سکھر: تعمیر نو ہائی اسکول میں گولڈن جوبلی منائی گئی
اشاعت کی تاریخ: 28th, January 2025 GMT
سکھر (نمائندہ جسارت) تعمیر نو ہائی اسکول سے 1975 میں میٹرک کلاس سے فارغ التحصیل نہم جماعت (کلاس فیلوز) اولڈ بوائز طلبہ (تعمیرین) کی جانب سے 50 سالہ باہمی رفاقت پر اظہار مسرت و یکجہتی کے لیے اپنی مادرِعلمی (تعمیر نو ہائی اسکول) میں گولڈن جوبلی منائی گئی۔ تقریب کے مہمانِ خصوصی اولڈ بوائز تعمیرین کے اساتذہ کرام خلیل اللہ نعیمی، سید مظہر عاصم اور ڈائریکٹر ایجوکیشن (ایلیمنیٹری سیکنڈری ہائر سیکنڈری اسکولز) سکھر ریجن حافظ شہاب الدین اندھڑ تھے، جبکہ اسکول ہیڈ ماسٹر حافظ لعل محمد تنیو، تعلقہ ایجوکیشن آفیسر سکھر ملک جاوید حمید، اسسٹنٹ ڈائریکٹر اسکول ایجوکیشن سکھر ریجن ضمیر حسین بھیو، اسکول اساتذہ سمیت کراچی سمیت دیگر شہروں سے آئے اولڈ بوائز تعمیرین پروقار گولڈن جوبلی تقریب میں شریک تھے۔ اس موقع پر اسکول کے ہیڈ ماسٹر حافظ وحید اللہ خان مرحوم سمیت مرحومین اساتذہ کرام کے ایصالِ ثواب کے لیے فاتحہ خوانی اور دُعائے مغفرت بقید حیات اساتذہ کرام کی عمر میں برکت کے لیے خصوصی دُعاء کی گئی۔ تقریب میں اساتذہ کرام کو لائف اچیومینٹ ایوارڈ اور ڈائریکٹر ایجوکیشن کو یادگاری ایوارڈ شیلڈ پیش کی گئی اور سندھی ٹوپی اجرک کے تحائف پیش کیے گئے، جبکہ تمام تعمیرین کو سرٹیفکیٹس دیے گئے، گولڈن جوبلی تقریب میں شریک تمام شرکاء نے اسکول کے بچوں کے ساتھ تعمیر نو اسکول کی صبح اسمبلی میں پڑھا جانے والا ترانہ (سورہ فاتحہ کا ترجمہ) پڑھا تو سماں بندھ گیا، راشد حسین عادل نے اسکول پر اپنی تحریر کردہ نظم پڑھ کر سنائی اور داد وصول کی، تقریب میں نظامت کے فرائض تعمیرین عرفان صمد نے انجام دیے۔
.ذریعہ: Jasarat News
کلیدی لفظ: اساتذہ کرام
پڑھیں:
پارک ویو سٹی کے حفاظتی بند کی تعمیر کا افتتاح کر دیا
لاہور:پارک ویو سٹی نے اپنے حفاظتی بند کی تعمیر کا باضابطہ آغاز ایک شاندار سنگِ بنیاد تقریب کے ذریعے کر دیا، جو مستقبل میں ممکنہ سیلابی خطرات کے مقابلے کے لیے رہائشیوں کی طویل مدتی حفاظت اور بحالی کی جانب ایک فیصلہ کن قدم ہے۔
اس موقع پر چیئرمین وژن گروپ عبدالعلیم خان، سی ای او پارک ویو سٹی جنید امین اور ڈائریکٹر سیلز اینڈ مارکیٹنگ نعیم وڑائچ نے خصوصی شرکت کرتے ہوئے منصوبے کا افتتاح کیا۔ ریئلٹرز، رہائشیوں اور کمیونٹی نمائندگان کی بڑی تعداد بھی موجود تھی، جس سے اس انقلابی منصوبے پر بھرپور اعتماد اور حمایت کا اظہار ہوا۔
تقریب کے دوران چیئرمین عبدالعلیم خان نے دریائے راوی کے حالیہ سیلاب سے متاثرہ رہائشیوں کے لیے ایک ارب روپے کے ریلیف پیکج کا اعلان کیا۔ انہوں نے یقین دہانی کرائی کہ ہر متاثرہ رہائشی کو معاوضہ براہِ راست ان کے دروازے پر پہنچایا جائے گا۔ اس کے علاوہ متاثرہ پانچ بلاکس میں ترقیاتی چارجز کی دو ماہ کی معافی بھی دی گئی تاکہ فوری مالی ریلیف فراہم کیا جا سکے۔
یہ حفاظتی بند 30 فٹ بلند ہوگا جو سوسائٹی کے تمام بلاکس کو کور کرے گا۔ اپنے بنیادی حفاظتی کردار کے ساتھ ساتھ اسے خوبصورت بنا کر واک اور جاگنگ ٹریک میں بھی ڈھالا جائے گا، جو صرف پارک ویو سٹی کے ممبران کے لیے ہوگا، یوں یہ منصوبہ حفاظت اور معیاری طرزِ زندگی دونوں کو یکجا کرے گا۔
چیئرمین عبدالعلیم خان نے پارک ویو سٹی کی انتظامیہ کی انتھک کاوشوں کو سراہا جنہوں نے مشکل وقت میں رہائشیوں کے ساتھ کھڑے ہو کر انہیں سہارا دیا اور سوسائٹی کو بحالی و ترقی کی راہ پر گامزن کیا۔
یہ منصوبہ حالیہ سیلابی چیلنجز کے تناظر میں شروع کیا گیا ہے، جو پارک ویو سٹی کے اس عزم کی تجدید کرتا ہے کہ وہ اپنے رہائشیوں کو محفوظ، جدید اور پائیدار رہائشی سہولیات فراہم کرے گا۔ منصوبہ 100 دن کے اندر مکمل کیا جائے گا تاکہ بروقت ریلیف اور طویل مدتی تحفظ یقینی بنایا جا سکے۔
اس موقع پر خطاب کرتے ہوئے چیئرمین عبدالعلیم خان نے کہا کہ یہ حفاظتی بند محض ایک انتظامی اقدام نہیں بلکہ پارک ویو سٹی کے وژن کی عکاسی کرتا ہے، جو جدت اور ذمہ داری کو یکجا کرتا ہے۔ ہم پُرعزم ہیں کہ اپنے رہائشیوں کو محفوظ رکھتے ہوئے ایک ترقی یافتہ اور خوشحال کمیونٹی تشکیل دیں گے۔
سنگِ بنیاد کی یہ تقریب دراصل ایک نئے دور کا آغاز ہے، جسے پارک ویو سٹی نے “تحفظ، جدت اور ترقی کے نئے باب” سے تعبیر کیا ہے۔ یہ منصوبہ نہ صرف جدید سہولیات کی فراہمی بلکہ مضبوط اور مستحکم انفراسٹرکچر کی تعمیر کے ذریعے لاہور کی دیگر نجی ہاؤسنگ سوسائٹیز کے لیے ایک مثال قائم کرتا ہے تاکہ وہ ماحولیاتی تحفظ، رہائشی بہبود اور فعال شہری منصوبہ بندی کو ترجیح دیں۔
سیلاب سے سینکڑوں بستیاں زیر آب، لاکھوں افراد بے گھر، ملتان کیلئے دو دن انتہائی اہم