قنبرعلی خان ،پولیس مقابلے میں 4خطرناک ڈاکو زخمی
اشاعت کی تاریخ: 25th, January 2025 GMT
قنبر علی خان(نمائندہ جسارت) ایس ایس پی قنبر شہدادکوٹ ساجد امیر سدوزئی کے احکامات پر پولیس کی بھاری نفری کا ضلع جیکب آباد کے علاقے پنہوں بھٹی میں مسلح ڈاکوؤں کے خلاف بھرپور ٹارگیٹڈ آپریشن دوبدو پولیس مقابلے میں علاقے کے چار خطرناک ڈاکو زخمی جبکہ ڈاکوؤں کی جوابی فائرنگ میں ایک پولیس جوان زخمی۔ تفصیلات کے مطابق ایس ایس پی قنبر شہدادکوٹ ساجد امیر سدوزئی کے احکامات پر قنبر شہدادکوٹ پولیس کا ڈاکوؤں اور جرائم پیشہ عناصر کے منظم گروہوں کے خلاف ضلع جیکب آباد کے علاقے پنہوں بھٹی میں ٹارگٹڈ آپریشن سی آئی اے پاسبان سمیت ضلع کی بھاری نفری نے پولیس موبائلز ، اے پی سی چین اور جدید آلات سمیت آپریشن میں حصہ لیا یہ آپریشن ضلع جیکب آباد کی حدود میں ڈھانی گینگز کے خلاف کیا جا رہا ہے جن میں بدنام زمانہ ڈاکوّ خانو ڈھانی، شیرو ڈھانی، امانو ڈھانی، اکرو ڈھانی ، رزاق ڈھانی اور یاسین ڈھانی شامل ہیں ضلعی پولیس نے ڈاکوّوں کے ٹھکانوں اور کمین گاہوں کو جلاکر مسمار کر کے تباہ کر دیا ہے اس ٹارگیٹڈ آپریشن کے دوران پولیس اور ڈاکوؤں کے درمیاں دوبدو فائرنگ کا تبادلہ بھی ہوا ہے اس پولیس مقابلے کے دوران ضلع قنبر شہدادکوٹ کی تحصیل میرو خان پولیس تھانے کا ایک پولیس جوان محمد اسماعیل بروہی زخمی ہوا ہے جبکہ دوسری جانب چار ڈاکوئوں کے زخمی ہونے کی بھی اطلاعات ملی ہیں جس کے بعد پولیس ڈاکوؤں کے خون کے نشانات کی نشاندہی پر مسلسل آگے بڑھ رہی ہے اور حکمتِ عملی کے ساتھ مزید پیش قدمی کرکے مسلح ڈاکوؤں کے خلاف بھرپور جوابی کارروائی کی جا رہی ہے جبکہ دوسری جانب زخمی پولیس جوان محمد اسماعیل بروہی کو فوری علاج کیلئے لاڑکانہ اسپتال منتقل کر دیا گیا ہے۔ا س حوالے سے ایس ایس پی قنبر شہداد کوٹ ساجد امیر سدوزئی نے بریفنگ کے دوران بتایا کہ اس ٹارگیٹڈ آپریشن کے دوران چند مشکوک افراد کو بھی حراست میں لے لیا گیا ہے جن کا انٹروگیشن کرکے پولیس تھانوں میں کرمنل ریکارڈ ویریفائی کیا جا رہا ہے انہوں نے کہاکہ جب تک ڈاکو ہتھیار ڈال کر اپنے آپ کو قانون کے حوالے نہیں کرتے یا ان کی گرفتاریاں عمل میں نہیں آتی تب تک یہ بھرپور آپریشن جاری رہے گا۔ انہوں نے کہاکہ ضلع میں امن و امان کی فضا کو مزید مستحکم بنانے اور جرائم پیشہ افراد کا گھیرا تنگ کرنے کیلئے پولیس کی جانب سے جامع منصوبہ بندی کے تحت کارروائیوں کا سلسلہ جاری رہے گا ۔انہوں نے کہاکہ آپریشن کا مرکز ضلع جیکب آباد کے علاقے پنہوں بھٹی اور گڑھی خیرو کے علاقے ہیں جہاں جرائم پیشہ افراد کا قلع قمع کر کے امن و امان کی صورتحال کو برقرار رکھا جائے گا۔
