نیشنل اسٹیڈیم کراچی کے نئے انکلوژرز کن 2 اسٹار کھلاڑیوں کے نام سے منسوب؟
اشاعت کی تاریخ: 23rd, January 2025 GMT
لیجنڈری پاکستانی بلے باز یونس خان اور مشہور آل راؤنڈر شاہد آفریدی کو خراجِ تحسین پیش کرتے ہوئے نیشنل بینک اسٹیڈیم کراچی میں انکلوژرز کے نام ان کے ناموں پر رکھے جائیں گے۔ یہ اعزاز آئی سی سی مینز چیمپیئنز ٹرافی 2025 سے پہلے دیا جائے گا۔ یہ اقدام اسٹیڈیم کی تزئین و آرائش کے بڑے منصوبے کا حصہ ہے جو تکمیل کے قریب ہے۔ حکام اس بات کو یقینی بنا رہے ہیں کہ یہ کام اس بڑے ٹورنامنٹ سے پہلے مکمل ہو جائے۔
فیصلے کے مطابق مجید خان انکلوژر کا نام یونس خان کے نام پر رکھا جائے گا جبکہ قائد انکلوژر کا نام شاہد آفریدی کے نام سے منسوب کیا جائے گا۔ اسی طرح ظہیر عباس انکلوژر کا نام نذر محمد کے نام پر رکھا جائے گا۔ نئے تعمیر شدہ پیٹرن انکلوژرز کو لیجنڈری کرکٹرز ظہیر عباس اور مجید خان کے نام سے منسوب کیا جائے گا۔
مزید پڑھیں: قذافی اسٹیڈیم لاہور کا نیا روپ، چیمپیئنز ٹرافی کے لیے کب تک تیاری ممکن؟
اسٹیڈیم میں 5 منزلہ عمارت تعمیر کی گئی ہے، جس میں جدید سہولیات موجود ہیں، بشمول آئی سی سی اینٹی کرپشن اور اینٹی ڈوپنگ یونٹس، فزیو رومز، اور گراؤنڈ فلور پر میچ آفیشلز کے لیے کمرے ہیں جبکہ دوسرے فلور پر ڈریسنگ رومز قریباً مکمل ہو چکے ہیں۔
نئی عمارت کے تیسرے اور چوتھے فلور پر 24 ہاسپیٹیلٹی باکسز تیار ہو رہے ہیں جو ایک ہزار تماشائیوں کی گنجائش رکھتے ہیں۔ 5ویں فلور پر چیئرمین باکس اور ایڈمن بلاک آخری مراحل میں ہیں۔
نیشنل اسٹیڈیم کراچیمیں 2 نئے ڈیجیٹل اسکور بورڈز نصب کیے جا رہے ہیں، جن میں مرکزی اسکرین کا سائز 80×30 فٹ ہے۔ آسٹریلیا اور جنوبی افریقہ کے اسٹیڈیمز کی طرز کے جدید ایل ای ڈی فلڈ لائٹس 6 پولز پر نصب کی جا رہی ہیں، جو شاندار ویوئنگ تجربہ فراہم کریں گی۔
مزید پڑھیں: پاکستان اور ویسٹ انڈیز کے درمیان ملتان ٹیسٹ تاریخ کا مختصر ترین میچ
تماشائیوں کے لیے آرام دہ نشستوں کا انتظام بھی کیا جا رہا ہے، جن میں سے کچھ قذافی اسٹیڈیم سے منتقل کی گئی ہیں۔ وی آئی پی پویلینز نئے تعمیر شدہ عمارت کے گرد خصوصی نشستوں کی سہولت فراہم کریں گے، جبکہ کھلاڑیوں کے لیے میدان میں جانے کے لیے جدید راستہ بھی تیار کیا جا رہا ہے۔
واضح رہے کہ تزئین و آرائش کے اس منصوبے کی وجہ سے ڈومیسٹک میچز متاثر ہوئے ہیں، قائداعظم ٹرافی کا فائنل یو بی ایل گراؤنڈ منتقل کیا گیا، جبکہ ویسٹ انڈیز کے خلاف پہلا ٹیسٹ میچ بھی ملتان میں کھیلا گیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
