حیدرآباد،چیف ایگزیکٹو واٹر بورڈ کا فراہمی آب کی شکایت پر نوٹس
اشاعت کی تاریخ: 13th, October 2025 GMT
data-id="863a0a8" data-element_type="widget" data-widget_type="theme-post-content.default">
251014-2-10
حیدرآباد(اسٹاف رپورٹر)چیف ایگزیکٹو آفیسرحیدرآبادواٹر اینڈ سیوریج کارپوریشن طفیل احمد ابڑو نے حیدرآباد میں فراہمی آب کی شکایات کا نوٹس لیتے ہوئے حیدرآباد کے مختلف علاقوں کےXENs سے فوری رابطے ،فی الفور عوامی شکایات کے ازالہ کی ہدایت ،میڈیا سیل حیدرآباد واٹر اینڈسیوریج کارپوریشن کے جاری کردہ اعلامیہ کے مطابق CEO حیدرآباد واٹر کارپوریشن طفیل احمد ابڑو نے قلت آب اور آلودہ پانی کی شکایات کا نوٹس لیتے ہوئے تمام XENs کو ہدایت کی ہے کہ شہریوں کو صاف اور صحت بخش پانی کی بہترین سہولیات کی فراہمی ہماری اولین ذمے داری ہے اور اس ذمے داری کی بطریق احسن ادائیگی میں کسی بھی قسم کی رکاوٹ کوبرداشت نہیں کیا جائے گا۔انہوں نے مزید کہا کہ صارفین کو جراثیم سے پاک اور صحت بخش پانی کی فراہمی کیلیے حیدرآباد واٹر کارپوریشن نے فوری اور سنجیدہ اقدامات کئے ہیں ۔انہوں نے واضح کیا کہ پانی کو ہر قسم کی آلودگی اور جراثیم سے پاک کرنے کے لئے WHO کے وضع کردہ معیار کے مطابق کلورینیشن کے عمل سے گزارا جارہا ہے جبکہ ایلم اور دیگر کیمیائی اجزا کی مطلوبہ مقدار بھی اس میں شامل کی جا رہی ہے۔تاہم حیدرآباد واٹر کارپوریشن نے اپنے صارفین کو مشورہ دیا ہے کہ وہ استعمال سے قبل پانی کو لازمی ابال لیں۔
ذریعہ
ذریعہ: Jasarat News
کلیدی لفظ: حیدرا باد واٹر
پڑھیں:
گورنرخیبرپختونخوا فیصل کریم کنڈی کی وفاقی وزیر صحت مصطفیٰ کمال سے ملاقات، دینار ہسپتال ڈی آئی خان کیلئے ریڈیالوجی مشینری اور طبی آلات کی فراہمی پر تبادلہ خیال
اسلام آباد (اُردو پوائنٹ اخبارتازہ ترین - اے پی پی۔ 02 جون2026ء) گورنر خیبرپختونخوا فیصل کریم کنڈی نے وفاقی وزیر صحت مصطفیٰ کمال سے اسلام آباد میں ملاقات کی۔ منگل کو گورنر آفس سے جاری بیان کے مطابق ملاقات میں ڈی آئی خان کے دینار ہسپتال کے لیے ریڈیالوجی مشینری اور طبی آلات کی فراہمی پر تبادلہ خیال کیا گیا۔(جاری ہے)
اس موقع پر گورنر نے کہا کہ جنوبی اضلاع کے کینسر کے مریضوں کو شدید مشکلات کاسامنا ہے، وفاق طبی آلات کی فراہمی میں تعاون کرے جس پر وفاقی وزیر صحت مصطفیٰ کمال نے دینار ہسپتال کے لیے ضروری مشینری اور طبی آلات کی فراہمی کی یقین دہانی کرائی۔
گورنر نے کہا کہ وفاق صحت کے شعبے میں خیبرپختونخوا کے پسماندہ اور متاثرہ علاقوں پر خصوصی توجہ دے، دینار ہسپتال میں جدید طبی سہولیات کی فراہمی سے جنوبی اضلاع کے مریضوں کو ریلیف ملے گا۔ وفاقی وزیر مصطفیٰ کمال نے کہا کہ خیبر پختونخوا میں صحت کی سہولیات کی بہتری کے لیے ہرممکن تعاون کریں گے۔ ملاقات میں وفاق اور خیبرپختونخوا کے درمیان صحت کے شعبے میں تعاون مزید بڑھانے پر بھی اتفاق ہوا۔ خیبرپختونخوا اسمبلی میں پاکستان پیپلز پارٹی کے پارلیمانی لیڈر احمد کریم کنڈی بھی اس موقع پر موجود تھے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