.ذریعہ: Jasarat News
کلیدی لفظ: ضلع جیکب ا باد قنبر شہدادکوٹ ڈاکوو ں کے کے علاقے کے دوران کے خلاف
پڑھیں:
قلات سکیورٹ: فورسز کا آپریشن ، ھارتی حمایت یا فتہ 8دہشتگر دہلاک : بنون میں 2پولیس چوکیوں پر حملے ناکام
اسلام آباد ‘قلات‘ پشاور (خبر نگار خصوصی +نمائندہ خصوصی +نیٹ نیوز) سکیورٹی فورسز نے بلوچستان کے علاقے قلات میں کامیاب آپریشن کر کے فتنہ الہندوستان کے 8 دہشت گردوں کو ہلاک کر دیا۔ پاک فوج کے شعبہ تعلقات عامہ (آئی ایس پی آر) کے مطابق سکیورٹی فورسز نے آپریشن کے دوران بھارتی حمایت یافتہ دہشت گردوں فتنہ الہندوستان کے ٹھکانے کو کامیابی سے نشانہ بنایا اور اس دوران فائرنگ کے تبادلے میں چار دہشت گرد ہلاک ہوئے جن کے قبضے سے بھارتی مقدار میں اسلحہ، گولہ بارود اور دھماکہ خیز مواد برآمد ہوا ہے۔ آئی ایس پی آر کے مطابق علاقے میں مزید کلیئرنس اور سرچ آپریشن کیا گیا جس کے دوران مزید چار دہشت گردوں کو ہلاک کیا اور ایک ٹھکانے کو تباہ کیا گیا۔ یہاں سے بھی کارروائی کے دوران بڑی مقدار میں اسلحہ، گولہ بارود اور دھماکہ خیز مواد بھی برآمد ہوا۔ آئی ایس پی آر کا کہنا ہے کہ پاکستان کی سکیورٹی فورسز قوم کے شانہ بشانہ بلوچستان کے امن، استحکام اور ترقی کو سبوتاژ کرنے کی بھارتی سازشوں کو ناکام بنانے کے لیے پرعزم ہیں۔ بلوچستان میں دشمن کے ایجنٹوں کے خلاف جاری کارروائیاں اس عزم کی عکاسی کرتی ہیں کہ ملک کا ہر انچ دشمن عناصر کے ناپاک عزائم سے محفوظ رکھا جائے گا۔ صدرِ مملکت آصف علی زرداری نے قلات، بلوچستان میں سکیورٹی فورسز کو فتنتہ الہندوستان کے 8 دہشت گردوں کے خاتمے پر خراجِ تحسین کیا۔ وفاقی وزیر داخلہ محسن نقوی نے قلات میں بھارتی سپانسرڈ دہشتگردوں کے خلاف کامیاب انٹیلیجنس بیسڈ آپریشن پر سکیورٹی فورسز کو خراج تحسین کیا اور اْن کی پیشہ ورانہ صلاحیتوں کو سراہا ہے۔ پشاور‘ پولیس کی بروقت جوابی کارروائی سے خوارج کے چوکیوں پر حملے ناکام بنا دئیے گئے۔ ذرائع کے مطابق بنوں میں چوکی مزانگہ اور چوکی شیخ لنڈک پر خوارج کے حملے پولیس کی بھرپور جوابی کارروائی سے ناکام بنا دئیے گئے۔ آئی جی پولیس ذوالفقار حمید اور آر پی او بنوں سجاد خان نے پولیس اہلکاروں کو بروقت کارروائی پر شاباش دی اور انعامات کا اعلان کیا۔ پولیس کے مطابق گزشتہ شب تھانہ ہوید بنوں کی حدود میں 2 چوکیوں شیخ لنڈک پر ڈرون اور مزانگہ پر خوارج نے چھوٹے بڑے جدید ہتھیاروں سے حملے کیے۔ حملے میں پولیس کے تھرمل کیمرہ ٹیکنالوجی کو نشانہ بنانے کی کوشش کی گئی۔
کپاس کا مسلسل زوال معیشت کے لیے خطرہ بن گیا ہے