سندھ بلڈنگ،وسطی کے رہائشی علاقوں کی تنگ گلیوں میں غیر قانونی تعمیرات
اشاعت کی تاریخ: 13th, October 2025 GMT
ڈپٹی ڈائریکٹر عمران رضوی کی ملی بھگت نے شہری مسائل کو سنگین بنادیا،متعلقہ محکمے خاموش
لیاقت آباد کی رہائشی گلیوں میں ، 8/539، ،9/183، پر خلاف ضابطہ کمرشل تعمیرات
وسطی کے رہائشی علاقوں کی تنگ گلیوں میں رہائشی پلاٹوں کو غیرقانونی طور پر کمرشل پورشن یونٹس میں تبدیل کرنے کا غیرقانونی سلسلہ تواتر سے جاری ہے ۔اس خلاف ضابطہ عمل نے نہ صرف علاقے کے رہائشی ماحول کو تباہ کر دیا ہے بلکہ ٹریفک جام، آلودگی اور بنیادی سہولیات کی کمی جیسے سنگین مسائل میں خاطر خواہ اضافہ کر دیا ہے ۔ زیادہ تشویشناک بات یہ ہے کہ اس سب کے پیچھے محکمانہ غفلت نہیں بلکہ انتظامیہ کی ملی بھگت کے گہرے شبہات ہیں ۔مقامی رہائشی اور کاروباری افراد اس بات پر متفق ہیں کہ یہ غیرقانونی کام بغیر ’’سرپرستی‘‘ کے ممکن نہیں۔جرأت سروے ٹیم سے بات کرتے ہوئے ایک مقامی رہائشی، ثناء اللہ کا کہنا ہے ، ’’ہم نے کئی بار سندھ بلڈنگ کنٹرول اتھارٹی میں شکایتیں درج کروائیں۔ ایک دو بار تو ٹیمیں آئیں بھی، انہوں نے کچھ توڑ پھوڑ بھی کی، مگر اگلے ہی دن سب کچھ دوبارہ ویسے کا ویسا ہو چکا ہوتا ہے ۔یہ محض شوٹنگ ہے عوام کو بیوقوف بنانے کے لیے ‘‘۔مقامی ذرائع کے مطابق، مختلف بلاکس کے لیے مخصوص اہلکاروں اور ایجنٹوں کا ایک نیٹ ورک موجود ہے جو ان غیرقانونی سرگرمیوں کو ’’کنٹرول‘‘ کرتا ہے ۔ نئے کمرشل یونٹس کے لیے ’’ایک ساتھ بیٹھ کر حل‘‘ نکالا جاتا ان حالات میں عام شہری بے بس اور مجبور ہیں۔لیاقت آباد نمبر 9کے ایک رہائشی عمران شیخ کا کہنا ہے ۔ ’’اب ان ڈیزائنر بوٹیک، کپڑوں کی فیکٹریوں اور چھوٹے شو رومز کی وجہ سے تو پیدل چلنا بھی مشکل ہو گیا ہے‘‘ ۔پانی کی لائنیں دب گئی ہیں، سیوریج کا نظام ان اضافی دباؤ کو برداشت نہیں کر پا رہا، گلیوں میں کوڑے کے ڈھیر لگے رہتے ہیں کیونکہ کمرشل کوڑا کرکٹ رہائشی کوڑے سے کہیں زیادہ ہوتا ہے ۔رات گئے تک چلنے والے جنریٹرز نے علاقے کے پرامن رہائشی ماحول کو تجارتی بازار میں بدل دیا ہے ۔زمینی حقائق کے مطابق اسوقت بھی ڈپٹی ڈائریکٹر عمران رضوی کی ملی بھگت سے لیاقت آباد پلاٹ 8/539 اور 9/183 پر دھڑلے سے ہو رہی ہیں ۔رہائشی پلاٹوں پر غیر قانونی تعمیرات پر سندھ بلڈنگ کنٹرول اتھارٹی کے ترجمان نے باقاعدہ طور پر ایک بیان جاری کرتے ہوئے کہا ہے کہ ’’خلاف ورزیوں کے خلاف قانونی کارروائی جاری ہے اور ہم عوام کے مسائل کو سنجیدگی سے لے رہے ہیں‘‘۔