غیر قانونی واٹر ہائیڈرنٹس کیخلاف رینجرز اور واٹر بورڈ کا مشرکہ آپریشن
اشاعت کی تاریخ: 14th, October 2025 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) کراچی میں پانی چوری کے خلاف پاکستان رینجرز (سندھ) اور واٹر اینڈ سیوریج بورڈ کارپوریشن کے اینٹی تھیفٹ سیل کی مشترکہ کارروائیاں جاری ہیں۔ تازہ آپریشن ناظم آباد (بنگش ہوٹل) اور سائٹ ایریا حبیب بینک چورنگی کے قریب غیر قانونی واٹر کنکشنز کے خلاف کیا گیا۔ ترجمان سندھ رینجرز کے مطابق ستمبر کے آغاز میں سائٹ ایریا کے صنعتی علاقوں شیرشاہ اور گل بائی کو پانی کی فراہمی میں کمی کی متعدد شکایات موصول ہوئیں، جن کی نشاندہی سندھ انڈسٹریل ٹریڈنگ اسٹیٹ ایسوسی ایشن (SITE) نے بھی کی۔ جانچ کے بعد ناظم آباد میں 4 انچ قطر کے 4 غیر قانونی کنکشنز اور سائٹ ایریا کی ایک برف فیکٹری کے قریب 6 انچ قطر کے 3 غیر قانونی کنکشنز منقطع کر دیے گئے۔ ان کنکشنز کے ذریعے پانی مافیا روزانہ تقریباً 34 لاکھ گیلن پانی چوری کر رہا تھا، جس سے واٹر بورڈ کو یومیہ 18 لاکھ 70 ہزار روپے کا مالی نقصان ہو رہا تھا۔ گرفتار افراد کے خلاف مقدمہ درج کر کے قانونی کارروائی شروع کر دی گئی ہے۔ سندھ رینجرز نے واضح کیا کہ پانی چوری کے مکمل خاتمے تک آپریشن جاری رہے گا، تاکہ کراچی کا پانی صرف شہریوں تک پہنچ سکے۔ عوام سے اپیل کی گئی ہے کہ پانی چوری یا غیر قانونی ہائیڈرنٹس کی اطلاع فوری طور پر رینجرز ہیلپ لائن 1101 یا واٹس ایپ نمبر 0347-9001111 پر دیں، اطلاع دینے والے کا نام صیغہ راز میں رکھا جائے گا۔
ذریعہ
ذریعہ: Jasarat News
کلیدی لفظ: پانی چوری
پڑھیں:
سندھ حکومت کا مہنگے داموں پاسکو سے گندم خریدنے کا فیصلہ
(سٹی42)سندھ حکومت نے مہنگے داموں پاسکو سے گندم خرید کرنے کا فیصلہ کرلیا۔
2024 کی پرانی گندم پاسکو سے خرید ی جائے گی،پاسکو نے فی 40 کلو گرام کا 4150 روپے نرخ مقرر کیا ہے۔
پاسکو نے 2 لاکھ 20 ہزار 665 میٹرک ٹن گندم سندھ کو دینے کی پیشکش کی ہے،سندھ نے کاشت کاروں کیلئے 3500 روپے گندم خریداری کا نرخ مقرر کیا تھا لیکن کاشت کاروں نے کم نرخ کی وجہ سے گندم حکومت کو نہیں دی اورسندھ حکومت ایک لاکھ میٹرک ٹن گندم نہیں خرید سکی۔
سندھ حکومت نےرواں سال 10 لاکھ میٹرک ٹن گندم خرید کرنے کا ہدف مقرر کیا تھا،اب سندھ حکومت 650 روپے فی 40 کلو گرام 650 روپے مہنگی گندم خرید رہی ہے،سندھ حکومت نے بیرون ممالک سے 5 لاکھ میٹرک ٹن گندم درآمد کرنے کا فیصلہ بھی کیا ہے۔
محکمہ خوراک سندھ کے مطابق صوبے کو 16 لاکھ میٹرک ٹن سے زائد گندم کی قلت کا سامنا ہے، سندھ میں گندم کی ضرورت 65 لاکھ 30 ہزار میٹرک ٹن ہے،سندھ میں گندم کی پیداوار 47 لاکھ میٹرک ٹن سے زیادہ ہوئی ، جبکہ ایک لاکھ 40 ہزار میٹرک ٹن پرانی گندم کے ذخائر موجود ہیں۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
محکمہ خوراک کے مطابق اوپن مارکیٹ میں زیادہ نرخ کی وجہ کاشت کاروں سے گندم خرید نہیںسکے،گندم کی قلت کا سامنا کرنے کی وجہ سے گندم درآمد کرنی پڑے گی،سندھ کابینہ نے گزشتہ روز گندم در آمد کرنے کی منظوری دیدی ہے۔
پاکستان نے ورلڈ کپ 2028 کیلیے براہ راست کوالیفائی کر لیا