ہمارے سماجی و معاشرتی المیے
اشاعت کی تاریخ: 14th, January 2025 GMT
شیطان روزآنہ اپنے چیلوں (شاگردوں) سے دن بھر کی کارکردگی کی رپورٹ لیتا ہے۔ ایک کہتا ہے کہ میں نے آج ایک قتل کروا دیا، دوسرا کہتا ہے میں نے دو نوجوان لڑکے اور لڑکی کو بہکایا اور وہ زنا کے مرتکب ہوگئے، ایک کہتا ہے میں نے آج ایک پکے نمازی کی نماز فجر قضا کروادی اس طرح اور دیگر اپنی اپنی رپورٹ پیش کرتے ہیں ایک شیطان کہتا ہے کہ میں نے آج ایک میاں بیوی کے بیچ جدائی ڈلوادی شوہر نے غصے میں آکر اپنی بیوی کو طلاق دے دی یہ رپورٹ سن کر بڑا شیطان اپنے اس شاگرد کو گلے لگالیتا ہے۔ اسلام میں یہ وہ جائز کام ہے جس کو آپؐ نے ناپسند فرمایا ہے۔ اور دیگر برائیاں اور گناہ کے کام تو اسلام میں تو ویسے ہی منع ہیں۔ لیکن شیطان کا اس عمل پر خوش ہونا اس لیے بنتا ہے کہ کسی معاشرے کی تباہی کا آغاز یہیں سے ہوتا ہے۔ طلاق میں دو افراد ہی جدا نہیں ہوتے بلکہ دو خاندان ہمیشہ کے لیے ایک دوسرے کے مخالف ہوجاتے ہیں۔ اور اگر ان کے بچے ہوں تو ان کا مستقبل تاریک ہوجاتا ہے۔ عدالتوں کی سیڑھیوں پر ایسے بچوں اور ان کی مائوں کے رونے کی چیخیں در ودیوار کو ہلا دیتی ہیں جب کسی بچے کے بارے میں یہ فیصلہ ہوتا ہے کہ اسے باپ کے حوالے کیا جائے۔ ہمارے ملک میں طلاق کی بڑھتی ہوئی شرح بہت خوفناک صورتحال اختیار کرتی جارہی ہے۔ ایک رپورٹ کے مطابق پانچ لاکھ خواتین اس وقت طلاق یافتہ ہیں۔ لاہور کی فیملی کورٹس میں سال بھر کے دوران 13ہزار سے زائد گھرانے ٹوٹ چکے اور روزآنہ خلع کے 40 سے زائد مقدمات درج کیے جارہے ہیں۔
ایک لڑکی طلاق کے بعد اپنے والدین کے گھر آتی ہے تو اس کی پہلے والی جیسی بات نہیں ہوتی۔ جس طرح کوئی شیشے کا برتن چٹخ جائے تو اسے احتیاط سے برتنا پڑتا ہے کہ ذرا سی بے احتیاطی سے اس کے ٹوٹ جانے کا خطرہ رہتا ہے۔ ایسی بچیوں کے لیے ان کا میکہ بعض اوقات ان کی سسرال سے زیادہ خوفناک ہوجاتا ہے۔ وہی بہن بھائی جن سے شادی سے پہلے نوک جھونک ہوتی رہتی تھی اور ماں باپ کی ڈانٹ ڈپٹ بھی چلتی رہتی تھی لیکن کچھ دیر بعد سب نارمل ہوجاتا اور اب تو کوئی بات ہو تو دل کو بڑی ٹھیس لگتی ہے۔ ایک دفعہ مولانا طارق جمیل بتارہے تھے کہ ویسے تو بہترین صدقہ وہ ہے جو اپنے بال بچوں پر خرچ کیا جائے۔ لیکن اگر گھر میں کوئی مطلقہ یا بیوہ لڑکی ہو تو اس پر خرچ کرنا اس سے بھی زیادہ اجر و ثواب کا کام ہے۔ ایک دفعہ ایک دوست نے پوچھا کہ آپ کے نزدیک ہمارے معاشرے کا سب سے بڑا مسئلہ کیا ہے۔ میں نے کہا مہنگائی، بیروزگاری، چوری و ڈکیتی، بجلی کی غیر اعلانیہ لوڈشیڈنگ، پانی کا بحران اور دیگر مسائل بھی ہوسکتے ہیں۔ انہوں نے کہا نہیں یہ سب چیزیں اپنی جگہ تو ہیں لیکن میرے نزدیک سب سے بڑا مسئلہ ان گھرانوں کا ہے جہاں گھر میں کوئی بیوہ یا مطلقہ لڑکی ہو اور پھر اسی سے جڑا مسئلہ یہ ہے کہ ایسی بچیوں کے رشتے مشکل سے آتے ہیں۔ اس لیے کہ یہاں کنواری لڑکیوں کے لیے مناسب رشتوں کا کال ہے نہ کہ بیوہ اور مطلقہ کے لیے کوئی ڈھنگ کا رشتہ آئے۔ چلیے بیوہ کو تو پھر کوئی مناسب بر مل جاتا ہے، اصل مسئلہ مطلقہ کا ہوتا ہے کہ اس کا رشتہ جب آتا ہے تو کئی سوالات اٹھتے ہیں، کیوں طلاق ہوئی کہیں لڑکی مزاج کی تیز تو نہیں ہے، کردار کا تو کوئی مسئلہ نہیں ہے۔ یعنی ساری خامیاں لڑکی ہی میں تلاش کی جاتی ہیں۔ نئی شادی شدہ خواتین کو سوچنا چاہیے کہ ہماری جو ارینج میرج ہوئی ہے تو والدین نے بہت کچھ دیکھ بھال کے اور اچھی طرح چھان پھٹک کرکے ہی ہاں کی ہوگی، اس لیے اب شادی کے بعد شوہر میں کچھ چیزیں آپ کے ذوق و مزاج کے خلاف ہوں تو بار بار یہ نہیں کہنا چاہیے کہ پتا نہیں ہمارے ماں باپ نے کیا دیکھ کر شادی کی، بلکہ آپ کو اللہ کا شکر ادا کرنا چاہیے کہ رشتوں کے اس بحران میں آپ کو رشتہ مل گیا ورنہ اپنے خاندان میں یا اپنی ہی سہلیوں میں دیکھیں کئی ایسی لڑکیاں ہوں گی جو آپ سے عمر میں زیادہ ہوں گی اور گھروں میں بیٹھی ہیں اس سے احساس تشکر پیدا ہوتا ہے۔
ایک دفعہ نبی اکرمؐ جارہے تھے کہ راستے میں کچھ کچھ لڑکیاں ملیں آپؐ نے ان کو مخاطب کرتے ہوئے کہا کہ اے عورتوں! تم اپنے ماں باپ کے گھروں میں رشتوں کے انتظار میں بیٹھی رہتی ہو پھر جب تمہیں رشتہ مل جاتا ہے اور تمہاری شادی ہوجاتی ہے تو تم اپنے شوہروں کی ناشکری کرتی ہو۔ ہمیں بہت کم ایسا دیکھنے کو ملا ہے کہ ایک عورت نے اپنے شوہر سے طلاق یا خلع حاصل کیا اور اسے دوسرا شوہر کوئی بہت اچھا مل گیا ہو، پھر ان کی قسمت میں یہی ہوتا ہے کہ وہ کسی کی دوسری بیوی بن کے رہیں یا کسی اپنے سے زیادہ عمر والے کے ساتھ شادی ہوجائے۔ یہ ارینج میرج کی بات ہے لیکن جہاں پسند کی شادی کی جاتی ہے وہاں معاملات جلد ہی خراب ہوجاتے ہیں۔ آج کل تو لڑکی کے ماں باپ عموماً لڑکی کی پسند کے سامنے ہتھیار ڈال دیتے ہیں۔ پچھلے دنوں ایک سروے رپورٹ آئی تھی جس میں بتایا گیا تھا جتنے گھر ٹوٹے ہیں یعنی میاں بیوی کے درمیان طلاق ہوئی ہے، تو اس میں زیادہ تعداد ان جوڑوں کی تھی جنہوں نے اپنی پسند کی شادی کی تھی۔ لیکن سو فی صد ایسا نہیں ہے اکثر پسند کی شادیاں عمر بھر چلتی ہیں اسی طرح یہ بھی نہیں ہے کہ ارینج میرج سو فی صد کامیاب ہی ہوں ان میں بھی علٰیحدگیاں ہوجاتی ہے لیکن اس کا تناسب کم ہوتا ہے۔
سب سے اہم سوال یہ ہے کہ اس طرح کے سانحے کی نوبت کیوں آتی ہے۔ اس کی بہت ساری وجوہات ہیں پہلی بات تو یہ کہ صبر و برداشت کی کمی دونوں فریقین میں ہوتی ہے۔ دوسری بات یہ کہ میاں بیوی اگر خاندان سے الگ زندگی گزار رہے ہیں تو وہاں کم لڑائی جھگڑے ہوتے ہیں، لیکن جہاں مشترکہ خاندانی نظام ہوتا ہے وہاں جلد ہی اختلافات ابھر کر سامنے آجاتے ہیں۔ وہی خواتین جو چاند سی بہو ڈھونڈ کر لاتی ہیں اور وہ بہنیں جو اپنے بھائی کے لیے حور پری تلاش کرتی ہیں چاہے وہ خود کیسی ہی ہوں۔ شادی کے کچھ عرصے بعد یہی چاند سی بہو کلموہی ہوجاتی ہے اور بہنوں کی نظر میں حور پری ’’دور پرے‘‘ ہوجاتی ہے۔ اور دوسری طرف لڑکی شادی سے پہلے اپنی ہونے والی ساس کا بڑی محبت و اخلاس سے استقبال کرتی ہے نندوں کو پیار سے گلے لگاتی ہے لیکن شادی کے کچھ عرصے بعد یہی ساس خناس بن جاتی ہے اور نند بہت بڑی گند ہوجاتی ہے۔ پہلے زمانے میں شادی سے پہلے لڑکیوں کو یہ بتایا جاتا تھا کہ دیکھو بیٹا ایک چپ ہزار بلائوں کو ٹالتی ہے۔ فرماں برادر بچیاں اسی نصیحت پر عمل کرتی تھیں (جو کہ بہت مشکل کام ہے) تو ان کی پوری زندگی بغیر کسی بڑی لڑائی جھگڑے کے خیر و عافیت سے گزر جاتی تھی۔
ایک اہم وجہ جو میرے نزدیک سب سے پہلی وجہ ہے کہ ہم دین کی تعلیمات سے دور ہوگئے ہیں۔ اگر ہمارے دل میں خوف خدا ہے (زبانی نہیں عملاً) تو ہمیں خود اپنی خامیوں پر غور کرنا چاہیے لیکن یہاں تو ہم ایک دوسرے کی خامیوں کو بڑھا چڑھا کر بیان کرتے ہیں میں سمجھتا ہوں ایک گھر کو بنانے میں زیادہ ذمے داری بیوی کی ہوتی ہے کہ وہ اپنے شوہر کو خوش رکھنے کی کوشش کرے لیکن مردوں کو بھی خیال رکھنا چاہیے کہ جن والدین نے اپنی جگر کا ٹکڑا آپ کے حوالے کیا ہے آپ اس کی قدر کریں۔ خواتین کے ایک اجتماع میں ایک عالم دین تقریر کرتے ہوئے بتارہے تھے کہ ایک دفعہ سیدہ بی بی فاطمہ (یہ بھی ذہن میں رہے کہ بی بی فاطمہ کون ہیں جنت کی خواتین کی سردار اور افضل الانبیاء کی بیٹی) آپؐ کے پاس آئیں اور کہا کہ میری سیدنا علیؓ سے لڑائی ہوگئی میں ستر مرتبہ (کتنی مرتبہ ستر مرتبہ) انہیں منانے گئی وہ مان گئے اور اب ہمارا میل ہوگیا آپؐ نے فرمایا کہ اے فاطمہ اگر علی کی ناراضی کے دوران تمہارا انتقال ہوجاتا تو میں تمہاری نماز جنازہ نہیں پڑھاتا۔ ان ہی عالم صاحب نے دوسرا واقعہ بتایا کہ سیدہ خدیجہؓ بیوہ تھیں اور بڑے کاروبار کی مالک تھیں وہ آپؐ کا بہت خیال رکھتی تھیں اپنا سارا کاروبار آپؐ کے حوالے کردیا تھا وہ بڑی خدمت کرتی تھیں آپؐ جب گھر جاتے تو وہ کھانا لے کر آتیں ایک دفعہ وہ کھانا لارہی تھیں کہ اتنے میں حضرت جبرائیلؑ آگئے اور نبی کریم ؐ سے کہا کہ سیدہ خدیجہ آپؐ کے لیے کھانا لارہی ہیں آپؐ کی بڑی خدمت کرتی ہیں،آپؐ نے کہا ہاں وہ تو روز کھانا لاتی ہیں اور خدمت بھی کرتی ہیں پوچھا آپؑ کیسے آئے، حضرت جبرئیلؑ نے جواب دیا کہ اللہ تعالیٰ نے سیدہ خدیجہ کو سلام بھیجا ہے میں وہ سلام لے کر آیا ہوں۔ پھر انہوں نے یہ بھی کہا کہ اے میری بہنوں شوہر غلطیاں کرتے ہیں آپ صبر کریں اللہ ان سے خود پوچھ لے گا۔
.ذریعہ: Jasarat News
کلیدی لفظ: ایک دفعہ ہوتا ہے کی شادی جاتی ہے ماں باپ نہیں ہے کہا کہ کے لیے
پڑھیں:
حکومت سماجی اثرات کے اقدامات کو تیز تر کرے گی: اورنگزیب
وزیر خزانہ محمد اورنگزیب نے پائیدار ترقی کے لیے مہارتوں کو فروغ دینے، کسانوں کو بااختیار بنانے اور توانائی کی کارکردگی کو آگے بڑھانے کے لیے تین اہم سماجی اثرات کے اقدامات کو تیزی سے آگے بڑھانے کے لیے حکومت کے عزم کا اظہار کیا ہے۔انہوں نے یہ ریمارکس آج اسلام آباد میں وزیر اعظم کے وژن اور ہدایت کے مطابق ان کے بروقت رول آؤٹ کو یقینی بنانے پر توجہ دینے کے ساتھ آنے والے ہفتوں میں شروع ہونے والے بڑے حکومتی اقدامات پر کام کی پیشرفت کا جائزہ لینے کے لیے تین بیک ٹو بیک اجلاسوں کی صدارت کرتے ہوئے کہے۔اقدامات، جن میں سے ہر ایک قابل پیمائش سماجی اثرات پیدا کرنے اور قومی ترقی کے مقاصد کو آگے بڑھانے کے لیے ڈیزائن کیا گیا ہے، متعلقہ وزارتوں، ریگولیٹری اداروں، مالیاتی اداروں اور تکنیکی شراکت داروں کے ساتھ قریبی تال میل میں لاگو کیا جا رہا ہے۔
