گوادر انٹرنیشنل ایئرپورٹ کا افتتاح کل ہوگا، تقریب کی تیاریاں مکمل
اشاعت کی تاریخ: 19th, January 2025 GMT
گوادر: گوادر انٹرنیشنل ایئرپورٹ کی افتتاحی تقریب کل (پیر) کو ہوگی، جس کی تیاریاں مکمل کر لی گئی ہیں۔
وفاقی وزیر برائے ہوابازی خواجہ آصف اس جدید ایئرپورٹ کا افتتاح کریں گے، جبکہ کراچی سے گوادر کے لیے پہلی پرواز روانہ ہوگی۔
افتتاحی پرواز پی کے 503 کی آمد پر ایئرپورٹ پر واٹر سیلیوٹ پیش کیا جائے گا۔ گوادر انٹرنیشنل ایئرپورٹ پاکستان کا دوسرا گرین فیلڈ ایئرپورٹ ہے، جو جدید ترین سہولیات سے آراستہ ہے۔
گوادر ایئرپورٹ بڑے طیاروں، بشمول ایئر بس 380، کی لینڈنگ کے لیے موزوں ہے اور یہ پاکستان میں ایوی ایشن کے شعبے میں ایک اہم سنگ میل ثابت ہوگا۔
.ذریعہ: Nai Baat
پڑھیں:
ڈیلٹا ایئر لائنز کے طیارے کو شدید طوفانی جھکڑ کا سامنا، 25 مسافر زخمی، ہنگامی لینڈنگ
سالٹ لیک سٹی سے ایمسٹرڈم جانے والی ڈیلٹا ایئر لائنز کی ایک پرواز بدھ کی شام شدید طوفانی ہوا کا شکار ہوئی جس کے نتیجے میں 25 مسافر زخمی ہو گئے اور پرواز کو منی ایپولس-اسٹ۔ پال انٹرنیشنل ایئرپورٹ پر ہنگامی طور پر لینڈ کرنا پڑا۔
یہ بھی پڑھیں: امریکا: ٹیکساس میں شدید سیلاب سے 13 افراد ہلاک، 20 بچے لاپتا، ایمرجنسی نافذ
غیر ملکی میڈیا کے مطابق ایئر بس A330-900 میں 275 مسافر اور 13 عملہ کے ارکان سوار تھے۔ پرواز شام 7:45 بجے ایئرپورٹ پر لینڈ ہوئی جہاں ایئرپورٹ کے فائر ڈیپارٹمنٹ اور پیرا میڈکس نے فوری طور پر زخمی مسافروں کی مدد کی۔ زخمیوں کو طبی امداد کے لیے مقامی اسپتالوں میں منتقل کر دیا گیا۔
ایک مسافر لیان کلیمنٹ-نیش نے میڈیا کو بتایا کہ جو لوگ سیٹ بیلٹ نہیں پہنے ہوئے تھے، وہ کیبن میں ادھر ادھر جاگرے تھے۔ انہوں نے بتایا کہ وہ چھت سے ٹکرائے اور پھر نیچے گر گئے۔ ان کا کہنا تھا کہ کٹس بھی چھت سے ٹکرائیں اور نیچے گر گئیں جس سے لوگ زخمی ہوئے اور ایسا کئی بار ہوا جو بہت خوفناک تھا۔
ڈیلٹا ایئر لائنز نے ایک بیان میں کہا ہے کہ ہم تمام ایمرجنسی ریسپانڈرز کی مدد کے لیے شکر گزار ہیں جو اس حادثے میں شامل تھے۔
ماحولیاتی تبدیلی اور طوفانی ہواؤں کا بڑھتا ہوا خطرہاگرچہ طیاروں میں ٹربولینس کے نتیجے میں شدید زخمی ہونے کے واقعات نایاب ہیں لیکن ماہرین کا کہنا ہے کہ موسمیاتی تبدیلی کے اثرات کے سبب ان واقعات میں اضافہ ہو سکتا ہے۔ یہ حالیہ حادثہ اس سال رپورٹ ہونے والے طوفانی ہواؤں سے متاثرہ پروازوں میں سے ایک ہے جو ہوا بازی کی سلامتی کے بارے میں آگاہی کو بڑھا رہا ہے۔
مزید پڑھیے: احمد آباد طیارہ حادثہ، بھارتی تاریخ کے بدترین فضائی سانحات میں المناک اضافہ
جنوری میں واشنگٹن ڈی سی کے اوپر پیش آنے والے ایک فضائی تصادم میں 67 افراد کی جان چلی گئی تھی جبکہ حال ہی میں ڈینور انٹرنیشنل ایئرپورٹ پر ایک جہاز میں آگ لگنے کے بعد مسافروں کو ایمرجنسی سلائیڈ کے ذریعے باہر نکالا گیا تھا۔
جون میں ایک امریکی ایئر لائنز کی پرواز کو میامی سے رالی ڈورہم، نارتھ کیرولائنا جانے کے دوران طوفانی ہوا کا سامنا ہوا جس میں 5 مسافر زخمی ہوئے۔ اسی ماہ جرمنی کے جنوبی علاقے میں ایک رائن ایئر کی پرواز کو شدید طوفانی ہوا کا سامنا کرنا پڑا جس کے نتیجے میں نو افراد زخمی ہوئے۔
مزید پڑھیں: احمد آباد طیارہ حادثہ: سابق وزیراعلیٰ وجئے روپانی بیٹی سے ملنے لندن جارہے تھے
مارچ میں سان فرانسسکو سے سنگاپور جانے والی یونائیٹڈ ایئر لائنز کی ایک پرواز نے فلپائن کے اوپر شدید طوفانی ہوا کا سامنا کیا جس کے نتیجے میں 5 مسافر زخمی ہوئے۔
مہلک واقعہمئی 2024 میں سنگاپور ایئر لائنز کی پرواز میں شدید ٹربولینس کے باعث ایک شخص کی موت واقع ہو گئی تھی جو کئی دہائیوں میں کسی بڑے ایئر لائن حادثے میں ٹربولینس کے سبب ہونے والی پہلی ہلاکت تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا ڈیلٹا ایئر طیارے کو حادثہ ڈیلٹا ایئر لائنز سالٹ لیک سٹی
نومنتخب سینیٹرز کی کامیابی کا نوٹیفکیشن جاری