نو کمپنیاں کنزیومر مصنوعات نمائش امبیانٹے میں شریک ہوں گی
اشاعت کی تاریخ: 29th, January 2025 GMT
کراچی(بزنس رپورٹر)دنیا کی سب سے بڑی کنزیومر مصنوعات نمائش امبیانٹے میں پاکستان سے نو کمپنیاں شریک ہوں گی۔جرمنی کے شہر فرینکفرٹ میں 7فروری سے شروع ہونے والی اس پانچ روزہ نمائش میں شریک پاکستانی کمپنیوں گھریلو سجاوٹ کی اشیاء ،کٹلری،دستکاری اور دیگر کنزیومر مصنوعات کی نمائش کریں گی۔اس نمائش میں دنیا بھر سے 81ممالک سے تعلق رکھنے والے لگ بھگ3700نمائش کنندگان شرکت کریں گے،اس نمائش میں ٹریڈ ڈیولپمنٹ اتھارٹی آف پاکستان(ٹڈاپ)کی جانب سے پاکستان پویلین کا انعقاد بھی کیا جائیگا۔یہ نمائش پاکستانی کمپنیوں کو بین الاقوامی خریداروں سے روابط بڑھانے اور اپنی مصنوعات کیلئے نئی مارکیٹس کی تلاش میں معاون ثابت ہوگی۔
.ذریعہ: Jasarat News
پڑھیں:
رائیونڈ تبلیغی اجتماع کی تاریخوں کا اعلان، انتظامات مکمل
اجتماع امسال بھی دو حصوں میں ہوگا جس میں لاکھوں افراد شریک ہوں گے۔ تفصیلات کے مطابق تبلیغی جماعت کا سالانہ اجتماع کا پہلا مرحلہ 6 نومبر بروز جمعرات کو بعداز نماز عصر رائیونڈ سندر روڈ پر شروع ہوگا۔ 9 نومبر کو اجتماع دعا کیساتھ اختتام پذیر ہوگا۔ اسلام ٹائمز۔ رائیونڈ میں عالمی تبلیغی اجتماع کا پہلا مرحلہ 6 نومبر سے شروع ہو گا، جس کی تیاریاں حتمی مراحل میں داخل ہو گئی ہیں۔ اجتماع امسال بھی دو حصوں میں ہوگا جس میں لاکھوں افراد شریک ہوں گے۔ تفصیلات کے مطابق تبلیغی جماعت کا سالانہ اجتماع کا پہلا مرحلہ 6 نومبر بروز جمعرات کو بعداز نماز عصر رائیونڈ سندر روڈ پر شروع ہوگا۔ 9 نومبر کو اجتماع دعا کیساتھ اختتام پذیر ہوگا۔ پہلے مرحلے میں دیر، باجوڑ، بونیر، چترال، سرگودھا، خوشاب، بھکر، میانوالی، کراچی کے علاوہ سندھ کے تمام اضلاع، راولپنڈی، اسلام آباد، چکوال، جہلم، اٹک، کشمیر کے تمام اضلاع، لیہ، مظفر گڑھ، کرک کے تمام اضلاع سے تبلیغی جماعت کے ارکان شریک ہوں گے۔
اجتماع کا دوسرا مرحلہ 13نومبر کو شروع ہوگا جو 16 نومبر بروز اتوار دعا کیساتھ اختتام پذیر ہوگا۔ دوسرے مرحلے میں گوجرانوالہ، گجرات، سیالکوٹ، نارووال، منڈی بہاؤالدین، شیخوپورہ، حافظ آباد، گلگت بلتستان کے مکمل اضلاع، مانسہرہ، ایبٹ آباد، ہری پور، کوہستان، بٹگرام، بہاولپور، بہاولنگر، رحیم یار خان، لودھراں، کوہاٹ، بنوں، اورکزئی، کرم، مردان، صوابی، مالاکنڈ جنوبی کے اضلاع کے افراد شریک ہوں گے۔ امسال اجتماع میں 10 لاکھ افراد کے قیام و طعام کے انتظامات کئے جا رہے ہیں۔ دنیا بھر سے لاکھوں افراد اجتماع میں شریک ہوں گے۔ پاکستان ریلوے اس موقع پر خصوصی ٹرینیں چلائے گا۔ اجتماع کے دوران تمام نان سٹاپ ٹرینیں بھی رائیونڈ سٹیشن پر رکیں گی۔ وزیراعلیٰ مریم نواز نے اجتماع کے شرکاء کیلئے الیکٹرک بسیں چلانے کا اعلان کیا ہے۔
ہم طالبان کو دوبارہ غاروں میں دھکیلنے کی صلاحیت رکھتے ہیں: وزیر دفاع خواجہ آصف