زراعت اور وزیر اعلیٰ پنجاب کا کسان پیکیج
اشاعت کی تاریخ: 27th, January 2025 GMT
دل چاہتا ہے کہ آج زراعت اور کسان کی بات کروں۔ میں بچپن سے سنتا اور پڑھتا آ رہا ہوں کہ پاکستان ایک زرعی ملک ہے‘ دنیا کا سب سے بڑا اور جدید نہری نظام ہمارے پاس ہے‘ ہماری معیشت کا 70فیصد زراعت پر مشتمل ہے۔ مجھے یاد ہے کہ ہمارے ہاں زمیندار کا مطلب خوشحالی اور رعب داب ہوا کرتا تھا‘ شہری بابو سمجھا کرتے تھے کہ گاؤں سے جو بھی آتا ہے‘ اس کے پاس کھیت ہوتے ہیں‘ مویشی ہوتے ہیں‘ وہ بااثر اور خوشحال ہوتا ہے۔
اس میں سچائی بھی تھی لیکن پھر وقت بدلنے لگا‘ سرکاری بابوؤں نے ایسی پالیسیاں تشکیل دیں‘ جن کی بدولت زرعی ملک بدحال ہو گیا اور زمیندار غریب۔ آج حالت یہ ہے کہ کسانوں اور کاشتکاروں کے کڑیل جوان بیٹے اپنے سوکھے کھیت چھوڑ کر شہروں میں مزدوری کرتے ہیں۔
ہر حکومت نے کاشتکاروں اور دیہات کو خوشحال بنانے کے نعرے لگائے ہیں لیکن زراعت دن بدن زوال پذیر ہوتی رہی ہے۔کیسا المیہ ہے کہ ایک زرعی ملک سبزیاں تک بیرون ملک سے منگوانے پر مجبور ہوجاتا ہے۔ یہ ساری باتیں اس لیے عرض کی ہیں کہ آپ کو بتاؤں کہ اب محترمہ مریم نوازشریف بھی زراعت کو ترقی دینے کے مشن پر ہیں‘اﷲ کرے کہ وہ کامیاب ہوں کیونکہ میں سمجھتا ہوں کہ کسان خوشحال ہوگا تو پاکستان خوشحال ہوگا۔وہ جو کچھ کررہی ہیں، بظاہر پنجاب کے لیے ہے لیکن یاد رکھنے کی بات یہ ہے کہ پنجاب میں کھیت لہلہائیں گے تو سمجھیں پورا پاکستان لہلہائے گا۔
زرعی ماہرین پنجاب کو پاکستان کی فوڈ باسکٹ کہتے ہیں، بلاشبہ پاکستان بھر کے عوام جو اناج استعمال کررہے ہیں، اس کا 75فیصد تنہا پنجاب پیدا کرتا ہے۔جھنگ کے ایک معروف زراعت کار صفدر سلیم سیال مرحوم مجھے کہا کرتے تھے کہ ’’ چوہدری صاحب! پنجاب دودھ کا گھر ہے، اس خطے کی گائے، بھینس، بکری اور بھیڑ پوری دنیا کے اعلیٰ ترین دودھیل جانور ہیں۔ اگر ہم صرف زراعت پر توجہ کریں تو پاکستان پوری دنیا کو دودھ ایکسپورٹ کرنے والا سب سے بڑا ملک بن سکتا ہے۔ ‘‘ کہنے کا مطلب یہ ہے کہ پاکستان اگر زرعی معیشت پر ہی توجہ مرکوز کر لے تو مجھے یقین ہے کہ دس پندرہ برس میں خوشحالی ہمارا مقدر بن جائے گی ۔
محترمہ مریم نواز کو وزارت اعلیٰ سنبھالے ہوئے محض 10ماہ ہوئے ہیں، انھوں نے چار سوارب روپے سے زائد کا ’’ٹرانسفارمنگ پنجاب ایگریکلچر پروگرام‘‘ لانچ کردیا ہے ۔ مالی سال 2024-25 کے بجٹ میں پیداواری اہداف کے حصول کے لیے 64 ارب روپے مختص ہیں جوگزشتہ سال سے 250 فیصد زیادہ ہے۔ ٹرانسفارمنگ پنجاب ایگریکلچر پروگرام کے لیے جو رقم مختص کی گئی ہے، وہ الگ ہے۔
