ایران کا اسرائیل پر بڑا میزائل حملہ: تل ابیب اور بیت المقدس میں دھماکے، حیفہ پاور پلانٹ میں آگ، درجنوں ہلاکتیں
اشاعت کی تاریخ: 16th, June 2025 GMT
ایران اور اسرائیل کے درمیان جاری کشیدگی شدت اختیار کرتی جارہی ہے، پیر کی صبح ایران نے اسرائیل کے مختلف شہروں پر بڑا میزائل حملہ کیا، جس میں تقریباً 100 میزائل فائر کیے گئے، ان حملوں کے نتیجے میں تل ابیب، مقبوضہ بیت المقدس اور حیفہ سمیت کئی شہر دھماکوں سے گونج اٹھے۔
حیفا میں ایک پاور پلانٹ پر میزائل گرنے سے شدید آگ بھڑک اٹھی، جس کے بعد اسرائیل کے وسطی علاقوں میں بجلی کی فراہمی معطل ہو گئی۔ تل ابیب اور دیگر شہروں میں بھی راکٹ گرنے سے متعدد عمارتوں کو نقصان پہنچا اور جانی نقصان کی اطلاعات موصول ہو رہی ہیں۔
ذرائع کے مطابق، صرف حیفا میں ایرانی حملے سے 4 افراد زخمی ہوئے، جب کہ مجموعی طور پر اب تک 14 افراد کے ہلاک اور 300 سے زائد کے زخمی ہونے کی تصدیق ہو چکی ہے، اتوار کی رات بھی ایران نے اسرائیل پر میزائلوں کی بارش کی تھی، جس سے کئی عمارتیں منہدم ہو گئیں تھیں۔
ایرانی میڈیا نے دعویٰ کیا ہے کہ بن گوریان ایئرپورٹ کو بھی میزائلوں کا نشانہ بنایا گیا ہے، تاہم اسرائیلی حکام کا کہنا ہے کہ ان کی فضائیہ نے کئی ایرانی ڈرونز اور میزائلوں کو راستے میں ہی تباہ کر دیا۔
ایرانی فوج نے سخت وارننگ دیتے ہوئے کہا ہے کہ اسرائیل کا کوئی کونا رہنے کے قابل نہیں چھوڑیں گے، اور اسرائیلی آبادکار مقبوضہ علاقوں کو فوری طور پر خالی کر دیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسرائیل ایران پاور پلانٹ تل ابیب حیفہ میزائل حملہ.ذریعہ: WE News
کلیدی لفظ: اسرائیل ایران پاور پلانٹ تل ابیب حیفہ میزائل حملہ تل ابیب
پڑھیں:
ایران کا بڑا حملہ‘ اسرائیل پر100 بیلسٹک میزائلوں کی بارش‘8افراد کے مارے جانے کی تصدیق
تہران(اردوپوائنٹ اخبارتازہ ترین-انٹرنیشنل پریس ایجنسی۔16 جون ۔2025 )اسرائیل کے تہران پر مسلسل حملوں کے بعد ایران نے اسرائیل پر اب تک سب سے بڑا حملہ کیا ہے اور تقریبا100 بیلسٹک میزائلوں کے ساتھ تل ابیب سمیت اسرائیلی تنصیبات اور اہم عمارتو ں کو نشانہ بنایا ہے آج صبح کیئے جانے ایران کے حملوں میں اسرائیلی حکام نے 8افراد کے مارے جانے کی تصدیق کی ہے .(جاری ہے)