پہلی میٹنگ میں پاکستان سکلز امپیکٹ بانڈ کا جائزہ لیا گیا، جو ملک کا پہلا نتائج پر مبنی، اثر سے منسلک فنانسنگ آلہ ہے جسے مقامی طور پر اٹھایا جائے گا۔ یہ آلہ ایک وسیع تر پروگرام میں پہلے کے طور پر کام کرے گا جس سے ملکی اور بین الاقوامی دونوں نجی اور مخیر سرمائے سے فنڈز اکٹھے کیے جائیں گے۔وزیر خزانہ نے مشاہدہ کیا کہ پاکستان اسکلز امپیکٹ بانڈ کو ایک "ٹریل بلیزر” کے طور پر رکھا جانا چاہیے جو نہ صرف فوری ترقیاتی ضروریات کو پورا کرتا ہے بلکہ مزید متنوع اور گہرے سرمایہ کاروں کی بنیاد کو راغب کرنے کے لیے بھی ایک مثال قائم کرتا ہے۔ انہوں نے زور دے کر کہا کہ یہ یہ ثابت کرنے کا موقع ہے کہ پاکستان فنانسنگ کے جدید طریقوں میں رہنمائی کر سکتا ہے، جو دنیا بھر سے نتائج کے لیے فنڈرز کو راغب کرنے کی صلاحیت رکھتا ہے۔
دوسری میٹنگ میں نیشنل سبسسٹینس فارمرز سپورٹ اسکیم پر توجہ مرکوز کی گئی، جس کا مقصد چھوٹے ہولڈر کسانوں، جن میں کرایہ دار کسانوں سمیت 12.5 ایکڑ تک اراضی کے مالک یا کھیتی ہیں، ڈیجیٹل طور پر فعال، غیر مربوط بینک قرضوں کو کھولنا ہے۔وزیر خزانہ نے نوٹ کیا کہ یہ "پہلی بار خلائی ٹیکنالوجی قومی سطح پر زرعی قرضوں کے فیصلوں کو آگے بڑھائے گی” اور یہ اقدام پاکستان میں دیہی فنانسنگ کے لیے "ایک پیش رفت کا لمحہ” ہے۔
تیسری میٹنگ میں وزیراعظم کے پنکھے کی تبدیلی کے پروگرام پر پیشرفت کا جائزہ لیا گیا، جو کہ پاور ڈویژن کی نیشنل انرجی ایفیشنسی اینڈ کنزرویشن اتھارٹی نے بینکوں کے تعاون سے تیار کیا ہے۔ یہ پروگرام صارفین کو اس قابل بنائے گا کہ وہ موجودہ چھت کے پنکھوں کو سستی مالیاتی شرحوں پر توانائی کے موثر ماڈلز سے بدل سکیں۔ ایک آن لائن پورٹل مکمل طور پر ڈیجیٹل عمل کو سہولت فراہم کرے گا، جس میں گاہک کے آن بورڈنگ سے لے کر قرض کی درخواست تک، منظور شدہ مقامی مینوفیکچررز سے مداحوں کے انتخاب اور قرض کی ادائیگی اور ادائیگی تک۔وزیر خزانہ نے اس بات پر زور دیا کہ ایسے منصوبوں کو SDGs سے جوڑنا اور فنانسنگ کے اضافی ذرائع تلاش کرنے سے ان کے سماجی اور اقتصادی اثرات میں اضافہ ہو گا جبکہ پائیدار مقامی پیداواری صلاحیت پیدا کرنے میں مدد ملے گی۔
وزیر خزانہ نے تینوں اقدامات کے جلد از جلد رول آؤٹ پر خصوصی زور دیا اور متعلقہ وزارتوں، محکموں اور شراکت دار تنظیموں پر زور دیا کہ وہ آئندہ چند ہفتوں میں ان منصوبوں کو تکمیل تک پہنچانے کے لیے اپنی کوششیں تیز کریں۔
اشتہار
ڈی جی ایف آئی اے کے نام پر شہریوں کو ہراساں کیے جانے کا انکشاف