مرید کے میں مظاہرین کی فائرنگ سے شہید ہونے والے ایس ایچ او سرکاری اعزاز کے ساتھ سپرد خاک
اشاعت کی تاریخ: 14th, October 2025 GMT
مرید کے میں مظاہرین کے تشدد اور فائرنگ سے جاں بحق ہونے والے ایس ایچ او کی نماز جنازہ ادا کردی گئی۔
ترجمان پنجاب پولیس کے مطابق شہید انسپکٹر شہزاد نواز کی نمازجنازہ پولیس لائنز شیخوپورہ میں ادا کر دی گئی، جس میں آئی جی پنجاب ڈاکٹر عثمان انور، آر پی او شیخوپورہ اطہر اسماعیل، ڈی پی او بلال ظفر شیخ، ڈپٹی کمشنر شاہد عمران مارتھ نے شرکت کی۔
اس کے علاوہ اراکین صوبائی و قومی اسمبلی، وکلا برادری، سیاسی وسماجی شخصیات سمیت تمام شعبہ ہائے زندگی سے تعلق رکھنے والے افراد کی بڑی تعداد نماز جنازے میں شرکت کی۔
پولیس کے چاق و چوبند دستے نے شہید انسپکٹر شہزاد نواز کے جسد خاکی کو سلامی پیش کی جبکہ آئی جی پنجاب نے شہید کے جسد خاکی پر پھول چڑھائے، روح کے ایصال ثواب کیلئے فاتح خوانی کی۔
آئی جی پنجاب نے شہید انسپکٹر شہزاد نواز کے والد اور بھائی سے ملاقات کی اور شہید کی عظیم قربانیوں کو خراج عقیدت پیش کیا۔
شہید انسپکٹر کو انکے آبائی گاؤں اوگند میں سینکڑوں سوگواروں کی موجودگی میں سرکاری اعزاز کے ساتھ سپرد خاک کردیا گیا۔
.ذریعہ: Express News
کلیدی لفظ: شہید انسپکٹر
پڑھیں:
غزہ میں خونریزی جاری، اسرائیلی فوج کی فائرنگ سے 4 فلسطینی شہید
غزہ میں اسرائیلی فوج کی فائرنگ کے نتیجے میں ایک اور 4 فلسطینی شہید ہو گئے، حالانکہ عالمی برادری کی جانب سے جنگ بندی پر زور دیا جا رہا ہے۔
عرب میڈیا کے مطابق، 10 اکتوبر کے غزہ امن معاہدے کے بعد اسرائیل نے اب تک 500 سے زائد بار جنگ بندی کی خلاف ورزی کی، جس کے نتیجے میں 300 سے زیادہ فلسطینی جان سے گئے۔
اقوام متحدہ کی امدادی تنظیم UNRWA نے غزہ کی صورتحال کو انتہائی سنگین قرار دیتے ہوئے بتایا کہ علاقے کی 90 فیصد سے زائد آبادی امداد پر منحصر ہے اور اکثر لوگوں کو دن میں صرف ایک بار کھانا مل پاتا ہے۔
ادھر، امریکی حمایت یافتہ متنازعہ امدادی تنظیم “غزہ ہیومنٹیرین فاؤنڈیشن” نے بھی علاقے میں اپنے آپریشن روکنے کا اعلان کیا، کیونکہ تنظیم کے مراکز پر امداد کی تقسیم کے دوران اسرائیلی حملوں میں سیکڑوں فلسطینی متاثر ہوئے تھے۔
حکومتی اعتراض مسترد، پی ٹی آئی کا اپوزیشن لیڈر کیلئے محمود اچکزئی کا نام برقرار رکھنے کا فیصلہ