عالمی ذرائع ابلاغ کے مطابق ایران نے آج صبح بیلسٹک میزائلوں کے ساتھ ایک بڑا حملہ کیا جس کے بعد تل ابیب، مقبوضہ بیت المقدس اور حیفہ میں دھماکوں کی آوازیں سنی گئیں، ایرانی میزائل حملے کے بعد حیفہ پاور پلانٹ میں آگ لگ گئی، رپورٹ میں بتایا گیا ہے کہ ایران نے اسرائیل پر تقریبا 100 میزائل داغے اور حیفہ، تل ابیب اور مقبوضہ بیت المقدس سمیت اہم تنصیبات اور مقامات کو نشانہ بنایا گیا ہے . ایرانی میزائل حملے سے اسرائیلی شہریوں میں خوف و ہراس پھیل گیا، صہیونی فوج نے شہریوں کو محفوظ مقامات پر منتقل ہونے کی ہدایت کردی جب کہ میزائل گرنے سے حیفہ میں قائم اسرائیل کے بڑے پاورپلانٹ میں آگ بھڑک اٹھی اسرائیلی ذرائع ابلاغ نے بھی اسے ایران کا سب سے بڑا حملہ قرار دیا ہے . رپورٹ میں بتایا گیا ہے کہ اسرائیلی کے دفاعی نظام ایرانی میزائلوں کو روکنے میں ناکام رہے ایرانی حملوں کے نتیجے میں جنوبی اسرائیل میں کم از کم 8 اسرائیلی ہلاک اور تقریباً 300 زخمی ہونے کی تصدیق کی گئی ہے ”ٹائمز آف اسرائیل“ کے مطابق حیفہ کے میئر یونا یاہاﺅ نے تصدیق کی ہے کہ شہر میں ایرانی میزائل حملے کے نتیجے میں 3 افراد ہلاک ہو گئے میئر یونا یاہاﺅ نے 12 نیوز کو بتایا کہ یہ تینوں افراد ایک ایسی تنصیب میں کام کر رہے تھے جو ہمارے لیے علاقے میں بہت اہم ہے انہوں نے ان ہلاکتوں پر افسوس کا اظہار کیا بتایا گیا ہے کئی افراد تباہ ہونے والی عمارتوں کے ملبے میں دبے ہوئے ہیں اسرائیل کی میگن ڈیوڈ ایڈم ریسکیو سروس کے مطابق 4 اموات پیتہ تیکوا کے علاقے میں ہوئیں جبکہ ایک شخص بنی براک میں مارا گیا، جہاں میزائل نے ایک رہائشی علاقے میں وسیع پیمانے پر تباہی مچائی ریسکیو سروس کا کہنا ہے کہ 92 افراد کو ہسپتال منتقل کیا گیا ہے ٹائمز آف اسرائیل کاکہنا ہے کہ آرمی ریڈیو کی ابتدائی تحقیقات کے مطابق پیتہ تیکوا میں ہلاک ہونے والے 4 میں سے 2 افراد اپنے گھروں کے محفوظ بنکرز میں مارے گئے. امریکی نشریاتی ادارے” سی این این“ کے مطابق تازہ ہلاکتوں میں کے بعد 2 روز کے دوران ایرانی حملوں میں ہلاک ہونے والے اسرائیلیوں کی تعداد 21 تک جاپہنچی ہے جبکہ ایران پر اسرائیل کے حملوں میں شہید ہونے والے ایرانی شہریوں کی تعداد 224 تک جاپہنچی ہے جبکہ 1277 افراد زخمی ہوئے ہیں اسرائیلی ایمرجنسی سروسز کے مطابق ایرانی میزائل حملوں کے بعد وسطی اسرائیل کا بڑا حصہ بجلی سے محروم ہوگیا جب کہ تل ابیب میں ایرانی میزائلوں نے متعدد اہداف کو براہ راست نشانہ بنایا. دوسری جانب اسرائیل کی جانب سے بھی ایران پر میزائل حملوں کا سلسلہ جاری ہے صہیونی ریاست نے تہران، مشہد، اصفہان سمیت مختلف مقامات پر میزائل حملے کیے جب کہ اسرائیل نے ایران کی فورڈو جوہری تنصیبات کو بھی نشانہ بنایا گیا ایرانی ذرائع ابلاغ کے مطابق مختلف شہروں پر اسرائیل کے حملوں میں جاں بحق ہونے والوں میں 90 فیصد شہری شامل ہیں جب کہ تہران میں اسرائیلی حملوں میں معصوم اور نومولود بچے بھی زخمی ہوئے ہیں .
بھارت نے حادثے کا شکار سنگاپور کے جہاز کے عملے کو بچا لیا