محترمہ مریم نواز نے گزشتہ دنوں دورہ حافظ آباد کے دوران کسان کارڈ کے اجراء کا افتتاح کیا ہے۔ کسان کارڈ کے تحت ایک ایکڑ سے ساڑھے 12 ایکڑ ملکیتی اراضی کے کسانوں کو ڈیڑھ سوارب روپے کے بلا سود قرضہ جات فراہم کیے جا رہے ہیں۔موجودہ ربیع سیزن میں 53ارب روپے کے قرضہ جات کی منظوری ہوئی ہے۔ پنجاب میں کسانوں نے اس رقم سے 32 ارب روپے سے زائد کی خریداری کر لی ہے جس میں سے91 فیصد رقم گندم کی فصل کے بیج اور کھاد کے لیے خرچ ہوئی ہے۔ کسان کارڈ سے 30 ہزار روپے نقد رقم بھی نکلوائی جا سکتی ہے ۔
سننے میں آیا ہے کہ محترمہ مریم نواز شریف نے پنجاب کی بیوروکریسی کو خصوصی احکامات جاری کیے ہیں ، جس کے بعد ساڑھے سات لاکھ کسانوں کو فوری طور پرکسان کارڈ جاری کیے گئے ہیں ۔ بیوروکریسی سے کام لینا ہی کسی وزیراعلیٰ یا وزیراعظم کی سب سے بڑی کامیابی ہوتی ہے۔
بینک آف پنجاب اور محکمہ زراعت کے لیے یہ تاریخ کا سب سے بڑا منصوبہ ہے اور اب تک13لاکھ سے زائد کاشتکاروں نے آن لائن درخواستیں دی ہیں ، بینک نے سکروٹنی کے بعد 4لاکھ 50ہزار کاشتکاروں کی کسان کارڈ کے حصول کے لیے تصدیق کر دی ہے۔ اس سے اس فلیگ شپ پروگرام کی پذیرائی کا اندازہ کیا جا سکتا ہے۔ کسان کارڈ کے استعمال کے لیے پنجاب بھر میں 3ہزار ڈیلرز کی رجسٹریشن کی گئی اور پی او ایس مشینوں کے ذریعے خریداری کی جا رہی ہے۔
محترمہ مریم نواز کا یہ کہنا ہے کہ ہم کسان کارڈ اسکیم کے اجراء سے ہم براہ راست کسان تک پہنچ گئے ہیں اور انھیں مڈل مین اور آڑھتی کے چنگل سے آزادی مل گئی ہے۔ اﷲ کرے کسانوں کو مڈل مین اور آڑھتی کی زیادتیوں سے نجات مل جائے اور اسے اپنی محنت کا پورا پھل ملنا شروع ہوجائے۔ پاکستان میں زرعی منڈیوں کا نظام ٹھیک ہوجائے تو کسان کا مالی استحصال ختم ہوجائے گا۔
بیچ،کھاد اور زرعی ادویات کی قیمتوں میں بھی ٹھہراؤ آرہا ہے۔نان کمپیوٹرائزڈ موضع جات میں مینوئل طریقے سے وزیر اعلیٰ پنجاب کسان کارڈ کے حصول کے لیے کاشتکاروں کی رجسٹریشن کا عمل جاری ہے ، اس حوالے سے پٹواریوں، نمبرداروں، تھانیداروں اور دیگر بااثر لوگوں کو بھی خوف خدا کا مظاہرہ کرنا چاہیے اور کسی غریب کے ساتھ زیادتی نہیں کرنی چاہیے۔ یہ خبر حوصلہ افزا ہے کہ کسان کارڈ کے ذریعے خریداری کی باقاعدہ مانیٹرنگ کی جا رہی ہے اور شکایت کی صورت میں سخت کارروائی کرنے کا اعلان کیا گیا ہے۔ ’’ نوجوان زرعی گریجویٹس انٹرن شپ پروگرام‘‘ بھی ایک اچھا منصوبہ ہے۔
