امریکہ کی لبنان کو 90.5 ملین ڈالر مالیت کی فوجی گاڑیوں کی فروخت کی منظوری
اشاعت کی تاریخ: 6th, December 2025 GMT
امریکی محکمہ خارجہ نے لبنان کو 2 قسم کے میڈیم ٹیکٹیکل وہیکلز اور متعلقہ ساز و سامان کی ممکنہ فروخت کی منظوری دے دی ہے۔
پینٹاگون کی ڈیفینس سیکیورٹی کوآپریشن ایجنسی کے مطابق ان وہیکلزکی کل قیمت کا تخمینہ 9 کروڑ 5 لاکھ ڈالر لگایا گیا ہے۔
یہ بھی پڑھیں:
اس مجوزہ فروخت میں اسپیئر پارٹس، تکنیکی دستاویزات، عملے کی تربیت اور لاجسٹک معاونت شامل ہے، جسے باضابطہ طور پر امریکی کانگریس کو بھیج دیا گیا ہے۔
???????? | ???????? The Pentagon has announced its approval for the sale of vehicles and equipment to Lebanon at a cost of $90.
— Observe Lebanon (@ObserveLebanon) December 5, 2025
لبنان نے5 ٹن کے M1085A2 اور 2.5 ٹن کے M1078A2 ٹیکٹیکل وہیکلز کی درخواست کی ہے، جو دونوں وِنچ کے بغیر ہیں۔
ڈیفنس سیکیورٹی کوآپریشن ایجنسی کے مطابق، یہ فروخت لبنان کی موجودہ اور مستقبل کے خطرات سے نمٹنے کی صلاحیت میں اضافہ کرے گی، جس سے لبنانی مسلح افواج کو سرحدی سکیورٹی کے چیلنجز کا فوری جواب دینے اور انسدادِ دہشت گردی کارروائیاں انجام دینے میں مدد ملے گی۔
مزید پڑھیں:
مضبوط وہیکل فلیٹ امریکا اور لبنان کے درمیان عملی اور تربیتی تعاون کو بھی تقویت دے گا۔
ایجنسی نے کہا کہ لبنان کو ان گاڑیوں اور معاون خدمات کو اپنی افواج میں شامل کرنے میں کوئی مشکل پیش نہیں آئے گی اور یہ بھی واضح کیا کہ اس فروخت سے خطے کا فوجی توازن متاثر نہیں ہوگا۔
مزید پڑھیں:
وسکونسن میں قائم کمپنی اوشکوش ڈیفنس کو اس منصوبے کا بنیادی ٹھیکیدارمقرر کیا گیا ہے، ابھی تک کوئی آفسیٹ معاہدہ تجویز نہیں کیا گیا، اور اس منصوبے کی تکمیل کے لیے لبنان میں اضافی امریکی عملے کی ضرورت نہیں ہوگی۔
ڈی ایس سی اے نے واضح کیا کہ 90.5 ملین ڈالر وہ زیادہ سے زیادہ تخمینہ ہے جو ابتدائی ضروریات کی بنیاد پر لگایا گیا ہے، اور یہ رقم حتمی معاہدے اور بجٹ کے مطابق کم بھی ہوسکتی ہے۔
مزید پڑھیں:
یہ مجوزہ فروخت مشرقِ وسطیٰ میں لبنان کے استحکام اور سیکیورٹی کو مضبوط بنانے کے لیے امریکا کی وسیع تر کوششوں کا حصہ ہے، جس کا مقصد لبنان کو خطے میں سیاسی و معاشی ترقی کے فروغ کے لیے ایک مضبوط شراکت دار کے طور پر مستحکم کرنا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پینٹاگون ڈیفنس ڈیفینس سیکیورٹی کوآپریشن ایجنسی لبنان محکمہ خارجہ میڈیم ٹیکٹیکل وہیکلز
ذریعہ
ذریعہ: WE News
کلیدی لفظ: پینٹاگون ڈیفنس سیکیورٹی کو لبنان کو گیا ہے کے لیے
پڑھیں:
پاکستان میں سونے کی قیمت میں پھر بڑا اضافہ
ملک بھر میں فی تولہ سونےکی قیمت میں 4600 روپے کا اضافہ ہوا ہے۔آل پاکستان جیمز اینڈ جیولرز ایسوسی ایشن کے مطابق ایک تولہ سونا 4600 روپے اضافے کے بعد اب 4 لاکھ 76 ہزار 362 روپے میں فروخت ہو رہا ہے۔اس کے علاوہ10گرام سونے کی قیمت3944 روپےبڑھ کر 4 لاکھ8 ہزار 403 روپے ہوگئی ہے۔عالمی بازار میں سونے کی قیمت 46 ڈالر اضافے سے 4540 ڈالر فی اونس ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے