27ویں آئینی ترمیم: قومی اسمبلی اجلاس پر فافن کی رپورٹ
اشاعت کی تاریخ: 29th, November 2025 GMT
فافن نے قومی اسمبلی کے 21ویں اجلاس اور 27ویں آئینی ترمیم سے متعلق اپنی رپورٹ جاری کر دی ہے۔ رپورٹ کے مطابق اجلاس میں مجموعی طور پر سات قوانین کی منظوری دی گئی۔ ڈان نیوز کے مطابق، 27ویں آئینی ترمیم میں عدالتی، انتظامی اور عسکری ڈھانچوں میں تبدیلیاں شامل کی گئیں اور اس پر تقریباً 10 گھنٹے اور 4 منٹ تک بحث ہوئی، جس میں 57 ارکان نے اپنے خیالات کا اظہار کیا۔
رپورٹ میں بتایا گیا کہ حکومتی اتحاد نے مجموعی بحث میں 5 گھنٹے 45 منٹ حصہ لیا، یعنی تقریباً 57 فیصد، جبکہ اپوزیشن نے 4 گھنٹے 19 منٹ اپنا مؤقف پیش کیا، جو کل بحث کا 43 فیصد بنتا ہے۔ ترمیم کی منظوری کے وقت قومی اسمبلی میں 296 ارکان موجود تھے، یعنی حاضری 91 فیصد رہی۔
اجلاس کے دوران متعدد اہم قوانین بھی منظور کیے گئے جن میں پرائیویٹائزیشن کمیشن ترمیمی بل 2025، پاکستان آرمی ترمیمی بل 2025، پاکستان ایئر فورس ترمیمی بل 2025، پاکستان نیوی ترمیمی بل 2025، سپریم کورٹ پریکٹس اینڈ پروسیجر ترمیمی بل 2025 اور گھریلو تشدد بل 2024 شامل ہیں۔ رپورٹ میں یہ بھی بتایا گیا کہ پانچ بل اسی روز قواعد معطل کرکے پیش اور منظور کیے گئے، جس سے ایوان کی کارروائی کی تیزی کا اظہار ہوتا ہے۔
ذریعہ
ذریعہ: Daily Mumtaz
پڑھیں:
کراچی: واش روم میں بچے کی پیدائش، تحقیقاتی رپورٹ ڈائریکٹر جناح اسپتال کے حوالے
فائل فوٹو۔جناح اسپتال کراچی کے واش روم میں بچے کی پیدائش کے معاملے پر تین رکنی تحقیقاتی کمیٹی نے اپنی رپورٹ ایگزیکٹو ڈائریکٹرکو جمع کروا دی۔
جناح اسپتال کے ذرائع کے مطابق رپورٹ میں کہا گیا متاثرہ خاتون رات ساڑھے 9 بجے گائنی وارڈ میں آئی، گائنی وارڈ میں کسی نے بھی خاتون کو طبی امداد نہیں دی۔
جناح اسپتال کے ذرائع کے مطابق خاتون کا الٹرا ساؤنڈ نہیں کروایا گیا اور چہل قدمی کا مشورہ دیا گیا۔
جناح اسپتال کے ذرائع کے مطابق کنسلٹنٹ اور آر ایم او ڈیوٹی پر موجود نہیں تھے، مریضوں کے ساتھ آنے والے مرد گائنی وارڈ کے احاطےمیں موجود تھے۔
جناح اسپتال کے ذرائع کے مطابق میڈیکل آفسر کو محکمہ صحت بھیجنے اور ڈیوٹی پر موجود پوسٹ گریجویٹ ڈاکٹرز کی 3 ماہ مزید ٹریننگ کی تجویز ہے۔
جناح اسپتال کے ذرائع کے مطابق رپورٹ میں سیکیورٹی گارڈز کی ڈیوٹی پر بھی تحفظات کا اظہار کیا گیا۔ کمیٹی کی جانب سے بنائی گئی رپورٹ سیکریٹری اور وزیر صحت کو دے دی گئی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