عثمان بزدار کے اپنے ہی ضلع ڈیرہ غازی خان میں بڑی مالی بے ضابطگی سامنے آگئی
اشاعت کی تاریخ: 12th, January 2025 GMT
پاکستان تحریک انصاف (پی ٹی آئی) کے دور حکومت میں سابق وزیر اعلیٰ پنجاب سردار عثمان بزدار کے اپنے ہی ضلع ڈی غازی خان ( ڈی جی خان) میں بڑی مالی بے ضابطگی سامنے آئی ہے، جس کی رپورٹ پنجاب اسمبلی میں پیش کردی گئی۔
مالی بے ضابطگی کی آڈٹ رپورٹ پنجاب اسمبلی کی پبلک اکاؤنٹس کمیٹی کو بھجوا دی گئی ہے۔
ذرائع کے مطابق رپورٹ میں کہا گیا ہے کہ عثمان بزدار کے دور اقتدار میں ضلع ڈی جی خان میں سرکاری اسکولوں میں سرکاری فنڈز غیر قانونی طور پر خرچ کیے گئے۔
رپورٹ کے مطابق عثمان بزدار کی وزارت اعلیٰ میں ڈی جی خان میں سرکاری اسکولوں کے فنڈ کی سرکاری رقم خرچ کرنے کی باضابطہ منظوری ہی نہیں لی گئی، ڈی جی خان کے سرکاری اسکولوں میں رقم کی محکمانہ طور پر معائنہ کرنے کی تصدیق نہیں ہو سکی۔
2020-21 میں ڈسٹرکٹ ایجوکیشن اتھارٹی ڈی جی خان نے فرنیچر اور دیگر اشیا کی خریداری کے لیے 99 ملین روپے خرچ کیے تھے، تاہم فرنیچر اور دیگر اشیا کی ضرورت کی کسی بھی سطح پر تصدیق نہیں ہوسکی۔
آڈٹ ڈپارٹمنٹ کی مالی بے ضابطگی کی نشان دہی پر ڈسٹرکٹ اتھارٹی ڈی جی خان کی طرف سے کوئی جواب نہیں دیا گیا ہے۔
واضح رہے کہ سابق وزیراعلیٰ پنجاب عثمان بزدار کو بانی پاکستان تحریک انصاف (پی ٹی آئی) عمران خان نے وزیراعلیٰ پنجاب بنایا تھا۔
تاہم رہنما عثمان بزدار نے 9 مئی 2023 کے سانحے کے بعد سیاست سے دسبتردار ہونے کا اعلان کردیا تھا۔
لاہور میں پریس کانفرنس کرتے ہوئے سابق وزیراعلیٰ پنجاب عثمان بزدار نے کہا تھا کہ ملک کی صورتحال کو مدنظر رکھتے ہوئے ہم نے ہمیشہ بہتری کی سیاست کی، اور اس کی حوصلہ افزائی کی ہے، لیکن موجودہ سیاسی صورتحال کے پیش نظر میں نے ساست سے دستبردار ہونے کا فیصلہ کیا ہے۔
.ذریعہ: Daily Mumtaz
کلیدی لفظ: مالی بے ضابطگی ڈی جی خان
پڑھیں:
پاک فوج کے غازی کیپٹن ارشاد نے محاذ جنگ پر بہادری اور غیرمتزلزل عزم کی مثال قائم کردی
جنوبی وزیرستان کے مشکل ترین محاذ تِیرہ راجگال میں دہشتگردوں کے خلاف کارروائی کے دوران پاک فوج کے بہادر افسر کیپٹن ارشاد نے ایک ایسی مثال قائم کی جسے سن کر ہر پاکستانی کا سر فخر سے بلند ہو جاتا ہے۔
کارروائی میں شریک جوانوں کے مطابق آپریشن کے دوران دشمن کی پوزیشن کے قریب پہنچتے ہوئے کیپٹن ارشاد نے خود آگے بڑھنے کا فیصلہ کیا۔ ان کے ساتھیوں نے بتایا کہ انہوں نے پوری جرات سے اعلان کیا کہ وہ دشمن کو پیچھے دھکیلنے کے لیے سب سے آگے جائیں گے، اور پھر شدید فائرنگ کے باوجود وہ تنِ تنہا دشمن کے مورچے کی طرف بڑھے اور بھرپور جوابی کارروائی کی۔
