معروف موسیقاراے آر رحمان ریاض میں پہلی بار اپنے فن کا مظاہرہ کریں گے
اشاعت کی تاریخ: 20th, January 2025 GMT
سعودی، بھارتی اور پاکستانی صحافیوں کے علاوہ سوشل میڈیا کا گروپ فوٹو
سعودی دالحکومت ریاض میں ویثولائیزایونٹس کی جانب سے پریس بریفنگ کا اہتمام کیا گیا جس میں بتایا گیا کہ عالمی شہرت یافتہ موسیقارلیجنڈری موسیقار اے آر رحمان پہلی مرتبہ 21 فروری 2025 کو سعودی دالحکومت ریاض میں لائیو پرفارم کریں گے۔ یہ تقریب جبل اجیاد روڈ ، دحیات نمر ، ریاض میں واقع دیراب پارک میں ہوگی۔ ریاض کے کراؤن پلازہ الوحہ میں منعقدہ پریس بریفنگ میں سعودی، بھارتی اور پاکستانی صحافیوں کے علاوہ سوشل میڈیا انفلونسرزکی بڑی تعداد موجود تھی۔ اس موقعہ پرآرگنائزرز مسٹر ایس سینتھل ویلاوان ، مسٹر ویلو سی آر ، محترمہ حیفہ اور مسٹر نیتن کا کہنا تھا کہ اے آر رحمان بھارت اور پاکستان سمیت دنیا بھرمیں مقبول ہیں ان کا میوزک لاکھوں دلوں کی آواز بن کر جذبات اور احساسات کی ترجمانی کرتا ہے۔ اس موقعہ پر اے آر رحمان نے ویڈیو لنک کے ذریعے اظہار خیال کرتے ہوئے کہا کہ انہیں انتہائی خوشی ہے کہ وہ پہلی مرتبہ دارالحکومت ریاض میں پرفارم کرنے جا رہے ہیں اور انہیں بھارت،پاکستان سمیت دیگر ممالک کے لوگوں سے ملنے کا موقعہ ملے گا اور وہ سعودی گورنمنٹ کے بھی مشکور ہیں جن کے تعاون سے یہ خوبصورت ایونٹ سجنے جا رہا ہے۔ یہ عظیم الشان تقریب نہ صرف اے آر رحمان کی لازوال فنکاری کا جشن منائے گی بلکہ تمام حاضرین کے لیے ایک ناقابل فراموش تفریحی تجربہ بھی فراہم کرے گی اس ایونٹ کے ٹکٹ جلد ہی آفیشل ایونٹ چینلز کے ذریعے دستیاب ہوں گے۔
.ذریعہ: Jasarat News
کلیدی لفظ: اے ا ر رحمان ریاض میں
پڑھیں:
بلبل صحرا گلوکارہ ریشماں کو مداحوں سے بچھڑے 12 برس بیت گئے
لاہور (نیوزڈیسک) معروف فوک گلوکارہ ریشماں کو مداحوں سے بچھڑے 12 برس بیت گئے،’’ بُلبلِ صحرا‘‘ کے گائے گیتوں کا سحر آج بھی برقرار ہے۔
گلِ صحرائی اور لمبی جدائی، معروف لوک گلوکارہ ریشماں 1947ء میں راجستھان میں پیدا ہوئیں، برصغیر کی تقسیم کے بعد ان کا خاندان ہجرت کر کے کراچی منتقل ہوگیا، خانہ بدوش خاندان سے تعلق رکھنے والی ریشماں نے کم عمری میں ہی صوفیانہ کلام گانا شروع کر دیا۔
ریشماں نے کلاسیکی موسیقی کی کوئی تربیت حاصل نہیں کی، ریڈیو کے ایک پروڈیوسر سلیم گیلانی نے لعل شہباز قلندر کے مزار پر ننھی ریشماں کو گاتے ہوئے سنا، 12 سال کی عمر میں ریشماں کو ریڈیو پاکستان پر آواز کا جادو جگانے کا موقع ملا۔
1960ء کی دہائی میں پاکستان ٹیلی ویژن کی بنیاد رکھی گئی تو ریشماں نے ٹی وی کیلئے گانا شروع کر دیا، انہوں نے پاکستانی فلموں کیلئے متعدد گیت گائے اور خوب شہرت سمیٹی، ریشماں کی مقبولیت سرحد پار بھی پہنچی اور بالی ووڈ میں یہ سحر انگیز آواز گونجی۔
معروف فوک گلوکارہ کے مشہور گیتوں میں ’’سُن چرخے دی مِٹھی مِٹھی کُوک‘‘، ’’وے میں چوری چوری‘‘، ’’اکھیاں نوں رین دے اکھیاں دے کول کول‘‘، ’’ہائے ربا نیئوں لگدا دِل میرا‘‘، ’’عاشقاں دی گلی وچ مقام دے گیا‘‘ شامل ہیں۔
ریشماں کو ستارہ امتیازاور لیجنڈز آف پاکستان کے اعزاز سے بھی نوازا گیا، لوک گلوکارہ 3 نومبر 2013ء میں گلے کے سرطان کے باعث لاہور میں انتقال کر گئی تھیں۔
کیا پاکستان اسٹاک مارکیٹ اس سال کے اختتام پرنئی تارخ رقم کر پائے گی؟