‘اسکائی فورس‘ کی اسکریننگ میں شریک یہ خوبصورت لڑکی کون ہے؟
اشاعت کی تاریخ: 28th, January 2025 GMT
ممبئی(شوبز ڈیسک)بالی وڈ کے لیجنڈری اداکار راجیش کھنہ اور ڈمپل کپاڈیہ کی نواسی نومیکا 23 جنوری 2024 کو اپنے انکل اکشے کمار کی فلم “اسکائی فورس” کی اسکریننگ میں نظر آئیں۔
نومیکا، جو رنکی کھنہ اور سمیر سرن کی بیٹی ہیں، اپنی نانی ڈمپل کپاڈیہ کے ساتھ اس اسپیشل اسکریننگ میں شریک ہوئیں، نومیکا کی شاندار اور گریس فل شخصیت نے شائقین کی توجہ حاصل کی اور بہت سے لوگوں کا ماننا ہے کہ وہ دیگر اسٹار کڈز کے مقابلے میں کہیں زیادہ پرکشش ہیں۔
نومیکا کی والدہ رنکی کھنہ 2003 میں سمیر سرن سے شادی کے بندھن میں بندھیں اور 2004 میں نومیکا پیدا ہوئیں، رنکی، ڈمپل کپاڈیہ اور راجیش کھنہ کی چھوٹی بیٹی ہیں اور وہ ایک سابق اداکارہ بھی رہ چکی ہیں۔
رنکی نے اپنی فلمی کیریئر کا آغاز “پیار میں کبھی کبھی” سے کیا لیکن چند فلموں کے بعد انہوں نے فلمی دنیا کو خیرباد کہہ دیا۔
نومیکا کے انکل اکشے کمار نے 2004 میں ٹوئنکل کھنہ سے شادی کی اور نومیکا کے کزنز میں آرو اور نیتارا شامل ہیں۔
نومیکا جو اپنے نانا راجیش کھنہ کی نواسی ہیں، ان کی خوبصورتی اور شاندار شخصیت پر لوگوں کی خاص توجہ ہے۔
راجیش کھنہ، جنہیں ہندی سینما کا پہلا سپر اسٹار کہا جاتا ہے، ان کی شاندار مقبولیت آج بھی لوگوں کے دلوں میں زندہ ہے۔
نومیکا کے بارے میں کہا جاتا ہے کہ انہوں نے اپنی تعلیم لندن میں مکمل کی اور جب انہوں نے گریجویشن مکمل کی تو اپنی اس تقریب کی کی تصاویر بھی شیئر کیں۔
View this post on InstagramA post shared by Naomika Saran (@naomika14)
مزیدپڑھیں:پنجاب حکومت بےگھر افراد کو مفت پلاٹ دےگی
ذریعہ: Daily Ausaf
کلیدی لفظ: راجیش کھنہ
پڑھیں:
رائیونڈ تبلیغی اجتماع کی تاریخوں کا اعلان، انتظامات مکمل
اجتماع امسال بھی دو حصوں میں ہوگا جس میں لاکھوں افراد شریک ہوں گے۔ تفصیلات کے مطابق تبلیغی جماعت کا سالانہ اجتماع کا پہلا مرحلہ 6 نومبر بروز جمعرات کو بعداز نماز عصر رائیونڈ سندر روڈ پر شروع ہوگا۔ 9 نومبر کو اجتماع دعا کیساتھ اختتام پذیر ہوگا۔ اسلام ٹائمز۔ رائیونڈ میں عالمی تبلیغی اجتماع کا پہلا مرحلہ 6 نومبر سے شروع ہو گا، جس کی تیاریاں حتمی مراحل میں داخل ہو گئی ہیں۔ اجتماع امسال بھی دو حصوں میں ہوگا جس میں لاکھوں افراد شریک ہوں گے۔ تفصیلات کے مطابق تبلیغی جماعت کا سالانہ اجتماع کا پہلا مرحلہ 6 نومبر بروز جمعرات کو بعداز نماز عصر رائیونڈ سندر روڈ پر شروع ہوگا۔ 9 نومبر کو اجتماع دعا کیساتھ اختتام پذیر ہوگا۔ پہلے مرحلے میں دیر، باجوڑ، بونیر، چترال، سرگودھا، خوشاب، بھکر، میانوالی، کراچی کے علاوہ سندھ کے تمام اضلاع، راولپنڈی، اسلام آباد، چکوال، جہلم، اٹک، کشمیر کے تمام اضلاع، لیہ، مظفر گڑھ، کرک کے تمام اضلاع سے تبلیغی جماعت کے ارکان شریک ہوں گے۔
اجتماع کا دوسرا مرحلہ 13نومبر کو شروع ہوگا جو 16 نومبر بروز اتوار دعا کیساتھ اختتام پذیر ہوگا۔ دوسرے مرحلے میں گوجرانوالہ، گجرات، سیالکوٹ، نارووال، منڈی بہاؤالدین، شیخوپورہ، حافظ آباد، گلگت بلتستان کے مکمل اضلاع، مانسہرہ، ایبٹ آباد، ہری پور، کوہستان، بٹگرام، بہاولپور، بہاولنگر، رحیم یار خان، لودھراں، کوہاٹ، بنوں، اورکزئی، کرم، مردان، صوابی، مالاکنڈ جنوبی کے اضلاع کے افراد شریک ہوں گے۔ امسال اجتماع میں 10 لاکھ افراد کے قیام و طعام کے انتظامات کئے جا رہے ہیں۔ دنیا بھر سے لاکھوں افراد اجتماع میں شریک ہوں گے۔ پاکستان ریلوے اس موقع پر خصوصی ٹرینیں چلائے گا۔ اجتماع کے دوران تمام نان سٹاپ ٹرینیں بھی رائیونڈ سٹیشن پر رکیں گی۔ وزیراعلیٰ مریم نواز نے اجتماع کے شرکاء کیلئے الیکٹرک بسیں چلانے کا اعلان کیا ہے۔
پاکستان اور بنگلا دیش کا معاشی تعلقات مضبوط بنانے اور براہ راست پروازیں بحال کرنے پر اتفاق