یہ بھی پڑھیں: ایسے طیارے کے اغوا کی داستان جس نے پاکستان کو ہلاکر رکھ دیا
ساتھی جوانوں کے مطابق دشمن سے جھڑپ کے بعد واپسی کے دوران کیپٹن ارشاد کا قدم اینٹی پرسنل بارودی سرنگ پر آ گیا۔ دھماکے نے لمحوں میں منظر بدل دیا، مٹی کا گہرا غبار اٹھا، اور کیپٹن ارشاد شدید زخمی حالت میں زمین پر گرے۔ دھماکے سے ان کا آدھا پاؤں کٹ گیا جبکہ انگلیاں ان کے جوتے میں اٹک گئیں۔
جوانوں کا کہنا ہے کہ جب انہیں نیچے منتقل کیا جا رہا تھا تو حالت نازک تھی، مگر ان کے چہرے پر خوف یا کمزوری کا کوئی اثر نہیں تھا۔ زخمی ہونے کے باوجود وہ مسلسل اپنے ساتھیوں کا حوصلہ بلند کرتے رہے اور یہی کہتے رہے کہ دشمن کو پیچھے کرنا ہے۔
آپریشن کے دوران دشمن کی متعدد پناہ گاہیں تباہ کی گئیں جبکہ چار جوان وطن کی خاطر شہید ہوئے۔ کیپٹن ارشاد اس وقت صحتیاب ہو رہے ہیں اور ان کا کہنا ہے کہ وہ جلد دوبارہ کھڑے ہونے کی پوری کوشش کر رہے ہیں تاکہ وطن کی خدمت جاری رکھ سکیں۔
یہ بھی پڑھیں: میران شاہ میں جھڑپ: پاک فوج کے 3 بہادر جوان شہید ، 3 دہشت گرد ہلاک
کیپٹن ارشاد کے سینیئر آفیسر میجر حسیب رضا نے ان کی جرات کو خراجِ تحسین پیش کرتے ہوئے بتایا کہ وہ یونٹ کے سب سے نڈر، فرض شناس اور بہادر آفیسرز میں شمار ہوتے ہیں۔ ان کے بقول انتہائی کٹھن حالات میں بھی کیپٹن ارشاد نے کبھی پیچھے ہٹنے کا تصور نہیں کیا اور ہمیشہ مورچے کی پہلی لائن میں کھڑے رہے۔
کیپٹن ارشاد کی قربانی صرف ایک زخمی پاؤں کی نہیں، یہ اس جذبے کی علامت ہے جس کے سہارے پاک فوج کے جوان وطن کی سرحدوں کا دفاع کرتے ہیں۔
کیپٹن ارشاد کا نام اب ان ہیروز کی فہرست میں شامل ہو گیا ہے جنہوں نے اپنی جان، اپنا خون، اپنا وجود اس خاکِ وطن پر نچھاور کر دیا۔
یہ بھی پڑھیں: سیکیورٹی فورسز کی پکتیکا میں کارروائی، خارجی گل بہادر کے رشتہ دار سمیت 70 سے زیادہ دہشتگرد ہلاک
کیپٹن ارشاد نے کہا کہ وہ پہلے سے بہت بہتر ہیں اور پوری لگن کے ساتھ دوبارہ اپنے قدموں پر کھڑا ہونے کے لیے کوشش کر رہے ہیں۔ ان کا کہنا تھا کہ میری خواہش ہے کہ جلد دوبارہ ملک کی خدمت کے لیے میدان میں کھڑا ہوں۔
راجگال کے اس محاذ پر کیپٹن ارشاد کی قربانی اور بہادری پاک فوج کے اس جذبے کی زندہ مثال ہے جس کی بدولت وطن دشمنوں کے مذموم عزائم بار بار ناکام ہوتے رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ضمنی انتخابات کے دوران ڈیوٹی، پاک فوج، سول آرمڈ فورسز کیلئے ضابطہ اخلاق جاری