دھرمیندر نے 5 کروڑ مالیت کی آبائی جائیداد بھتیجوں کے نام کیوں کی؟
اشاعت کی تاریخ: 4th, December 2025 GMT
بالی ووڈ کے معروف اداکار دھرمیندر جو حال ہی میں انتقال کر گئے ہیں اپنی عالمی شہرت کے باوجود پنجاب کی مٹی اور اپنے آبائی گاؤں ڈانگوں (ضلع لدھیانہ) سے گہرا رشتہ رکھتے تھے۔ بالی ووڈ کی مصروفیات اکثر انہیں وہاں جانے سے روکتی تھیں لیکن جب بھی ممکن ہوتا وہ اپنے گھر کا رخ ضرور کرتے تھے۔
اگرچہ دھرمیندر کئی دہائیاں پہلے ڈانگوں چھوڑ کر چلے گئے تھے، پہلے اپنے والد کی ملازمت کے تبادلوں کی وجہ سے اور بعد میں فلموں کے سلسلے میں۔ مگر ان کا خاندان اب بھی گاؤں میں موجود تھا جو زمین کی دیکھ بھال کرتا رہا۔
یہ بھی پڑھیں: دھرمندر کی وفات کے بعد سنی دیول اور بوبی دیول کروڑوں کی وراثتی زمین سے محروم
تقریباً دس سال قبل اپنی ایک آمد کے دوران انہوں نے باضابطہ طور پر 19 کنال 3 مرلے پر مشتمل آبائی جائیداد اپنے کزن منجیت سنگھ اور شنگارا سنگھ کے نام منتقل کی جو ان کی غیر موجودگی میں اس کی دیکھ بھال کر رہے تھے۔ موجودہ رپورٹس کے مطابق، زمین اور گھر کی مجموعی مالیت تقریباً 5 کروڑ روپے بنتی ہے۔
دھرمیندر کے بھتیجے بوٹا سنگھ دیول کے مطابق وہ 2015–16 میں گاؤں آئے تھے اور زمین ہمارے والد اور چچا کے نام کر دی چونکہ وہ ممبئی جا چکے تھے اور ہمارا خاندان ہی زمین کی دیکھ بھال کرتا رہا۔ انہوں نے کبھی ہمیں یا اپنی جڑوں کو نہیں بھلایا۔
یہ بھی پڑھیں: ’صحافیوں کو ذمہ داری کا احساس ہونا چاہیے‘، دھرمیندر کے انتقال کی خبر دینے والی اینکر تنقید کی زد میں
گاؤں سے ان کی وابستگی کا اندازہ اس بات سے بھی لگایا جا سکتا ہے کہ وہ 2019 میں اپنے بیٹے سنی دیول کی انتخابی مہم کے دوران آخری بار ڈانگوں آئے جہاں گاؤں کے لوگ ہمیشہ کی طرح ان کے استقبال کے لیے موجود تھے۔ دھرمیندر کے رشتے دار بھی وقتاً فوقتاً ممبئی آتے اور انہیں زمین کی صورتحال سے آگاہ کرتے رہتے تھے۔
مرحوم اداکار کے چھ بچے ہیں جن میں سنی دیول، بوبی دیول، ایشا دیول اور آہنا شامل ہیں۔ انہوں نے 1954 میں پرکاش کور سے شادی کی اور بعد ازاں 1980 میں اداکارہ ہیما مالنی سے شادی کی جس سے ان کی دو بیٹیاں ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایشا دیول بالی ووڈ بوبی دیول دھرمیندر دھرمیندر انتقال دھرمیندر جائیداد سنی دیول ہیما مالنی.
ذریعہ
ذریعہ: WE News
کلیدی لفظ: ایشا دیول بالی ووڈ بوبی دیول دھرمیندر انتقال سنی دیول ہیما مالنی سنی دیول
پڑھیں:
صدر زرداری کی اٹلی کے صدر ور عوام کو یومِ جمہوریہ پر مبارکباد
اسلام آباد (اُردو پوائنٹ اخبارتازہ ترین - این این آئی۔ 02 جون2026ء) صدر مملکت آصف علی زرداری نے اٹلی کے صدر سرجیو میتاریلا اور اٹلی کے عوام کو یومِ جمہوریہ پر مبارکباد دیتے ہوئے اس یقین کا اظہار کیا ہے کہ آنے والے برسوں میں پاکستان اور اٹلی کے درمیان دوطرفہ تعلقات مزید فروغ پائیں گے۔(جاری ہے)
منگل کو ایوانِ صدر کے پریس ونگ کے مطابق صدر مملکت نے اپنے تہنیتی پیغام میں کہا کہ پاکستان اٹلی کے ساتھ اپنے دیرینہ دوستانہ تعلقات کو انتہائی قدر کی نگاہ سے دیکھتا ہے جو کہ باہمی اعتماد، تعاون اور امن و خوشحالی کے لیے مشترکہ عزم پر مبنی ہیں۔
انہوں نے اس یقین کا اظہار کیا کہ آنے والے برسوں میں یہ دوطرفہ تعلقات مزید فروغ پائیں گے۔ صدر آصف علی زرداری نے کہا کہ پاکستان یورپی یونین کے ساتھ اپنے روابط کو بہت اہمیت دیتا ہے اور بین الاقوامی تعاون، مذاکرات اور امن و استحکام کے فروغ کے لیے یورپی یونین میں اٹلی کے تعمیری کردار کو انتہائی سراہتا ہے۔ انہوں نے باہمی دلچسپی کے شعبوں میں پاکستان اور یورپی یونین کے تعلقات کو مزید مستحکم کرنے کے لیے پاکستان کے عزم کا اعادہ کیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