شاہد آفریدی قائداعظم ٹرافی کرکٹر یونس خان نئے انکلوژرز نذر محمد نیشنل بینک اسٹیڈیم کراچی یونس خان.ذریعہ: WE News
کلیدی لفظ: شاہد آفریدی قائداعظم ٹرافی کرکٹر یونس خان نئے انکلوژرز نیشنل بینک اسٹیڈیم کراچی یونس خان یونس خان جائے گا فلور پر کے نام کے لیے کیا جا
پڑھیں:
ایشیا کپ: پاکستان ٹیم کی اسٹیڈیم روانگی اچانک روک دی گئی
data-id="863a0a8" data-element_type="widget" data-widget_type="theme-post-content.default">
ایشیا کپ میں پاکستان ٹیم کے شرکت کے حوالے سے پیدا ہونے والا ڈیڈ لاک ختم ہونے کے امکانات پیدا ہوگئے ہیں۔
ذرائع کے مطابق میچ ریفری اینڈی پائی کرافٹ کی معذرت کی صورت میں معاملہ ختم ہوسکتا ہے، اور اس صورت میں پاکستان ٹیم آج یو اے ای کے خلاف میدان میں اترنے پر غور کرسکتی ہے۔ تاہم اس حوالے سے پاکستان کرکٹ بورڈ (پی سی بی) کو تاحال انٹرنیشنل کرکٹ کونسل (آئی سی سی) کی جانب سے باضابطہ جواب موصول نہیں ہوا۔
ذرائع کا کہنا ہے کہ اگر ریفری کی تبدیلی کی تصدیق نہ ہوئی تو پاکستان ٹیم اسٹیڈیم نہیں جائے گی۔ اس وقت کھلاڑی ہوٹل میں موجود ہیں اور ٹیم انتظامیہ اور پلیئرز کے درمیان مسلسل مشاورت جاری ہے۔ دوسری جانب چیئرمین پی سی بی محسن نقوی بھی مسلسل حکام سے رابطے میں ہیں اور حتمی فیصلہ آئی سی سی کی جانب سے ای میل موصول ہونے پر کیا جائے گا۔
یاد رہے کہ تنازع اس وقت شروع ہوا جب اتوار کو پاک بھارت میچ کے دوران ٹاس کے موقع پر ریفری اینڈی پائی کرافٹ نے پاکستانی کپتان سلمان آغا کو ہدایت دی تھی کہ ٹاس کے دوران ہاتھ ملانے کی اجازت نہیں ہے۔ انہوں نے پاکستان میڈیا منیجر کو بھی کہا تھا کہ اس معاملے کی ریکارڈنگ نہ کی جائے۔ بعد ازاں میچ کے اختتام پر پاکستان ٹیم منیجر نوید اکرم چیمہ نے ٹورنامنٹ ڈائریکٹر اینڈریو رسل کے سامنے تحفظات رکھے تھے۔
ذرائع کے مطابق اینڈریو رسل نے وضاحت کرتے ہوئے کہا تھا کہ یہ ہدایات بھارتی بورڈ کی جانب سے ملی ہیں اور اس کے پیچھے بھارتی حکومت کی ہدایات بھی شامل ہیں۔ پاکستان نے اس رویے پر سخت مؤقف اپنایا اور واضح کیا کہ اگر ریفری تبدیل نہ کیا گیا تو ٹیم ایشیا کپ کے مزید میچز میں شرکت نہیں کرے گی۔
اسٹاک ایکسچینج میں بلندی کا نیا ریکارڈ؛ معیشت کی سمت درست اور ترقی کا سفر جاری ہے، وزیراعظم