امریکہ فلسطین پر قبضے کے خواب دیکھ رہا ہے، علامہ مقصود ڈومکی
اشاعت کی تاریخ: 8th, February 2025 GMT
جیکب آباد میں آئی ایس او کے کارکنوں سے خطاب کرتے ہوئے علامہ مقصود علی ڈومکی نے کہا کہ فلسطین کے غیرت مند مسلمان اور امت مسلمہ غزہ کے ایک ایک انچ کی حفاظت کرینگے۔ اسلام ٹائمز۔ مجلس وحدت مسلمین پاکستان کے مرکزی رہنماء علامہ مقصود علی ڈومکی نے کہا ہے کہ شیطان بزرگ امریکا اور اس کے نالائق صدر ٹرمپ غزہ اور فلسطین پر قبضے کا خواب دیکھ رہے ہیں۔ فلسطین کے غیرت مند مسلمان اور امت مسلمہ غزہ کے ایک ایک انچ کی حفاظت کریں گے۔ امریکا اور اسرائیل کو ایک مرتبہ پھر ذلت آمیز شکست ملے گی۔ دنیا بھر کے انقلابی مسلمان شیعہ اور سنی بیت المقدس کی آزادی کی تحریک میں رہبر معظم کی زیر قیادت آگے بڑھ رہے ہیں۔ ان خیالات کا اطہار انہوں نے مجلس وحدت مسلمین پاکستان شعبہ عزاداری ونگ کے صوبائی نائب صدر سید غلام شبیر نقوی کی رہائش گاہ پر آئی ایس او کے جوانوں کیلئے منعقدہ درسی نشست سے خطاب کرتے ہوئے کیا۔ تقریب میں آئی ایس او پاکستان کے مرکزی صدر سید فخر عباس نقوی اور ایم ڈبلیو ایم رہنماء علامہ مقصود علی ڈومکی نے نوجوانوں سے خطاب کیا۔
اس موقع پر خطاب کرتے ہوئے علامہ مقصود علی ڈومکی نے کہا کہ انہوں نے کہا کہ انقلاب اسلامی کی 46 ویں سالگرہ کے موقع پر پوری دنیا کے حریت پسندوں کو مبارک باد پیش کرتے ہیں۔ حضرت امام خمینی رحمہ اللہ علیہ نے قرآن و سنت کی بنیاد پر الٰہی اسلامی انقلاب بپا کرکے عالمی کفر و طاغوتی قوتوں کے انسان دشمن عزائم کو بے نقاب کیا۔ یہ انقلاب حضرت امام مہدی علیہ السلام کے عالمی اسلامی انقلاب کا زمینہ ساز ہوگا۔ اس موقع پر گفتگو کرتے ہوئے آئی ایس او کے مرکزی صدر سید فخر عباس نقوی نے کہا کہ نوجوان اپنی دینی تعلیم و تربیت پر توجہ دیں۔ ہم سر زمین پاکستان پر قائد شہید علامہ سید عارف حسین الحسینی اور شہید ڈاکٹر محمد علی نقوی کے افکار کی روشنی میں انقلابی افکار اور دین اسلام کی پاکیزہ تعلیمات کی ترویج پر توجہ دے رہے ہیں۔ اس موقع پر آئی ایس او کے مرکزی صدر نے علامہ مقصود علی ڈومکی اور سید غلام شبیر نقوی کو آئی ایس او کی کتاب اور سالانہ کلینڈر کا تحفہ پیش کیا۔
ذریعہ: Islam Times
کلیدی لفظ: علامہ مقصود علی ڈومکی نے آئی ایس او کے کرتے ہوئے نے کہا کہ کے مرکزی
پڑھیں:
دنیا کی زندگی عارضی، آخرت دائمی ہے، علامہ رانا محمد ادریس قادری
جامع مسجد شیخ الاسلام میں جمعۃ المبارک کے اجتماع سے ’’فکرِ آخرت‘‘ کے موضوع پر خطاب کرتے ہوئے نائب ناظم اعلیٰ تحریک منہاج القرآن کا کہنا تھا کہ ایمانِ کامل کا تقاضا ہے کہ انسان دنیاوی زندگی کو امتحان گاہ سمجھے اور آخرت کی کامیابی کے لیے نیک اعمال کرے۔ دنیا کی زندگی عارضی اور فانی ہے جبکہ آخرت کی زندگی ہمیشہ باقی رہنے والی ہے۔ اسلام ٹائمز۔ تحریک منہاج القرآن کے نائب ناظمِ اعلیٰ علامہ رانا محمد ادریس قادری نے جامع شیخ الاسلام میں جمعۃ المبارک کے اجتماع سے ’’فکرِ آخرت‘‘ کے موضوع پر خصوصی خطاب کرتے ہوئے کہا کہ ایمانِ کامل کا تقاضا ہے کہ انسان دنیاوی زندگی کو امتحان گاہ سمجھے اور آخرت کی کامیابی کے لیے نیک اعمال کرے۔ دنیا کی زندگی عارضی اور فانی ہے جبکہ آخرت کی زندگی ہمیشہ باقی رہنے والی ہے۔ انہوں نے کہاکہ مومن کی اصل کامیابی دنیاوی مال و دولت میں نہیں بلکہ آخرت کی نجات میں ہے۔ انہوں نے کہا کہ تمام مسلمان اپنے اعمال کا محاسبہ کریں۔
انہوں نے مزید کہا کہ نماز، صدقہ اور حسن اخلاق کو اپنی زندگی کا حصہ بنائیں تاکہ قیامت کے دن سرخرو ہو سکیں۔ آج کا انسان دنیا کی چمک دمک میں گم ہو چکا ہے اور فکرِ آخرت سے غافل ہو کر گناہوں میں مبتلا ہے۔ دولت، عہدہ، اور شہرت کی دوڑ نے انسان کو روحانی سکون سے محروم کر دیا ہے۔
انہوں نے کہا کہ اگر بندہ یہ یقین رکھے کہ اسے ایک دن اپنے رب کے حضور جواب دہ ہونا ہے تو وہ کبھی کسی پر ظلم نہ کرے اور اپنی زندگی کے ہر پہلو کو قرآن و سنت کے مطابق ڈھال لے۔ علامہ رانا محمد ادریس قادری نے کہا کہ قبر میں تنہائی، حشر کا میدان، اور اعمال کا وزن وہ حقائق ہیں جنہیں بھول جانا سب سے بڑی غفلت ہے۔ انہوں نے کہا کہ رسول اکرم ﷺ نے فرمایا کہ عقل مند وہ ہے جو اپنے نفس کا محاسبہ کرے اور مرنے کے بعد کی زندگی کیلئے تیاری کرے۔ انہوں نے آخر میں کہا کہ دنیا کی فانی زیب و زینت میں الجھنے کے بجائے اپنی آخرت سنوارنے کی فکر کریں، کیونکہ ’’جس نے اپنی آخرت سنوار لی، اس نے سب کچھ پا لیا۔
صیہونی فوج نے جنین میں تین فلسطینیوں کو شہید کر دیا