پانی کی قلت سنگین قومی مسئلہ، حل کیلئے سٹیک ہولڈرز کو اقدامات کرنا ہونگے: ایاز صادق
اشاعت کی تاریخ: 10th, December 2025 GMT
اسلام آباد (خبر نگار) سپیکر قومی اسمبلی سردار ایاز صادق کی زیرِ صدارت پارلیمنٹ ہاؤس میں پانی اور فوڈ سکیورٹی جیسے قومی مسائل پر اجلاس میں ارکان قومی اسمبلی چیئرمین واپڈا لیفٹیننٹ جنرل (ر) محمد سعید اور وزارت آبی وسائل کے اعلیٰ حکام نے شرکت کی۔ سپیکر قومی اسمبلی نے کہا کہ پانی کی قلت ایک سنگین قومی مسئلہ ہے جس کے حل کے لیے تمام سٹیک ہولڈرز کو موثر اور ہنگامی بنیادوں پر اقدامات کرنا ہوں گے۔ اس اہم موضوع کی حساسیت کے پیشِ نظر اجلاس میں اپوزیشن اراکینِ اسمبلی کو بھی خصوصی طور پر مدعو کیا گیا ہے تاکہ مشترکہ مشاورت کے ذریعے قومی سطح پر جامع حکمتِ عملی تشکیل دی جا سکے۔ پاکستان کے مستقبل کو محفوظ بنانے کے لیے آبی وسائل کے تحفظ اور فوڈ سکیورٹی کے مسائل کا حل ناگزیر ہے۔
.ذریعہ: Nawaiwaqt
پڑھیں:
قومی اسمبلی: آبادی میں اضافہ کے سبب سالانہ فی کس پانی کی دستیابی میں کمی کا انکشاف
وزارت آبی وسائل کی پانی کی دستیابی میں کمی سے متعلق رپورٹ قومی اسمبلی میں پیش کردی گئی، جس میں آبادی میں اضافہ کے سبب سالانہ فی کس پانی کی دستیابی میں کمی کا انکشاف ہوا ہے۔
وزارت آبی وسائل کا کہنا ہے کہ 2017 سے 2023 تک آبادی میں چار کروڑ اضافہ، فی کس پانی دستیابی میں 154 کیوبک میٹر کمی ہوئی ہے، 2030 تک پاکستان کی آبادی 28 کروڑ 80 لاکھ تک پہنچنے کا امکان ہے۔
2030 میں سالانہ فی کس پانی کی دستیابی 795 کیوبک میٹر تک پہنچنے کا اندیشہ ہے، خیبر پختونخوا میں سالانہ فی کس پانی کی دستیابی کم ہو کر 679 کیوبک میٹر پر آگئی۔
وزارت آبی وسائل کا کہنا ہے کہ پنجاب میں سالانہ فی کس پانی کی دستیابی 760 کیوبک میٹر، سندھ میں 1169 کیوبک میٹر ریکارڈ کی گئی، بلوچستان میں پانی کے دستیاب وسائل فی کس 928 کیوبک میٹر رہ گئے۔
سال 2025 کا آج آخری سپر مون: پاکستان میں کب دیکھا جائے گا؟