طلبہ یونین کی بحالی کیلئے ہر سطح پر جائینگے ،اسلامی جمعیت طلبہ
اشاعت کی تاریخ: 19th, January 2025 GMT
250119-12-10
حیدرآباد(اسٹاف رپورٹر) ناظم اعلیٰ اسلامی جمعیت طلبہ پاکستان حسن بلال ہاشمی نے اسٹیشن روڈ حیدرآباد پر تاریخی سندھ طلبہ کنونشن سے خطاب کرتے ہوئے کہاہے کہ 64فیصد یوتھ رکھنے والے ملک کا نوجوان یہاں کے معاشی، سیاسی، تعلیمی عدم استحکام کے باعث مایوسی کا شکار ہے ملک میں دوکروڑ72لاکھ بچے تعلیم کے بنیادی حق سے محروم ہیں، اسلامی جمعیت طلبہ نوجوانوں کو مایوسی نکال کر ملک کو روشن مستقبل دے گی ہم طلبہ کے بنیادی آئینی حق طلبہ یونین کی بحالی کے لیے ہر سطح پر جائیں گے اس سلسلے میں سپریم کورٹ اور سندھ ہائی کورٹ سے رجوع کیا ہے ۔ انہوںنے کہاکہ سندھ کے تعلیمی اداروں میں 600 فیصد تک فیسوں میں اضافہ کرکے ظالم حکمرانوں نے غریب طلبہ کے لیے تعلیم کے دروازے بند کردیے ہیں سندھ پر15 برس سے برسر اقتدار جمہوریت کی دعویدار پیپلزپارٹی کے چیئرمین بلاول زرداری نے طلبہ یونین کی بحالی کا اعلان کیا تھا اور اس کا ایک نام نہاد بل بھی سندھ اسمبلی سے پاس کرایا تھا لیکن کئی سال گزر جانے کے باوجود طلبہ یونین کے انتخابات نہیں کرائے گئے جس سے تاثر ملتا ہے کہ یہ سب کچھ سیاسی پوائنٹ اسکورنگ کے لیے کیا گیا تھا اگر ملک کو عدم استحکام سے نکالنا ہے تو طلبہ کو ان کا آئینی وجمہوری حق دینا ہوگا۔ انہوںنے کہاکہ لسانی تعصب کی بنیاد پر نوجوانوں کو گمراہ کیاجارہا ہے ان پر تعلیم اور روز گاری کے دروازے بند کرکے ملک سے مایوس کیاجارہاہے جس کے باعث ایک سال میں92 ہزار گریجویٹ افرادملک چھوڑ کر باہر اپنا مستقبل تلاش کررہے ہیں حکمران چاہتے ہیں کہ ملک میں کوئی ذہین طالب علم نہ رہے اور ان کے لیے غلام در غلام پیدا ہوں۔ انہوںنے کہاکہ اگرچہ بے پناہ مسائل درپیش ہیں لیکن ہم اپنے ملک کے نوجوانوں کو مایوس نہیں ہونے دیں گے ان کو روشن مستقبل دیں گے۔ انہوںنے کہاکہ طلبہ کا اتحاد قوموں کا مستقبل تبدیل کردیتا ہے اور بنگلہ دیش کے طلبہ نے یہ ثابت کیا ہے انہوںنے کہاکہ فلسطین کے مجاہدین اور عوام کو ان کی شاندار فتح پر مبارک باد پیش کرتے ہیں اور اعلان کرتے ہیں کہ جمعیت کا ہرنوجوان ان کے ساتھ کھڑا ہے ہم غزہ کی تعمیر نو میں اپنی خدمات پیش کریںگے کنونشن سے خطاب کرتے ہوئے امیر جماعت اسلامی سندھ کاشف سعید شیخ نے کہاکہ اسلامی جمعیت طلبہ نوجوانوں کی امیدوں کا مرکز ہے جمعیت نے تعلیمی اداروں میں لادینی نظریات کو شکست دی ہم اسلامی جمعیت طلبہ کے پیش کردہ مطالبات بھی حکمرانوں سے تسلیم کرائیںگے ۔
ذریعہ: Jasarat News
کلیدی لفظ: اسلامی جمعیت طلبہ انہوںنے کہاکہ طلبہ یونین نے کہاکہ کے لیے
پڑھیں:
جماعت اسلامی سندھ کی ایران پر اسرائیلی حملے کی شدید مذمت
data-id="863a0a8" data-element_type="widget" data-widget_type="theme-post-content.default">
