لاہور میں چار روزہ انٹرنیشنل باکسنگ چیمپئن شپ اختتام پذیر ہوگئی
اشاعت کی تاریخ: 29th, November 2025 GMT
لاہور میں چار روز تک جاری رہنے والی انٹرنیشنل باکسنگ چیمپئن شپ اختتام پذیر ہوگئی، جس میں پاکستانی باکسر محمد وسیم نے کامیابی کے ساتھ اپنا ٹائٹل برقرار رکھا۔ وزیر اعلیٰ پنجاب مریم نواز شریف نے بھی اس موقع پر باکسرز کے دلچسپ مقابلے دیکھے۔
چیمپئن شپ میں مجموعی طور پر 21 فائٹس ہوئیں اور 15 ممالک کے 44 باکسرز نے ورلڈ باکسنگ ایسوسی ایشن کے تعاون سے منعقدہ اس مقابلے میں حصہ لیا۔ آخری دن ‘فائٹ فار گلوری’ کے عنوان سے ڈبلیو بی اے گولڈ بینٹم ویٹ ٹائٹل کے لیے محمد وسیم اور تھائی باکسر جکراوت کے درمیان زوردار مقابلہ ہوا، جو 12 راؤنڈز تک جاری رہا اور آخرکار محمد وسیم فاتح قرار پائے۔ جیت کے بعد وسیم نے عوام، پاک آرمی اور حکومت پنجاب کا شکریہ ادا کیا، جبکہ غیر ملکی کھلاڑیوں کو خصوصی سیکیورٹی فراہم کی گئی۔
چیمپئن شپ کے دوران 20 نومبر سے 23 نومبر تک مختلف اوقات میں 44 باکسرز پاکستان پہنچے اور ان کا پرتپاک استقبال کیا گیا۔ اس دوران باکسنگ کنونشن بھی منعقد کیا گیا۔ مقابلے حکومت پنجاب، لاہور کور اور فوجی فاؤنڈیشن کے تعاون سے ہوئے۔
26 نومبر کو ہونے والے مقابلوں میں پاکستان، جرمنی، تھائی لینڈ اور نیدرلینڈز کے باکسرز مد مقابل ہوئے، جس میں پاکستان کے عاصم زمان اور جرمنی کی زینا نصر نے فتح حاصل کی۔ 27 نومبر کے مقابلوں میں برطانیہ، گھانا، ڈومینیکن ریپبلک، امریکا، پاکستان اور بنگلہ دیش کے 14 باکسرز شامل تھے، جہاں کانٹے دار مقابلے میں محمد وقاص، جہانگیر خان اور برطانیہ کے ٹام ڈئرنگ سمیت دیگر کھلاڑی فتح یاب ہوئے۔
28 نومبر کے مقابلوں میں جنوبی کوریا، تھائی لینڈ، امریکا، ڈومینیکن ریپبلک، ارجنٹینا، فلپائن، برطانیہ، نائیجیریا اور بنگلہ دیش کے 12 باکسرز شریک ہوئے۔ فاتح باکسرز میں برطانیہ کے کانر مسٹیاڈز، جیمز میڈ کاف، پاکستان کے ساحر اقبال، ارجنٹینا کے البرٹو پالمیٹا اور امریکا کے لارنس نیوٹن شامل ہیں۔
29 نومبر کو ہونے والے اہم مقابلوں میں پاکستان، تھائی لینڈ، برطانیہ، مراکش، فرانس، میکسیکو اور امریکا کے 12 باکسرز شریک ہیں، جن میں سب سے اہم مقابلہ پاکستانی فالکن باکسر محمد وسیم اور حریف کے درمیان ہوگا۔
ذریعہ
ذریعہ: Daily Mumtaz
کلیدی لفظ: مقابلوں میں میں پاکستان چیمپئن شپ
پڑھیں:
لاہور ہائیکورٹ کا فیصلہ، خاتون کو دوسرے شوہر کے ساتھ جانے کی اجازت
لاہور ہائیکورٹ(Lahore High Court) نے ایک حبسِ بے جا سے متعلق کیس کی سماعت کے دوران اہم فیصلہ دیتے ہوئے خاتون کو اپنے دوسرے شوہر کے ساتھ جانے کی اجازت دے دی، جس کے بعد عدالت کے باہر جذباتی اور افسوسناک مناظر دیکھنے میں آئے۔
تفصیلات کے مطابق درخواست گزار غلام حسین نے عدالت سے رجوع کرتے ہوئے مؤقف اختیار کیا تھا کہ ان کی اہلیہ شبنم بی بی کو ان کے سابق شوہر اور اہلِ خانہ نے غیر قانونی طور پر اپنی تحویل میں رکھا ہوا ہے۔ درخواست میں استدعا کی گئی کہ عدالت خاتون کو بازیاب کرا کر انہیں ان کے ساتھ رہنے کی اجازت دے۔
سماعت کے دوران شبنم بی بی عدالت کے روبرو پیش ہوئیں اور اپنا بیان ریکارڈ کرایا۔ انہوں نے عدالت کو بتایا کہ وہ غلام حسین سے نکاح کر چکی ہیں اور اپنی مرضی سے ان کے ساتھ رہنا چاہتی ہیں۔ عدالت نے خاتون کے اس بیان اور قانونی نکات کو مدنظر رکھتے ہوئے انہیں اپنے شوہر کے ساتھ جانے کی اجازت دے دی۔
مزیدپڑھیں:سمندری تجارت میں بہتری، کراچی اور گوادر بندرگاہوں کی اہمیت مزید بڑھ گئی
عدالتی فیصلے کے فوراً بعد عدالت کے احاطے میں صورتحال جذباتی ہو گئی۔ شبنم بی بی کی پہلی شادی سے ہونے والی آٹھ بیٹیاں شدید رنج و غم میں مبتلا ہو گئیں اور دھاڑیں مار کر روتی رہیں۔ اس موقع پر وہاں موجود افراد بھی افسردہ نظر آئے۔
بیٹیوں میں سے ایک نے میڈیا سے گفتگو کرتے ہوئے کہا کہ ان کی والدہ نے عدالت میں انہیں پہچاننے سے انکار کر دیا اور اپنے نئے شوہر کے حق میں بیان دیا۔ ان کے مطابق یہ فیصلہ ان کے لیے شدید صدمے کا باعث بنا ہے۔
عدالتی حکم کے بعد شبنم بی بی اپنے دوسرے شوہر غلام حسین کے ہمراہ وہاں سے روانہ ہو گئیں، جبکہ متاثرہ خاندان کی جانب سے اس فیصلے پر شدید جذباتی ردعمل سامنے آیا ہے۔
یہ واقعہ سوشل میڈیا پر بھی زیر بحث ہے، جہاں صارفین کی جانب سے مختلف آراء کا اظہار کیا جا رہا ہے اور خاندانی معاملات، عدالتی فیصلوں اور جذباتی اثرات پر بحث جاری ہے۔
https://mnews.pk/wp-content/uploads/2026/06/crying.mp4
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