گورنرز سمٹ: سیاست نہیں ریاست ترجیح، قیدی کو سمجھانے اڈیالہ جانے کو تیار ہوں: کامران ٹیسوری
اشاعت کی تاریخ: 12th, January 2025 GMT
کراچی (بیورو رپورٹ + نوائے وقت رپورٹ) گورنر ہاؤس کراچی میں تاریخ کے پہلے گورنرز سمٹ اجلاس کا انعقاد کیا گیا۔ پنجاب‘ خیبر پی کے‘ بلوچستان اور گلگت کے گورنرز نے شرکت کی۔ گورنر سندھ کامران ٹیسوری نے خطاب کرتے کہا کہ ملکی مفاد پر سب متحد ہیں۔ سیاست نہیں ریاست ہماری اولین ترجیح ہے۔ تمام گورنرز کی موجودگی دلیل ہے کہ ریاست پہلے اور سیاست بعد میں ہے، گورنر وفاق کے نمائندے ہیں، وفاق اور صوبوں میں ہم آہنگی ضروری ہے۔ آئین عوام کیلئے ہے، اختیارات عوامی ضرورت کیلئے استعمال کر رہے ہیں۔ کچھ نکات پر اتفاق رائے ہے جو صدر اور وزیراعظم کو پیش کریں گے۔ معاشی استحکام میں گورنرز اپنا کردار ادا کریں گے۔ پاکستان کو معاشی استحکام کی ضرورت ہے۔ مختلف سیاسی جماعتوں سے ملاقات کر کے ہم آہنگی قائم کریں گے۔ گورنر سندھ نے کہا کہ اگر کسی کو سمجھانے کیلئے اڈیالہ جیل جانا پڑا تو ملک کی خاطر جائوں گا۔ جو اڈیالہ جیل میں قید ہے اس کیلئے بھی کردار ادا کرنے کو تیار ہوں۔ اڈیالہ جیل کا قیدی جو کر رہا ہے اسے معلوم ہونا چاہئے کہ اس سے ملک کا نقصان ہو رہا ہے، ہم پانچوں گورنرز کا اڈیالہ جیل جانے کا ارادہ نہیں کسی کو سمجھانے کیلئے اڈیالہ جانا پڑا تو ملک کیلئے جائیں گے۔ گورنر خیبر پی کے فیصل کریم کنڈی نے سمٹ سے خطاب کرتے کہا کہ وفاق اور صوبے کے درمیان پل کا کردار ادا کرنا چاہتے ہیں۔ یقینی بنائیں گے جو ذمے داری ملے اسے پورا کریں۔ آئین کے تحت جہاں ہماری ضرورت ہو گی جائیں گے۔ گورنر پنجاب سردار سلیم حیدر نے کہا کہ کانفرنسز چلتی رہیں تو گورنرز سندھ کا نام تاریخ میں رہے گا۔ گورنر سندھ تمام گورنرز سے بازی لے گئے ہیں۔ الیکشن کے وقت ملک مشکلات کا شکار تھا آج استحکام ہے۔ آئین اور قانون کے تحت جو اختیارات ہیں وہ کسی کو نہیں دیں گے۔ گورنر بلوچستان جعفر مندو خیل نے کہا کہ گورنر صوبوں اور وفاق کے درمیان اہم کردار ادا کر سکتے ہیں۔ گورنر آرام سے نہ بیٹھیں اپنی ذمے داری ادا کریں۔ گورنر گلگت بلتستان مہدی شاہ نے کہا کہ گورنر سندھ آگے بڑھیں ہم ان کے ساتھ ہیں۔ جی بی میں بہت مسائل ہیں اس کانفرنس سے مسائل حل کرنے میں مدد ملے گی۔ گورنر سندھ کامران خان ٹیسوری کی زیر صدارت گورنر ہائو س میں تاریخ ساز پہلی گورنرز سمٹ کا انعقاد کیا گیا۔ گورنرز سمٹ میں ملکی حالات پر تفصیلی تبادلہ خیال کیا گیا اور طویل مشاورت ہوئی۔
.ذریعہ: Nawaiwaqt
کلیدی لفظ: گورنرز سمٹ گورنر سندھ اڈیالہ جیل نے کہا کہ
پڑھیں:
بانی نے کہا سلیمان، قاسم میری اولاد ہیں، باپ کیلئے آواز اٹھانا انکا حق ہے، علیمہ خان
فائل فوٹو۔بانی پاکستان تحریک انصاف (پی ٹی آئی) کی ہمشیرہ علیمہ خان نے کہا کہ آج توشہ خانہ ٹو کیس کی سماعت اڈیالہ جیل میں تھی، صرف دو وکلا کو جیل کےاندر جانے کی اجازت دی گئی۔
بانی پی ٹی آئی کی ہمشیرہ نے بتایا کہ بانی نے کہا سلیمان اور قاسم میری اولاد ہیں، باپ کےلیے آواز اٹھائیں تو ان کا حق ہے۔
راولپنڈی میں اڈیالہ جیل کے باہر گفتگو کرتے ہوئے علیمہ خان نے کہا کہ ہم ساڑھے چار گھنٹے تک اڈیالہ جیل کے دروازے پر انتظار کرتے رہے۔
علیمہ خان نے کہا کہ بانی نے کہا ہے انھیں 22 گھنٹے تک سیل میں رکھا جا رہا ہے، ان کا اخبار، کتابیں اور ٹی وی بند کر دیے گئے ہیں۔
علیمہ خان کے مطابق بانی نے اپنے وکیل کو بتایا کہ انھیں آج ایک کتاب فراہم کی گئی ہے، ان کے ساتھ غیر انسانی سلوک کیا جا رہا ہے۔
انھوں نے کہا کہ بانی نے علی امین، بیرسٹر گوہر اور سلمان اکرم راجہ کو بھرپور تحریک چلانے کی ہدایت کی۔
اسحاق ڈار کی آسٹریلیا کی وزیرِ خارجہ سے ملاقات, اعلیٰ سطحی سیاسی روابط بڑھانے پر اتفاق