کراچی(اسٹاف رپورٹر) جماعت اسلامی سندھ کے امیر کاشف سعید شیخ نے صہیونی ریاست اسرائیل کی جانب سے برادر اسلامی ملک ایران پر فضائی حملے کی سخت مذمت اور پاسدارن انقلاب، آرمی چیف سمیت متعدد فوجی افسران اور سائنسدانوں کی شہادت پر گہرے دکھ اور رنج کا اظہار کرتے ہوئے کہا ہے کہ پاگل جنونی شخص نیتن یاہو نے اپنے مذموم مقاصد کے لیے پورے خطے کو آگ میں دھکیل دیا ہے، پہلے غزہ، لبنان، حماس، حزب اللہ اور اب شام پر دوسرا بڑا حملہ اس بات کا ثبوت ہے کہ اسرائیلی ریاست دنیا کی سب سے بڑی دہشت گرد ریاست ہے جسے شیطان امریکا کی مکمل سرپرستی حاصل ہے، جماعت اسلامی جارح اور فاشسٹ ریاست کی جانب سے حالیہ فضائی حملے کو ایران کی خودمختاری کی خلاف ورزی سمجھتی ہے۔اسرائیل کے اس اقدام سے نہ صرف خطے کی سلامتی کو لاحق خطرات میں اضافہ ہوگا بلکہ کشیدگی میں مزید اضافہ ہوگا،ایرانی حکومت کو اپنے تحفظ اور شہدا کا بدلہ لینے کا پورا پورا حق حاصل ہے ، امریکا کی حمایت یافتہ صہیونی ریاست اس جارحیت کے نتائج کا مکمل طور پر ذمے دار ہے۔ صہیونی ریاست کے ہاتھ نہ روکے گئے تو کل کسی اور مسلم ملک کی باری ہوگی اس لیے مسلم حکمران خواب غفلت سے بیدار ہوجائیں۔صوبائی امیر کاشف سعید شیخ نے اپنے ایک بیان میں ایران پر اسرائیلی حملے کی شدید مذمت کرتے ہوئے اسے اقوام متحدہ کے چارٹر اور عالمی قوانین کی کھلم کھلاخلاف ورزی قرار دیا ہے اور سلامتی کونسل سے امن کے لیے کردار ادا کرنے کا مطالبہ کیا ہے۔انہوں نے مزید کہا کہ اسرائیل کی جانب سے اکتوبرمیں ایران پر حملے،حماس رہنما اسماعیل ہنیہ کو شہید کرنے ،غزہ،لبنان اور شام پر مسلسل جارحیت اور مسلمانوں کے بڑے پیمانے پر قتل عام سے پہلے ہی عدم استحکام کے شکار خطے میں خطرناک حد تک کشیدگی میں اضافہ ہوچکا ہے جبکہ حالیہ حملے کے بعد تنازع کے بڑھنے اور پھیلنے کی تمام تر ذمے داری اسرائیل پر عاید ہوگی ہم اقوام متحدہ سلامتی کونسل سے مطالبہ کرتے ہیں کہ وہ بین الاقوامی امن و سلامتی کے قیام کے لیے اپنا کردار ادا کرے، اقوام متحدہ سلامتی کونسل خطے میں اسرائیلی جارحیت اور مجرمانہ رویے کے خاتمے کے لیے فوری اقدامات کرے۔حالیہ حملہ ایران کی خودمختاری کی کھلی خلاف ورزی ہے اور اسرائیلی فضائی حملے خطے میں کشیدگی کو کم کرنے کی کوششوں کو نقصان پہنچارہے ہیں۔کاشف سعید شیخ نے مزید کہا کہ اسرائیل امریکا کی سرپرستی میں پورے خطے کو جنگ میں مبتلا کرنا چاہتا ہے۔ اسرائیلی اقدامات پربین الاقوامی برادری کی خاموشی صیہونی ریاست کو دہشت گردی کا لائسنس جاری کرنے کے مترادف ہے جس کی وجہ سے صہیونی ریاست اپنی جارحانہ پالیسیوں کو جاری رکھے ہوئے ہے اور ایرانی اہداف کے خلاف بلا روک ٹوک حملوں کے ذریعے خطے میں تنازع کو وسیع کر رہی ہے۔اگر اب بھی مسلم حکمران بیدار نہ ہوئے تو پھر ایک ایک کرکے سب کی باری لگے گی اور امریکی واسرائیلی گٹھ جوڑ سے گریٹر اسرائیل کے لیے جاری سازشوں کو مزید تقویت ملے گی۔
پاکستان کا چینی جدید اسلحہ خریدنے کا عندیہ، دفاعی کمپنیوں کے شیئرز میں اضافہ