سوسائٹی کی خدمات کو سراہتے ہوئے کہا کہ معاشرے میں مثبت تبدیلی اور عوامی فلاح کے لیے کام کرنے والے ادارے حکومت کے حقیقی شراکت دار ہیں۔ انہوں نے سوسائٹی کو حکومت کی جانب سے مکمل تعاون کی یقین دہانی بھی کروائی اور کہا کہ فلاحی اداروں کے ساتھ مل کر معاشرے کی بہتری کے لیے عملی اقدامات کیے جائیں گے۔
کراچی، کورنگی میں ڈاکوؤں کی فائرنگ، باپ بیٹا شدید زخمی، پولیس کی جوابی فائرنگ میں زخمی ڈاکو گرفتار