بھارتی باشندوں کو لالچ میں کروڑوں کا چُونا لگوانے کا چسکا پڑگیا
اشاعت کی تاریخ: 12th, January 2025 GMT
ایک دنیا کہتی ہے کہ انفارمیشن ٹیکنالوجی میں بھارت کی مہارت کا جواب نہیں اور اس میں کوئی شک نہیں کہ آئی ٹی میں بڑے پیمانے پر افرادی قوت تیار کرکے بھارت اب دنیا بھر سے ہر سال اربوں ڈالر کمارہا ہے۔ ایسے میں یہ بات بہت حیرت انگیز دکھائی دیتی ہے کہ بھارت ہی میں آئی ٹی سے تعلق رکھنے والے بہت سے افراد، بلکہ پروفیشنلز آن لائن کمائی اور سرمایہ کاری کے ذریعے کمانے کے چکر میں خطیر رقوم سے ہاتھ دھو بیٹھتے ہیں اور ہاتھ پیر ہلائے بغیر کمائی کا چسکا ایسا پڑا ہے کہ دوسروں کے انجام سے سبق سیکھنے کی ضرورت محسوس نہیں کی جارہی۔
بھارت کے تجارتی دارالحکومت ممبئی میں گزشتہ دنوں آن لائن فراڈ (پونزی اسکیم) کے ذریعے لوگوں کو 22 کروڑ روپے (پاکستانی 72 کروڑ 60 لاکھ روپے) سے محروم کردیا گیا۔ تفتیش سے معلوم ہوا کہ اس گھوٹالے میں یوکرین کے دو باشندے بھی ملوث ہیں۔
شکایت کنندہ پردیپ کمار مامراج ویشیا کا کہنا ہے کہ یہ گھوٹالا 21 جون اور 30 دسمبر 2024 کے دوران کیا گیا۔ پردیپ کمار مامراج سبزی کا آڑھتی ہے اور ممبئی میں نریمان پوائنٹ کا رہائشی ہے۔
تھوڑی سی سرمایہ کاری پر غیر معمولی بلکہ انتہائی پُرکشش منافع کا جھانسا دے کر کروڑوں روپے ہتھیانے کے اس کیس میں ایک خاتون سمیت 2 یوکرینی باشندے بھی ملوث پائے گئے ہیں۔
ٹوریز جوئیلرز نامی برانڈ کے خلاف دی اکنامک آفینسز ونگ کے افسران تحقیقات کر رہے ہیں۔ یہ ادارہ بہت جلد آرٹم اور اولینا اسٹوئن کی گرفتاری کے لیے وارنٹ جاری کرے گا۔ خیال ہے کہ یہ دونوں بھارت سے فرار ہوچکے ہیں۔ ٹوریز جوئیلرز کے پروموٹرز اور ٹاپ ایگزیکٹیوز بھی اس کیس میں قانون نافذ کرنے والوں کو مطلوب ہیں۔
پولیس نے ایک جامع ایف آئی آر درج کرلی ہے۔ ایف آئی آر میں پلاٹینم ہرن پرائویٹ لمٹیڈ کو بھی نامزد کیا گیا ہے۔ یہ ادارہ ٹوریز جوئیلرز کا نظم و نسق سنبھالتا ہے۔
.
ذریعہ
ذریعہ: Jasarat News
پڑھیں:
’مضبوط رہیں‘، ریپر طلحہ انجم کا بھارتی طلبا کے ساتھ اظہارِ یکجہتی
پاکستان کے معروف ریپر اور گلوکار طلحہ انجم نے نئی دہلی میں تعلیمی نظام کے خلاف احتجاج کرنے والے بھارتی طلبا سے اظہارِ یکجہتی کرتے ہوئے ان کے حوصلے اور ثابت قدمی کو سراہا ہے۔ انہوں نے طلبا پر ہونے والی پولیس کارروائی کے بعد ایک پیغام جاری کرتے ہوئے کہا کہ وہ ان کے غصے اور احساسات کو بخوبی سمجھتے ہیں۔
طلحہ انجم نے اپنی انسٹاگرام اسٹوری پر بھارتی طلبا کے احتجاج کی ایک ویڈیو شیئر کی، جس میں مظاہرین پر آنسو گیس اور لاٹھی چارج ہوتے دکھایا گیا۔ ویڈیو کے ساتھ انہوں نے لکھا کہ ’بھارت کے طلبا مظاہرین کے نام، مجھے آپ کی ثابت قدمی کا بے حد احترام ہے، میں آپ کی مایوسی اور غصے کو سمجھ سکتا ہوں، اور یہ بھی جانتا ہوں کہ آپ کے ساتھ کیا کیا جا رہا ہے، مضبوط رہیں۔‘
طلحہ انجم پاکستان کے سب سے زیادہ سنے جانے والے موسیقاروں میں شمار ہوتے ہیں اور اسٹریمنگ پلیٹ فارم اسپاٹیفائی پر ان کی مقبولیت کئی ریکارڈ قائم کر چکی ہے۔ بھارت میں بھی ان کے مداحوں کی بڑی تعداد موجود ہے۔ گزشتہ برس نیپال میں ایک کنسرٹ کے دوران ایک مداح کی جانب سے بھارتی پرچم پیش کیے جانے پر وہ خبروں میں آئے تھے، بعد ازاں انہوں نے پاکستان میں اس معاملے پر وضاحت بھی کی تھی۔
سماجی اور انسانی مسائل پر کھل کر مؤقف اختیار کرنے والے طلحہ انجم اس سے قبل بھی کئی معاملات پر آواز بلند کر چکے ہیں۔ اپریل میں صومالیہ کے ساحل کے قریب قزاقوں کے قبضے میں جانے والے پاکستانی ملاحوں کی رہائی کے لیے انہوں نے حکومت سے مؤثر اقدامات کا مطالبہ کیا تھا اور وزارتِ خارجہ سے متاثرہ خاندانوں کے لیے مستقل ہیلپ لائن قائم کرنے کی اپیل بھی کی تھی۔
دوسری جانب بھارت میں تعلیمی امتحانات کے مبینہ پیپر لیکس کے خلاف احتجاج کا سلسلہ گزشتہ ماہ سے جاری ہے۔ کاکروچ جنتا پارٹی (CJP) کے پلیٹ فارم سے ہونے والے اس دھرنے میں طلبہ وزیرِ تعلیم دھرمیندر پردھان کے استعفے اور تعلیمی نظام میں اصلاحات کا مطالبہ کر رہے ہیں۔ حالیہ دنوں پارلیمنٹ کی جانب مارچ کی کوشش کے دوران پولیس نے مظاہرین کو روکنے کے لیے طاقت کا استعمال کیا، جس کے نتیجے میں متعدد افراد زخمی ہوئے۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم