RRR اسٹار رام چرن کی نئی فلم لیک، سوشل میڈیا پر وائرل کلپس سے ہنگامہ
اشاعت کی تاریخ: 12th, January 2025 GMT
بلاک بسٹر فلم آر آر آر کے سپر اسٹار رام چرن کی نئی فلم 'گیم چینجر' لیک ہو گئی۔ یہ خبر اس وقت سامنے آئی جب فلم کے مختلف کلپس اور ہائی کوالٹی پرنٹس غیر قانونی ویب سائٹس اور سوشل میڈیا پر دستیاب ہونے لگے۔
رپورٹس کے مطابق، کئی پلیٹ فارمز بشمول ٹورنٹ سائٹس پر فلم کے مختلف کوالٹیز کے پرنٹس لیک ہو چکے ہیں۔ یہاں تک کہ کچھ ویب سائٹس پر ‘Game Changer Download’ جیسے الفاظ بھی ٹرینڈ کر رہے ہیں۔
غیر قانونی ویب سائٹس جیسے Tamil Rockerz ماضی میں بھی ایسی سرگرمیوں میں ملوث رہی ہیں، اور اب یہ مسئلہ دوبارہ سر اٹھا چکا ہے۔
فلم رام چرن کے ڈبل رول کے گرد گھومتی ہے، جہاں وہ ایک غصیلے ڈاکٹر سے کلکٹر بننے والے شخص کا کردار ادا کر رہے ہیں، جو کرپٹ سیاستدانوں کے خلاف جدوجہد کرتا ہے۔ فلم میں کیارا اڈوانی، انجلِی، ایس جے سوریا، سریکانت، سنِیل، جے رام، اور دیگر شامل ہیں۔
فلم کے ڈائریکٹر ایس شنکر ہیں اور موسیقی تھامن ایس نے ترتیب دی ہے۔ فلم سری وینکٹیشورا کریشنز کے بینر تلے پروڈیوس کی گئی ہے اور یہ تلگو، تامل، اور ہندی زبانوں میں ریلیز ہوئی۔
.
ذریعہ
ذریعہ: Express News
پڑھیں:
مومنہ اقبال کے شوہر کون، تفصیلات سامنے آگئیں
پاکستانی اداکارہ مومنہ اقبال کے شوہر حمزہ حبیب کی تفصیلات سامنے آگئی ہیں۔ پاکستان کے مقبول ڈراموں میں اداکاری کے جوہر دکھانے والی مومنہ اقبال حال ہی میں رشتہ ازدواج میں منسلک ہوئی ہیں۔ لاہور میں ان کی دعائے خیر ، مہندی ، مایوں اور نکاح کی تقریبات منعقد ہو چکی ہیں جن کی تصاویر اور ویڈیوز سوشل میڈیا پر خوب وائرل ہیں۔ میڈیا رپورٹس کے مطابق مومنہ اقبال کے دلہا حمزہ حبیب کا تعلق لاہور سے ہے، وہ کامیاب اور مالی طور پر مستحکم کاروباری شخصیت ہیں تاہم وہ ہمیشہ میڈیا کی نظروں سے دور رہے۔ حالیہ دنوں میں مومنہ اقبال کو (ن ) لیگی ایم پی اے ثاقب چدھڑ کی جانب سے مبینہ ہراسانی اور دھمکیوں کے معاملے پر حمزہ حبیب اپنی اہلیہ کی حمایت میں سامنے آنے کے بعد خبروں کا مرکز بن گئے۔ حمزہ حبیب کے مطابق ان کی اور مومنہ اقبال کی منگنی خاندانوں کی باہمی رضامندی سے ہوئی جب کہ دونوں خاندانوں کے درمیان دیرینہ دوستانہ تعلقات بھی ہیں۔ جوڑے نے مئی 2026 کے آخر میں ایک نجی تقریب میں نکاح کیا تھا۔ اس سے قبل اداکارہ مومنہ اقبال نے اپنی سوشل میڈیا سٹوری کے ذریعے انکشاف کیا تھا کہ ایک بااثر سیاسی شخصیت کی جانب سے انہیں اور ان کی فیملی کو جان سے مارنے کی دھمکیاں دی جارہی ہیں۔ جس پر نیشنل سائبر کرائم انویسٹی گیشن ایجنسی اپنی تحقیقات کررہی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