ایف آئی اے کی چنیوٹ کے علا قہ چناب نگر میں کامیاب کارروائی
اشاعت کی تاریخ: 27th, January 2025 GMT
چنیوٹ(آئی این پی)ایف آئی اے نے چنیوٹ کے علا قہ چناب نگر سے انسانی اسمگلنگ میں ملوث بدنام زمانہ قادیانی گینگ کے مرکزی سرغنہ وقاص ریاض کو گرفتار کرلیا،ایف آئی اے نے تحویل میں لیکر نامعلوم مقام پر منتقل کر دیا،مزید انکشافات متوقع ہیں،بتایا گیاہے کہ ایف اے نے ایک ہفتہ کے دوران دوسری مرتبہ چناب نگر میں کاروائی کر کے انسانی اسمگلنگ میں ملوث بدنام زمانہ قادیانی گینگ کے سرغنہ وقاص ریاض کو گرفتارکر لیا ،اور نامعلوم مقام پر منتقل کر دیا،گینگ یورپ بھجوانے کے نام پر 31شہریوں ستے چار کروڑ روپے ہتھیا چکا ہے،بیرون ملک ساتھیوں کی گرفتاری کیلئے انٹرپول سے رابطہ کرلیا گیا،ایف آئی اے کمپوزٹ سرکل فیصل آباد زون کی ٹیم نے شہریوں کی شکایات پر چھاپہ مار کر چناب نگر میں روپوش بد نام زمانہ گینگ کے سرغنہ ملزم وقاص ریاض کو گرفتار کر لیا ہے گیارہ رکنی گینگ کے پانچ کارندے پہلے ہی گرفتار کئے جاچکے ہیں،زونل ڈائریکٹر ایف آئی اے کے مطابق گینگ نے 31شہریوں سے یورپ بھجوانے کے نام پر چار کروڑروپے وصول کئے، ملزمان شہریوں کو غیر قانونی طور پر بیرون ملک بھجوانے میں ملوث ہیں،اور متاثرین جو جعلی دستاویزات بھی دیتے تھے،بیرون ملک سے گینگ کو آپریٹ کر نے والے گینگ کے دو کارندوں کی گرفتاری کیلئے انٹرپول سے رابطہ کیا جا رہا ہے، گرفتار انسانی سمگلروں کی کروڑوں روپے مالیت کی جائیدادیں اور بینک اکائونٹس منجمد کئے جا چکے ہیں اور ان کے خلاف کارروائی کا دائرہ کار وسیع کیا جا رہا ہے، ایک ماہ کے دوران فیصل آباد زون نے 55 انسانی اسمگلروں کو گرفتار کیا جن میں 12 اشتہاری اور یونان کشتی حادثے میں ملوث ملزم بھی شامل ہیں۔
.ذریعہ: Jasarat News
کلیدی لفظ: ایف ا ئی اے کو گرفتار میں ملوث گینگ کے
پڑھیں:
پسند کی شادی کرنے پر میاں بیوی قتل؛ سابق منگیتر ملوث نکلا
پسند کی شادی کرنے والے میاں بیوی کو گولیاں مار کر قتل کردیا گیا۔ واردات میں سابق منگیتر ملوث نکلا۔
پولیس کے مطابق قتل کا واقعہ دولت پور کے نواحی گاؤں اللہ دتہ کلیار میں پیش آیا، جہاں پسند کی شادی کرنے والے میاں بیوی کو گولیاں مار کر بے دردی سے قتل کر دیا گیا۔
واقعہ اس وقت پیش آیا جب ایک شخص نے گھر میں گھس کر دونوں کو گولیوں کا نشانہ بنایا۔ جاں بحق ہونے والوں کی شناخت 35 سالہ غلام مرتضیٰ کلیار اور 32 سالہ منیراں کلیار کے نام سے ہوئی ہے۔
پولیس کا کہنا ہے کہ ابتدائی تحقیقات کے مطابق دہرے قتل کی واردات میں مقتولہ کا سابق منگیتر ملوث ہے، جو ان کی پسند کی شادی سے سخت ناراض تھا۔ مقتولین نے کچھ عرصہ قبل ہی اپنی مرضی سے شادی کی تھی جس پر مبینہ قاتل دل برداشتہ تھا۔
پولیس نے لاشوں کو پوسٹ مارٹم کے لیے دیہی مرکز صحت شاہپور جہانیاں منتقل کر دیا ہے اور مزید تفتیش جاری ہے۔
پنجاب: ڈرینز میں زہریلے پانی اور کیمیکل کے اخراج کی روک تھام کیلئے آپریشن کی منظوری