تاہم، زمینی حقائق بیانات کی نفی کرتے ہیں۔مقامی باشندے اب ایک جامع اور شفاف کارروائی کا مطالبہ کر رہے ہیں۔ ان کا کہنا ہے کہ محض معمولی توڑ پھوڑ سے کام نہیں چلے گا۔ ان کا مطالبہ ہے ۔1۔سب سے پہلے ان اہلکاروں کے خلاف تحقیقات کی جائیں جو ان غیرقانونی کاموں میں ملوث ہیں۔2 ۔تمام نئی اور پرانی غیرقانونی کمرشل تعمیرات کو بلا امتیاز مسمار کیا جائے ۔3 ۔رہائشی علاقوں میں کمرشل سرگرمیوں پر مکمل پابندی عائد کی جائے ۔
ذریعہ: Juraat
کلیدی لفظ: گلیوں میں
پڑھیں:
پشاور: رکشے پر فائرنگ سے مقامی اسٹیج ڈانسر جاں بحق
پشاور میں نامعلوم افراد نے رکشے پر فائرنگ کر کے اس میں سوار مقامی ڈانسر کو قتل کر دیا، جبکہ ان کا بھائی معجزانہ طور پر محفوظ رہا۔
پشاور پولیس نے فائرنگ کے واقعے میں مقامی ڈانسر کی ہلاکت کی تصدیق کرتے ہوئے بتایا کہ مقتولہ کی شناخت مبینہ شاہد کے نام سے ہوئی ہے، جو صوابی سے تعلق رکھتی تھیں اور پشاور کے علاقے خواجہ ٹاؤن میں مقیم تھیں۔
یہ بھی پڑھیں: نوشہرہ، نماز کے لیے نہ اٹھنے پر بھائی نے فائرنگ کرکے بہن کو قتل کردیا
پولیس ترجمان کے مطابق واقعہ تھانہ میچنی گیٹ کی حدود میں ورسک روڈ پر پیش آیا، جہاں فائرنگ کے نتیجے میں خاتون موقع پر جاں بحق جبکہ رکشہ ڈرائیور زخمی ہوگیا۔
ابتدائی معلومات اور عینی شاہدین کے مطابق مقامی ڈانسر اپنے بھائی کے ساتھ خواجہ ٹاؤن سے رکشے میں جارہی تھیں کہ ورسک روڈ پر موٹر سائیکل سوار 3 ملزمان نے ان پر فائرنگ کر دی، فائرنگ کے بعد حملہ آور موقع سے فرار ہونے میں کامیاب ہو گئے۔
پولیس کے مطابق 25 سالہ ڈانسر کو متعدد گولیاں لگیں، جس سے وہ موقع پر ہی جاں بحق ہو گئیں۔ واقعے کی اطلاع ملتے ہی تھانہ میچنی گیٹ کی ٹیم موقع پر پہنچی اور لاش کو پوسٹ مارٹم کے لیے اسپتال منتقل کردیا گیا۔
یہ بھی پڑھیں: پشاور میں پارٹی ڈانسر کا لرزہ خیز قتل، پولیس ملزم تک کیسے پہنچی؟
پولیس کے مطابق مقتولہ کے بھائی احمد فراز کی مدعیت میں مقدمہ درج کر لیا گیا ہے، انہوں نے اپنے ابتدائی بیان میں بتایا کہ ان کی بہن ڈانس پارٹیوں میں رقص کرتی تھیں، جس پر گھر والے ناخوش تھے اور انہیں بارہا منع بھی کیا گیا تھا۔
پولیس نے جائے وقوعہ سے شواہد اکٹھے کر لیے ہیں اور ملزمان کی گرفتاری کے لیے چھاپے مارنے کا سلسلہ جاری ہے۔ تاہم آخری اطلاعات تک کوئی گرفتاری عمل میں نہیں آسکی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پشاور پولیس تھانہ میچنی گیٹ خیبرپختونخوا ڈانسر رکشہ فائرنگ
جڑواں شہروں میں پلاسٹک آلودگی انسانی صحت کے لئے بڑا چیلنج بن گئی