یہ بھی محترمہ مریم نواز کا ہی ویژن ہے، اس پروگرام کے تحت زرعی گریجویٹس کی تربیت کی جائے گی، کاشتکاروں کو بھی جدید زرعی پیداواری ٹیکنالوجی سے آگاہی اور فنی تربیت دی جائے گی اس پروگرام کے لیے 1 ارب روپے مختص کیے گئے ہیں۔ امسال اس پروگرام کے تحت 1 ہزار زرعی گریجویٹس کو بھرتی کیا گیا ہے جن میں 40 فیصد خواتین شامل ہیں۔ ہر زرعی گریجویٹس کو ماہانہ 60 ہزار روپے معاوضہ دیا جارہا ہے۔ ’’وزیر اعلیٰ پنجاب گرین ٹریکٹر پروگرام‘‘ کے لیے30 ارب روپے کی خطیر رقم مختص کی گئی ہے ۔اس پروگرام کے تحت 10لاکھ روپے فی ٹریکٹر سبسڈی کاشتکاروں کو فراہم کی گئی ہے۔ منتخب کاشتکاروں کوٹریکٹرز کی ڈلیوری ہو چکی ہے۔
اسموگ کنٹرول پروگرام کے تحت فصلوں کی باقیات کو جدید سائنسی انداز میں تلف کرنے کے لیے 5 ارب روپے کی خطیر رقم سے دھان کے کاشتکاروں کو 60 فیصد سبسڈی پر سپرسیڈرز فراہم کیے جا رہے ہیں۔1 ہزار سپر سیڈرزکاشتکاروں کو فراہم کیے جا چکے جب کہ مزید2 ہزار سپر سیڈرز ستمبر 2025کے آخر میں فراہم کیے جائیں گے۔
گزشتہ سال سپرسیڈرز کے استعمال سے1 لاکھ10 ہزار ایکڑ پر دھان کی باقیات کو کارآمد بنایا گیا جس سے اسموگ پر قابو پانے میں مدد ملی۔اس کے علاوہ 1ارب 17 کروڑ روپے کی خطیر رقم سے ملتان،بہاولپور،سرگودھا اور ساہیوال میں 4 ماڈل ایگریکلچرل مالز زیرِ تعمیرہیں۔ یہاں سے کاشتکاروں کو معیاری بیج، کھاد اور زرعی ادویات مقرر کردہ نرخوں پر فراہم کیے جائیں گے، یہاں سے جدید زرعی مشینری کرایہ پر بھی ملے گی۔ 30 جون2025 تک یہ مالزمکمل ہو جائیں گے۔ آٹھ ہزار ٹیوب ویلز کو شمسی توانائی پر منتقلی کے لیے9 ارب روپے رکھے گئے ہیں۔
تیلدار اجناس کی پیداوار کو فروغ دینے کے لیے1 ارب روپے کی خطیر رقم مختص کی گئی ہے۔ گندم کے کاشتکاروں کے لیے وزیراعلیٰ پنجاب نے 25 ایکڑ سے زائد رقبے پر گندم کاشت کرنے والے کسانوں کو 1,000 ٹریکٹرز اور12.
بے شک محترمہ مریم نواز شریف نے بطور وزیراعلیٰ دس ماہ کی قلیل مدت میں زرعی شعبے میں اصلاحات کا عمل شروع کر دیا ہے، اگر پنجاب کی افسرشاہی سے سو فیصد رزلٹ لیا جائے تو صوبے کی زراعت یقیناً بہتر ہوجائے گی۔
میں ایک بار پھر کہوں گا کہ زراعت ہی پاکستان کو خوشحال بنا سکتی ہے۔ پنجاب کی وزیراعلیٰ محترمہ مریم نواز نے درست سمت کا انتخاب کیا ہے، سندھ کے وزیراعلیٰ مراد علی شاہ، خیبر پختونخوا کے وزیراعلیٰ علی امین گنڈا پور اور بلوچستان کے وزیراعلیٰ میرسرفراز بگٹی بھی زراعت پر فوکس کریں، کیونکہ خوراک میں خود کفالت ہی پاکستان کی سربلندی کی ضامن ہے۔
ذریعہ: Express News
کلیدی لفظ: محترمہ مریم نواز روپے کی خطیر رقم پروگرام کے تحت زرعی گریجویٹس اس پروگرام کے فراہم کیے جا کسان کارڈ کے کسانوں کو کی گئی ہے فراہم کی ارب روپے یہ ہے کہ جائے گی کسان کا گئے ہیں مختص کی کے لیے
پڑھیں:
بلاول بھٹو زرداری کی قیادت میں نو رکنی اعلی سطحی وفد لندن پہنچ گیا.
سابق وزیر خارجہ اور پاکستان پیپلز پارٹی کے چیئرمین بلاول بھٹو زرداری کی قیادت میں نو رکنی اعلی سطحی وفد واشنگٹن اور نیویارک کے کامیاب دورے مکمل کرنے کے بعد لندن پہنچ گیا ہے۔ وفد کو وزیر اعظم شہباز شریف نے بھارت کے ساتھ حالیہ گشیدگی پر پاکستان کا موقف پیش کرنے اور جموں و کشمیر کے تنازع کو اقوام متحدہ کی سلامتی کونسل کی قراردادوں اور کشمیری عوام کی امنگوں کے مطابق حل کرنے کی ضرورت کو اجاگر کرنے کے لیے مقرر کیا ہے۔ وفد کے دیگر ارکان میں وزیر برائے موسمیاتی تبدیلی ڈاکٹر مصدق مسعود ملک؛ چیئرپرسن، سینیٹ کی قائمہ کمیٹی برائے موسمیاتی تبدیلی اور سابق وزیر برائے اطلاعات و موسمیاتی تبدیلی، سینیٹر شیری رحمان؛ قومی اسمبلی کی قائمہ کمیٹی برائے خارجہ امور کی چیئرپرسن اور سابق وزیر خارجہ حنا ربانی کھر۔ سابق وزیر تجارت، دفاع اور خارجہ امور، انجینئر خرم دستگیر خان؛ سینیٹ میں ایم کیو ایم کے پارلیمانی لیڈر و سابق وزیر برائے سمندری امور، سینیٹر سید فیصل علی سبزواری؛ اور سینیٹر بشری انجم بٹ شامل ہیں۔وفدمیں دو سابق سیکرٹری خارجہ، سفیر جلیل عباس جیلانی، جو نگراں وزیر خارجہ کے طور پر بھی خدمات انجام دے چکے ہیں، اور سفیر تہمینہ جنجوعہ بھی شامل ہیں۔ لندن میں وفد برطانیہ کی پارلیمنٹ کی سینئر قیادت سے ملاقاتیں کرے گا جس میں پاکستان اور جموں و کشمیر پر آل پارٹیز پارلیمانی گروپ کے ساتھ ملاقاتیں بھی شامل ہیں۔ وفد فارن، کامن ویلتھ اینڈ ڈیولپمنٹ آفس (FCDO) کی لیڈرشپ و سینئر حکام سے بھی ملاقات کریں گے۔ وفد کے ارکان علاقائی امن کے لیے پاکستان کی کوششوں کو اجاگر کرنے کے لیے سرکردہ تھنک ٹینکس اور بین الاقوامی میڈیا کے ساتھ بھی وسیع پیمانے پر بات کریں گے۔ اپنے دورے کے دوران، وفد بین الاقوامی قوانین کی خلاف ورزی کرتے ہوئے بھارت کے جارحانہ اقدامات کے پیش نظر پاکستان کے ذمہ دارانہ طرز عمل کو اجاگر کرے گا وفد باور کرائے گا کے پاکستان امن کا خواہاں ہے۔ وہ اس بات پر بھی روشنی ڈالیں گے کہ مذاکرات اور سفارت کاری کو تنازعات اور تصادم پر ترجیح دی جانی چاہیے۔ وفد جنوبی ایشیا میں پائیدار امن کے فروغ کے لیے بین الاقوامی برادری پر اپنا بھرپور کردار ادا کرنے کی ضرورت پر زور دے گا۔ سندھ طاس معاہدے کی معمول کے مطابق کارروائی کو بحال کرنے کی ضرورت بھی وفد کے مہم کا ایک اہم موضوع ہوگا۔
مودی حکومت حقائق کو چھپا رہی ہے، جے رام رمیش