وفاقی وزیر اطلاعات عطاءاللہ تارڑکا کارکنان کو خراج عقیدت، آرگنائزنگ کمیٹی کے قیام کی تجویز
اشاعت کی تاریخ: 9th, February 2025 GMT
لاہور(نیوز ڈیسک) وفاقی وزیر اطلاعات عطاءاللہ تارڑ نے دعائیہ تقریب کے موقع پر میڈیا سے گفتگو کرتے ہوئے کہا کہ مسلم لیگ (ن) نے ماضی میں مشکل دور دیکھا، جہاں ہمارے کارکنان عدالتوں، تھانوں اور کچہریوں میں پیش ہوتے رہے۔ انہوں نے کہا کہ اگر کارکنان آواز نہ اٹھاتے تو آج کامیابی نہ ملتی۔
انہوں نے نواز شریف، شہباز شریف اور حمزہ شہباز کی گرفتاریوں کا حوالہ دیتے ہوئے کہا کہ جب ہمارے قائدین کو عدالت میں پیش کیا جاتا تو لاﺅڈ سپیکر بجائے جاتے تاکہ میڈیا سے گفتگو نہ ہو سکے۔ کلثوم نواز کی وفات کے موقع پر نواز شریف کو جیل میں اطلاع دی گئی، جو ایک تکلیف دہ لمحہ تھا۔
عطاءاللہ تارڑ نے کارکنان کی قربانیوں کو سراہتے ہوئے کہا کہ مسلم لیگ (ن) کے قائدین نے جمہوریت کی خاطر بڑی قربانیاں دیں۔ نواز شریف اور ان کے خاندان نے جو سختیاں برداشت کیں، وہ ناقابل بیان ہیں۔ کلثوم نواز کے آخری لمحات میں نواز شریف ان کے ساتھ وقت نہ گزار سکے، یہ دکھ ہمیشہ رہے گا۔
انہوں نے کہا کہ کارکنان ہی پارٹی کی اصل طاقت ہیں اور ان کی قربانیوں کو کبھی فراموش نہیں کیا جا سکتا۔ ہم ان کارکنان کو خراج عقیدت پیش کرتے ہیں جو اب اس دنیا میں نہیں رہے، جن میں چوہدری عتیق اور گڈو شاہ شامل ہیں، جنہوں نے دن رات پارٹی کی خدمت کی۔
عطاءاللہ تارڑ نے کارکنان کے لیے ایک خاص کارڈ کے اجرا کی تجویز دی، جس میں یہ معلوم ہو سکے کہ کون سا کارکن کس وقت پارٹی کے لیے متحرک تھا۔ انہوں نے تجویز دی کہ مشکل وقت میں ساتھ دینے والے کارکنان کے لیے ایک خصوصی شناخت دی جائے اور انہیں “مجاد دور” کا نام دیا جائے۔
وفاقی وزیر اطلاعات نے اعلان کیا کہ ایک آرگنائزنگ کمیٹی تشکیل دی جائے گی جو کارکنان کے مسائل کے حل کے لیے تجاویز دے گی۔ اس کمیٹی میں کوئی ایم این اے، ایم پی اے یا پارٹی عہدیدار شامل نہیں ہوگا بلکہ صرف کارکنان ہوں گے، تاکہ ان کے مسائل براہ راست سنے جا سکیں اور ان پر عمل درآمد کیا جا سکے۔
عطاءاللہ تارڑ نے اس عزم کا اظہار کیا کہ پارٹی کارکنان کی فلاح و بہبود ان کی اولین ترجیح ہے اور ان کے مسائل حل کرنے کے لیے ہر ممکن اقدامات کیے جائیں گے۔
.
ذریعہ
ذریعہ: Daily Mumtaz
کلیدی لفظ: عطاءاللہ تارڑ نے نواز شریف انہوں نے کے لیے اور ان کہا کہ
پڑھیں:
نواز شریف کا کیا گیا وعدہ پورا، 10 جدید الیکٹرک بسوں کا تحفہ آزاد کشمیر روانہ
پاکستان مسلم لیگ (ن) کے قائد محمد نواز شریف سے آزاد جموں و کشمیر کے عوام سے کیا گیا وعدہ پورا کر دیا گیا ہے، جبکہ وزیراعلیٰ پنجاب مریم نواز شریف نے جدید ترین 10 الیکٹرک بسوں کا تحفہ آزاد کشمیر کے لیے روانہ کردیا۔
یہ بھی پڑھیں: آزاد کشمیر کے عوام کا دیرینہ خواب پورا ہونے کے قریب، تاریخ میں پہلی بار الیکٹرک بسیں چلیں گی
اسلام آباد سے جدید الیکٹرک بسوں کا قافلہ آزاد کشمیر کی جانب روانہ ہوا۔ بسوں پر وزیراعلیٰ پنجاب مریم نواز شریف کی تصویر کے ساتھ ’آزاد کشمیر کے لیے تحفہ‘ درج ہے۔
یہ الیکٹرک بسیں پاکستان مسلم لیگ (ن) کی جانب سے آزاد کشمیر کے عوام کے لیے کیے گئے اس انتخابی وعدے کی تکمیل ہیں، جس کا اعلان قائد مسلم لیگ (ن) محمد نواز شریف اور وزیراعلیٰ پنجاب مریم نواز شریف نے مظفرآباد میں اپنے پہلے انتخابی جلسے کے دوران کیا تھا۔
یہ بھی پڑھیں: مریم نواز کی ہدایت پر پنجاب سے 15 ’کلینک آن ویلز‘ آزاد کشمیر روانہ
حکومتی ذرائع کے مطابق ان جدید الیکٹرک بسوں کی فراہمی سے آزاد کشمیر میں عوامی ٹرانسپورٹ کے نظام کو جدید بنانے، سفری سہولیات بہتر بنانے اور ماحول دوست ٹرانسپورٹ کے فروغ میں مدد ملے گی۔
وزیراعلیٰ پنجاب مریم نواز شریف نے کہا کہ آزاد کشمیر کے عوام سے کیا گیا وعدہ پورا کردیا گیا ہے اور عوام کو بہتر سفری سہولیات کی فراہمی کے لیے تعاون کا سلسلہ آئندہ بھی جاری رہے گا۔
یاد رہے کہ گزشتہ روز وزیراعلیٰ پنجاب مریم نواز شریف کی ہدایت پر پنجاب حکومت نے آزاد جموں و کشمیر میں صحت کی سہولیات کی فراہمی کے لیے ’کلینک آن ویلز‘ منصوبے کی 15 موبائل طبی گاڑیاں بھی ادویات، طبی آلات اور میڈیکل اسٹاف سمیت روانہ کی تھیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
'کلینک آن وہیلز' we news آزاد کشمیر مریم نواز نواز شریف وزیراعلٰی پنجاب
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم