چیمپئنز ٹرافی میں ہائبرڈ ماڈل تسلیم کرنے پر محمد حفیظ کی پی سی بی پر شدید تنقید
اشاعت کی تاریخ: 11th, January 2025 GMT
کراچی:
سابق ٹیسٹ کپتان محمد حفیظ نے چیمپئنز ٹرافی میں ہائبرڈ ماڈل قبول کرنے پر پی سی بی کو سخت تنقید کا نشانہ بناتے ہوئے کہا ہے کہ بدقسمتی سے پی سی بی نے پہلے بھارتی کرکٹ ٹیم کے پاکستان آکر چئمپئینز ٹرافی میں شرکت نہ کرنے کے موقف کی مخالفت اور پھر بھارت کے میچز نیو ٹرل مقام پر کرانے کے فیصلے کو قبول کرلیا۔
نیشنل اسٹیڈیم کے ایچ پی سی اوول گراونڈ پر میڈیا سے گفتگو کرتے ہوئے سابق آل راؤنڈر نے کہا کہ ابتدا میں اپنائے جانے والے اصولی موقف پر پی سی بی قائم نہیں رہا، 19 فروری سے شروع ہونے والی چیمپئینز ٹرافی کے لیے بھارتی کرکٹ ٹیم کا پاکستان نہ آںا ایک کمی کی نشاندہی کرتا ہے جبکہ 1996 کے عالمی کپ کے بعد ایک طویل مدت تک پاکستان میں آئی سی سی کا ایونٹ نہ ہونا کئی سوال کھڑے کرتا ہے لیکن اب چیمپئینز ٹرافی کا منعقد ہونا خوش آئند ہے اور پاکستان کو اس کا مثبت پیغام دینا چاہیے۔
محمد حفیظ نے کہا کہ نوجوان بیٹر صائم ایوب پاکستان کر کٹ کا اثاثہ ہیں،انجریز کھیل کا حصہ ہوتی ہیں، تاہم صائم ایوب کے معاملہ کی درست انداز میں دیکھ بھال کی جائے، قوی امید ہے کہ کہ صائم ایوب جلد فٹ ہوجائیں گے اور چیمپئینز ٹرافی کے لیے پاکستان کرکٹ ٹیم کو دستیاب ہوں گے۔
انہوں نے کہا کہ اگلے دس سے پندرہ برس تک صائم ایوب کی پاکستان کرکٹ کو خدمات میسر آ سکتی ہیں، محمد حفیظ نے سینیئر بیٹر فخر زمان کی پاکستان کرکٹ ٹیم میں واپسی کے لیے امیدں لگالیں اور کہاکہ آئی سی سی کے میگا ایونٹ کے لیے اگر قومی ٹیم میں فخر زماں کی واپسی ہوئی تو یہ پاکستان کے لیے اچھا شگون ہوگا۔
پریزیڈنٹ کپ میں دفاعی چیمپئین ایس این جی پی ایل کے کوچ کی زمہ داری ادا کرنے والے محمد حفیظ نے کہا کہ ڈومیسٹک کرکٹ کی بہت اہمیت ہے، فرسٹ کلاس کرکٹ سے پلیئرز نکال کر اسٹرائیکر کیمپ میں بھیجا جارہا ہے،اس کیمپ کا حصہ بننے والے کرکٹرز کو پی ایس ایل میں بھی جگہ نہیں ملنی چاہیے جبکہ ایسا کیمپ سیزن میں نہیں ہونا چاہیے۔
محمد حفیظ نے جاری فرسٹ کلاس ایونٹ پریزیڈینٹ کپ میں سہولیات میسر نہ آنے پرافسوس کا اظہار کرتے ہوئے کہا کہ ایچ پی سی اوول گراؤنڈ ،نیشنل اسٹیڈیم پر ٹیموں کے لیے سہولیات کا فقدان رہا، پینے کا مناسب پانی نہ ملا، کھلاڑیوں کے لیے ڈریسنگ روم نہیں تھا جبکہ واش روم کی بنیادی سہولت غیر معیاری تھی، پی سی بی کی تمامتر توجہ چیمپیئنز کپ کو ایک کامیاب ایونٹ بنانے پر توجہ مرکوز تھی، وہ اپنی ترجیحات پر توجہ دے۔
.ذریعہ: Express News
کلیدی لفظ: محمد حفیظ نے صائم ایوب نے کہا کہ کرکٹ ٹیم پی سی بی کے لیے
پڑھیں:
پاکستان کی سفارتی کامیابیاں دنیا تسلیم کرتی ہے، عطاء اللہ تارڑ
اسلام آباد (نیوز ڈیسک) وفاقی وزیر اطلاعات عطاء اللہ تارڑ نے ”پاکستان کی سفارتی کامیابیاں“ کے موضوع پر سیمینار سے خطاب کرتے ہوئے کہا کہ پاکستان کی سفارتی کامیابیوں کو دنیا بھر میں تسلیم کیا جا رہا ہے۔ انہوں نے کہا کہ کوشش اور محنت سے ہم نے سفارتی محاذ پر نمایاں کامیابیاں حاصل کی ہیں، اور اس میدان میں خدمات انجام دینے والے تمام افسران قوم کا فخر ہیں۔
عطاء اللہ تارڑ نے کہا کہ پاکستان کی فارن سروس دنیا کی بہترین سروسز میں شمار ہوتی ہے، جس کی عظیم روایات ہمیں ورثے میں ملی ہیں۔ انہوں نے کہا کہ سفارت کاری محض ایک پیشہ نہیں بلکہ ایک فن ہے جو تجربے، صبر اور محنت سے پروان چڑھتا ہے۔ “مجھے فخر ہے کہ ہماری فارن سروس نے ہمیشہ پاکستان کا نام عالمی سطح پر بلند کیا”، وزیر اطلاعات نے کہا۔
انہوں نے اس موقع پر پاکستان کی دہشت گردی کے خلاف قربانیوں کا ذکر کرتے ہوئے کہا کہ دہشت گردی کی جنگ میں سب سے زیادہ نقصان پاکستان نے اٹھایا ہے، مگر اس کے باوجود ملک پر دہشت گردی کو فروغ دینے کے الزامات لگائے گئے۔ عطاء اللہ تارڑ نے کہا کہ پہلگام واقعہ کے فوراً بعد بھارت نے بلا جواز پاکستان پر الزام تراشی کی، حالانکہ پاکستان خود دہشت گردی کا سب سے بڑا شکار ہے۔
وزیر اطلاعات نے کہا کہ دوست ممالک نے پاکستان کے مؤقف کی تائید کی اور سفارتی کوششوں کے نتیجے میں پوری دنیا سے ہمیں بھرپور حمایت حاصل ہوئی۔ انہوں نے بتایا کہ وزیراعظم نے بھارت کو پہلگام واقعہ کی آزادانہ تحقیقات کی پیشکش بھی کی۔
عطاء اللہ تارڑ نے کہا کہ فیلڈ مارشل سید عاصم منیر کی قیادت میں پاکستان نے اپنے سے چار گنا بڑی طاقت کو شکست دی، اور ہماری مسلح افواج نے دشمن کی جارحیت کا منہ توڑ جواب دیا۔ انہوں نے کہا کہ پاک فضائیہ کا کردار معرکہ حق میں سنہری حروف سے لکھا جائے گا۔
وزیر اطلاعات نے انکشاف کیا کہ ہماری کوسٹ گارڈ نے بھارت کے لیے جاسوسی کرنے والے ایک ملاح کو گرفتار کیا جس نے بھارتی ایجنسیوں کے ہاتھوں استعمال ہونے کی پوری کہانی دنیا کے سامنے بیان کی۔ عطاء اللہ تارڑ نے کہا کہ بھارت ہمیشہ کی طرح پاکستان کے خلاف سازشوں میں مصروف ہے، لیکن قوم متحد ہے اور کسی بھی جارحیت کا بھرپور جواب دینے کی صلاحیت رکھتی ہے۔
صدر ٹرمپ کا دورہ جاپان، سرمایہ کاری کے بجائے صحت موضوعِ بحث بن گئی