اسلام آباد کوخوبصورت بنانے کے لیے آذر بائیجان اورسی ڈی اے کے درمیان شانداراشتراک
اشاعت کی تاریخ: 17th, January 2025 GMT
رپورٹ: احتشام احمد فاروقی:
آذربائیجان اورکیپیٹل ڈیولپمنٹ اتھارٹی (سی ڈی اے) کے اشتراک سے ایک منفرد اور تخلیقی منصوبہ شروع کیا گیا ہے، جس کا مقصد اسلام آباد کی خوبصورتی میں اضافہ کرنا اور شہریوں کو فنونِ لطیفہ کی اہمیت سے روشناس کروانا ہے۔
پروجیکٹ ڈائریکٹر محمد داؤد نے وی نیوز سے خصوصی گفتگو کرتے ہوئے بتایا کہ یہ پروجیکٹ آذربائیجان اور سی ڈی اے کے اشتراک سے شروع کیا گیا ہے۔
یہ منصوبہ تکمیل کے لیے یہاں کی مقامی کمپنیوں ’ورکہ ہولیکس‘ اور ’ڈی آر سٹوڈیوز‘ کو دیا گیا ہے۔ اس منصوبے میں کامسیٹس یونیورسٹی، ویمن یونیورسٹی راولپنڈی سمیت جڑواں شہروں کی مختلف جامعات کے طلبا وطالبات حصہ لے رہے ہیں۔
یونیورسٹیز کے طلبا اسلام آباد کی مرکزی شاہراہ زیرو پوائنٹ پل کی نچلی دیواروں پر خوبصورت رنگوں کے ساتھ کیلیگرافی او نقش و نگارکے ذریعے اسلام آباد کو خوبصورت بنانے کے مشن پر ہیں۔
دوسری جانب اس پروجیکٹ میں حصہ لینے والی طالبات ودیان، ہیہان فاطمہ اور دیگر طلبا کا کہنا ہے کہ ہمارے لیے باعث فخر ہے کہ ہم اتنے بڑے پروجیکٹ کا حصہ ہیں۔
اس پروجیکٹ پر کام کے ذریعے ہم اپنی صلاحیتوں کو اجاگر کر کے خوشی محسوس کر رہے ہیں۔ طلبا کے لیے اس سے بڑا سنہری موقع کوئی نہیں ہو سکتا کہ ہمارا کام وفاقی دارلحکومت کی دیواروں پر پوری دنیا دیکھے گی۔
طلبا و طالبات کا کہنا ہے کہ یہ اقدام نہ صرف شہر کی تزئین و آرائش میں اہم کردار ادا کرے گا بلکہ نوجوانوں کی صلاحیتوں کو اجاگر کرنے کا ایک بہترین ذریعہ بھی ثابت ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آذربائیجان آرائش تخلیقی منصوبہ تزئین سی ڈی اے طالبات طلبا کیپیٹل ڈیولپمنٹ اتھارٹی کیلیگرافی نقش و نگار.ذریعہ: WE News
کلیدی لفظ: تخلیقی منصوبہ سی ڈی اے طالبات نقش و نگار اسلام آباد کے لیے
پڑھیں:
اسلامک یونیورسٹی کی طالبہ کو دوستوں کے سامنے قتل کرنے والا ملزم گرفتار
اسلام آباد:انٹرنیشنل اسلامک یونیورسٹی اسلام آباد کی 22 سالہ طالبہ ایمان کے ناحق قتل میں ملوث ملزم کو گرفتار کر لیا گیا۔
ڈی آئی جی اسلام آباد جواد طارق نے پریس کانفرنس میں بتایا کہ ملزم فیروز جھنگ کا رہائشی ہے جو قتل کے بعد روپوش تھا، ملزم ہاسٹل میں واردات کے لیے داخل ہوا تھا۔
انہوں نے بتایا کہ ملزم ریپ کے کیس اور موٹر سائیکل چوری کی متعدد وارداتوں میں بھی چالان یافتہ ہے۔
ڈی آئی جی اسلام آباد کا کہنا تھا کہ ملزم سے تفتیش جاری ہے اور ٹھوس شواہد کی روشنی میں چالان مرتب کیا جائے گا۔
واضح رہے کہ 19 اپریل کو ملزم نے انٹرنیشنل اسلامک یونیورسٹی کے ہاسٹل میں گھس کر طالبہ ایمان کو دوستوں کے سامنے ہی قتل کر دیا تھا۔ تھانہ رمنا پولیس نے مقدمہ درج کر کے تحقیقات شروع کی تھیں۔
ایران: 2 ٹن وارہیڈ میزائل کا کامیاب تجربہ،دفاع کی تیاریاں تیز