ڈاکٹر عافیہ صدیقی نے بائیڈن سے صدارتی معافی کی اپیل کردی: برطانوی میڈیا کا دعوی
اشاعت کی تاریخ: 18th, January 2025 GMT
ڈاکٹر عافیہ صدیقی نے بائیڈن سے صدارتی معافی کی اپیل کردی: برطانوی میڈیا کا دعوی WhatsAppFacebookTwitter 0 18 January, 2025 سب نیوز
لندن (آئی پی ایس )برطانوی میڈیا نے دعوی کیا ہیکہ ڈاکٹر عافیہ صدیقی نے امریکی صدر بائیڈن سے صدارتی معافی کی اپیل کردی ہے۔ خیال رہے کہ ڈاکٹر عافیہ صدیقی امریکا میں ایک متنازع عدالتی فیصلیکے باعث 86 سالہ سزا کاٹ رہی ہیں۔ برطانوی میڈیا کے مطابق ڈاکٹر عافیہ صدیقی نے امریکی صدر سے اپیل کی ہیکہ وہ صدارت سے سبکدوش ہونے سے پہلے سزا معاف کردیں۔
برطانوی میڈیا کا کہنا ہے کہ ڈاکٹرعافیہ صدیقی اپنی رہائی کے لیے پر امید ہیں۔ اپنے وکیل کے ذریعے برطانوی میڈیا سے خصوصی گفتگو میں ڈاکٹرعافیہ صدیقی کا کہنا تھا کہ ‘مجھے امید ہیکہ میں بھلائی نہیں گئی اور مجھے امید ہیکہ ایک دن مجھے رہا کر دیا جائیگا، میں ناانصافی کا شکار ہوں، میرے لیے ہر دن اذیت ہے، یہ آسان نہیں ہے، ان شا اللہ ایک دن میں اس عذاب سے آزاد ہو جاں گی’۔
برطانوی میڈیا کے مطابق ڈاکٹر عافیہ کے امریکی وکیل کلائیو اسٹافورڈ بھی صدارتی معافی کے لیے پرامید ہیں۔ ان کا کہنا ہے کہ صدر بائیڈن یہاں تک کہ ٹرمپ انتظامیہ سے بھی معافی ملنیکا امکان ہے۔ خیال رہے کہ امریکی صدر جوبائیڈن کے دور صدارت کا کل آخری دن ہے اور 20 جنوری کو نومنتخب صدر ڈونلڈ ٹرمپ حلف اٹھائیں گے۔ رپورٹ کے مطابق صدر بائیڈن اپنے بیٹے سمیت 39 افرادکو صدارتی معافی دے چکے ہیں۔
.ذریعہ: Daily Sub News
کلیدی لفظ: ڈاکٹر عافیہ صدیقی نے برطانوی میڈیا صدارتی معافی
پڑھیں:
برطانوی کرنل (ر) کرس رومبرگ لندن سے کیوں گرفتار ہوئے؟
کرنل (ر) کرس رومبرگ سےملیے، آپ 29 کمانڈو رجمنٹ سے تعلق رکھنے والے سابق برطانوی فوجی افسر اور مصر و اردن میں برطانوی سفارت خانوں کے فوجی اتاشی رہ چکے ہیں، اس کے علاوہ اگر کہا جائے تو سب سے بڑھ کر ہولوکاسٹ سے بچ جانے والے ایک شخص کے بیٹے ہیں، جنہیں حال ہی میں لندن سے ایک ’دہشت گرد تنظیم کی حمایت‘ کے الزام میں گرفتار کر لیا گیا۔
کرنل (ر) کرس رومبرگ کے یہودی والد 25 برس کی عمر میں نازیوں سے بچنے کے لیے آسٹریا سے برطانیہ ہجرت کر گئے تھے، اور یہی واقعہ آج کے ان کے احتجاج کی اصل تحریک ہے۔ وہ کہتے ہیں کہ آپ بچپن سے وہی قصے سنتے ہیں جو آپ کو سنائے جاتے ہیں، بے زمین لوگوں کے لیے بے گھر لوگوں کی زمین، اور اس طرح کی باتیں۔
یہ بھی پڑھیں:
ان کے خیالات میں تبدیلی کی ایک بڑی وجہ وہ تجربات تھے جو انہیں اسرائیل سے متصل دو ممالک میں برطانوی سفارتی عملے کے ساتھ کام کے دوران حاصل ہوئے، انہیں یاد ہے کہ ایک ایسے سفارت کار نے، جو نسلی امتیاز کے عروج کے دنوں میں جنوبی افریقہ میں خدمات انجام دے چکا تھا، انہیں بتایا کہ فلسطین میں اسرائیل کے ہاتھوں جو کچھ ہوا، وہ اس سے کہیں بدتر ہے جو اس نے جنوبی افریقہ میں دیکھا تھا۔
کرنل (ر) کرس رومبرگ کو یہ بھی یاد ہے کہ 25 سال سے زیادہ عرصہ قبل برطانوی وزارتِ خارجہ نے حکومت کو مشورہ دیا تھا کہ اسرائیل فلسطین میں جنگی جرائم کا ارتکاب کر رہا ہے اور انہیں حکومت کا ردِعمل بھی یاد ہے۔ ’کوئی حتمی بات نہ کہنے کا فیصلہ کیونکہ برطانیہ یورپی یونین کے ہجوم میں چھپ جائے گا۔‘
مزید پڑھیں:
برسوں پر محیط ان کی نفرت اور بیزاری برسوں میں بڑھتی گئی اور انہیں محسوس ہوا کہ اب موقف اختیار کرنا ناگزیر ہے، یہی وجہ ہے کہ آج دوپہر انہیں اپنے رجمنٹل ٹائی اور بلیزر پہنے ہوئے گرفتار کیا گیا۔
پولیس نے انہیں آج سہ پہر ایک عارضی پروسیسنگ سینٹر میں منتقل کیا، جو وزارتِ خارجہ، دولتِ مشترکہ اور ترقیاتی امور کے اسی دفتر کی عمارت میں قائم کیا گیا تھا جہاں وہ فوجی اتاشی کی حیثیت سے رپورٹ کیا کرتے تھے۔
مزید پڑھیں:
کرنل (ر) کرس رومبرگ کا پیغام سادہ ہے، برطانوی فوج کے ایک سابق سپاہی اور ہولوکاسٹ سے بچ جانے والے باپ کے بیٹے کی حیثیت سے وہ سمجھتے ہیں کہ غزہ میں نسل کشی ختم ہونی چاہیے۔ ’برطانیہ کا اسرائیلی فوج کے ساتھ تعاون رکنا چاہیے، اور فلسطین ایکشن کو دہشت گرد تنظیم قرار دینا غلط ہے۔‘
دیگر لوگوں کی طرح شاید کرنل (ر) کرس رومبرگ یہ بھی چاہیں گے کہ آپ جان لیں کہ لندن کے پارلیمنٹ اسکوائر میں احتجاج شروع ہونے کے بعد لوگوں کو صرف اس جرم میں گرفتار کیا گیا کہ وہ کاغذ کے ٹکڑوں پرایک ایسی تنظیم کے حق میں اصولی حمایت کا اظہار کررہے تھے، جس نے آج تک کسی کے خلاف تشدد استعمال نہیں کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
برطانوی کرنل کرس رومبرگ
پیوٹن کا بڑا قدم: روس نے خطرناک ہتھیاروں پر پابندی ختم کر دی