سندھ بلڈنگ ، گلشن اقبال میں غیر قانونی تعمیرات کا قبرستان
اشاعت کی تاریخ: 15th, October 2025 GMT
تین منزلہ عمارتیں ،پانچ منزلہ عمارتوں میں تبدیل،نوٹسز دیواروں پر کارروائی کے منتظر
ڈائریکٹر نیاز لغاری کی بلاک 13پلاٹ ایل 22/2پر کمرشل تعمیرات سے چشم پوشی
یہ کوئی ہاؤسنگ اسکیم نہیں، بلکہ ایک ’’غیر قانونی تعمیرات کا عجوبہ‘‘ ہے، جسے ہم گلشن اقبال کا نام دیتے ہیں۔ یہاں ہر گلی میں ہر عمارت اپنے ساتھ ایک سوال لے کر کھڑی ہے ۔کیا کراچی میں تعمیراتی قوانین کی کوئی اہمیت ہیں؟علاقے کی بیشتر عمارتیں اپنی زبان میں بولتی ہیں، وہ عمارت جو تین منزلہ ہونے کی منظوری رکھتی تھی، اب پانچ منزلہ ہو چکی ہے ،وہ پارکنگ جو گاڑیوں کے لیے تھی، اب ’’پلاسٹک کی دکان‘‘ بن چکی ہے وہ پارک جو بچوں کی مسکراہٹوں کے لیے تھا، اب ’’سیمنٹ کا جنگل‘‘بن گیا ہے ۔عابدہ پروین، جو تیس سال سے یہاں رہ رہی ہیں، کہتی ہیں’’پہلے ہم اپنے بچوں کو پارک میں کھیلنے بھیجتے تھے ،اب تو ہم انکے گھر سے باہر نکلنے سے ڈرتے ہیں۔ ہر طرف تعمیراتی مواد ہے ، ہر طرف خطرہ ہے ۔ڈائریکٹر نیاز لغاری نے بلاک 13رہائشی پلاٹ نمبر 22/2پر کمرشل تعمیرات سے دانستہ چشم پوشی اختیار کر رکھی ہے ۔شہری حکومت کے پاس ہر شکایت کا ایک ہی جواب ہے ’’ہم نے نوٹس جاری کر دیا ہے ‘‘۔ہم نے کارروائی کا عمل شروع کر دیا ہے ۔’’ہم قانون کے مطابق کام کریں گے ‘‘مگر زمینی حقیقت یہ ہے کہ نوٹس دیواروں پر لگے ہیں، کارروائی فائلوں میں بند ہے اور قانون صرف کاغذوں تک محدود ہے۔ شہری حقوق کے ایک کارکن تجاویز دیتے ہیں۔ 1۔فوری طور پر تمام نئی تعمیرات پر پابندی عائد کی جائے 2 ۔موجودہ خلاف ورزیوں کی خودکار ڈیٹا بیس بنایا جائے ۔3 ۔حکام کی ذمہ داری طے کی جائے ۔4 ۔شہریوں کو بااختیار بنایا جائے ۔ گلشن اقبال محض ایک علاقہ نہیں، بلکہ پورے کراچی کا آئینہ ہے ۔ اگر ہم نے ابھی آنکھیں نہ کھولیں، تو کل ہمارے پاس کھونے کے لیے ’’شہر‘‘ہی نہیں بچے گا۔یہ رپورٹ ہماری آنکھیں کھولنے کے لیے ہے ۔کیا یہ ہمارے سوئے ہوئے ضمیر کو جگا پائے گی؟
.
ذریعہ
ذریعہ: Juraat
کلیدی لفظ: کے لیے
پڑھیں:
ٹک ٹاکر حکیم بابر کیس میں ملزمان کا موقف بھی سامنے آگیا
سیالکوٹ(نیوز ڈیسک) ٹک ٹاکر حکیم بابر سے متعلق مبینہ زہر خوری کیس میں نامزد ملزم صفدر کے بھائی ملک سلیم کھوکھر کا ویڈیو بیان منظر عام پر آگیا جس میں انہوں نے تمام الزامات کو مسترد کر دیا ہے۔
ویڈیو بیان میں ملک سلیم کھوکھر نے دعویٰ کیا کہ محمد افضل عرف حکیم بابر نے سوشل میڈیا پر ویوز حاصل کرنے کیلئے خود کو زہر خورانی کا شکار ظاہر کرنے کا ڈرامہ رچایا، اسپتال کی رپورٹ میں بھی یہ بات سامنے آئی ہے کہ حکیم بابر کو کسی قسم کا زہر نہیں دیا گیا۔
انہوں نے کہا کہ حکیم بابر نشے کے عادی ہیں اور کسی مبینہ اوور ڈوز کے واقعے کو ان کے خاندان پر ڈالنے کی کوشش کی جا رہی ہے، ان کے خاندان کا حکیم بابر کے ساتھ کسی قسم کا کوئی ذاتی تنازع یا دشمنی موجود نہیں۔
ملک سلیم کھوکھر انکشاف کیا کہ حکیم بابر کا اصل نام افضل ہے اور وہ کوئی مستند حکیم نہیں بلکہ تعلیمی طور پر بھی میٹرک پاس نہیں ہیں، جھوٹے مقدمے کی وجہ سے میرا خاندان شدید ذہنی دباؤ اور پریشانی کا شکار ہے۔
انہوں نے مزید کہا کہ رات کے وقت پولیس کی جانب سے دو بار گھر پر چھاپے مارے گئے، کو ہراساں مت کیا جائے۔
انہوں نے ڈی پی او سیالکوٹ اور آئی جی پنجاب سے اپیل کی کہ کیس کی شفاف اور میرٹ پر انکوائری کی جائے اور حقائق کی روشنی میں فیصلہ کیا جائے۔
مزید پڑھیں۔مشرق وسطیٰ کی صورتحال، خام تیل کی قیمتوں میں 2 فیصد اضافہ
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